وناستنا في رشاقتنا (( الجزء الثالث ))

[angel_27r]

هاي
انا اتبعت نظام السعرات واجد بس احس ماينزل وزني واجد بس الصراحه ممتع
والي احلى النقاط
جدااااااااااااااااااااااااااااااااااا ممتع
يومياتي
الفطور: كاس كورن فليكس ريجيم + حليب وشاي
الغداء نص كوب رز مندي وقطعة لحم صغير
شاي اخضر
ورياضه مشي نص ساعه
العشاء ان شاء شوربة خضار

 

[Ya7aLaTi]

السلام عليكم..


شلوونكم ؟



فنكيه.. ما أتوقع ينزل 10 ... بس حتى لو 3 نععععمه _03BA:
بتجربينه ؟ :tomato2:




أمبييه بنات.. مهمهااا وينها ؟؟... من زماااااان مو مبينه

 

[Ya7aLaTi]

منمن واينجل.. علييكم بالعاافيه :*


الحنوونه.. نظام الكالوري جنه تخفيف... تاكلين إلي تبينه بس على حسب الكالوري... يعن مثلا لج 1000 كالوري باليوم.. تحطينلج الأكل إلي تبينه بس ما يتعدى الـ 1000 كالوري <<< فهمتيني ولا شرحي خرابيط ؟

 

[بطة رشيقة]

السلام عليكم شلونكم بنات شخباركم انا الحمدلله زينه وكل شى تمام .. وربى يوفقنا ويتمم علينا .. انا اليوم تغديت لحم بالفرن مع سلطه ومشيت نص ساعه وربى يتمم علينا ان شالله ...

الحنووووووونه .. هلا وغلا حبيتبى انا موجوده بس على غااااطه والله ويوم رجيم ويوم اخربط بس ان شالله يارب ربى يتمم علينا ويوفقنا ..

انتى شلونج وشلون عيونج حبيبتى ان شالله احسن ...

 

[mn.mn]

الحنونة شوفي هالموقع فيه السعرات الحرارية حق وايد اشياء وترتبين لج وجبات وتحسبين لين توصلين باليوم لي 1000 سعرة

وفي ناس تحط لها لي 1200 سعرة وكل جسم يفرق اشكثر ينزل عن الثاني


http://helwa.maktoob.com/CaloriesMain.htm

 

[مس يو]

شلوووووووووونكم بنات...

روحي تعشقه ألف لا باس عليج حبيبتي .. وعليج بالأذكار والرقيا الشرعيه ..

روعه ألف مبروك على الحمال.. والله يتمم عليج بصحه وعافيه ان شاء الله.. عليج بالفيتامينات والمكملات الغذائية والأكل الصحي ..

انا الحمدلله ملتزمه بالتخفيف ومو قاعده اخربط .. واليوم دايخه مارحت النادي وعيالي عندهم امتحانات توني خلصت تدريسهم ماكو وقت كلش..

يومي كان كالتالي:

الريوق: بيض مع طماط وخبزة خفيفة وزيتون وخيار وجاي

السناك: موكا واصبع تويكس الصغير .. و ان شاء الله اقولكم شكليت باجي يومي بالليل...

 

[مس يو]

هاي
انا اتبعت نظام السعرات واجد بس احس ماينزل وزني واجد بس الصراحه ممتع
والي احلى النقاط
جدااااااااااااااااااااااااااااااااااا ممتع
يومياتي
الفطور: كاس كورن فليكس ريجيم + حليب وشاي
الغداء نص كوب رز مندي وقطعة لحم صغير
شاي اخضر
ورياضه مشي نص ساعه
العشاء ان شاء شوربة خضار

بالعكس انجل ينزل الوزن.. الحمدلله انا من بديت لي اليوم وانا متبعه رجيم الكالوري ونزلت عليه اكثر من 22 كيلو وصلت للوزن المثالي.. احس احسن من ان الوحده تغير كل يوم والثاني من رجيم لي رجيم..

 

[mn.mn]

هلا والله مس يو الله يعطيج العافية على تدريس الياهال

انا والله توني اجرب الامتحانات ولدي العود برابعة ابتدائي وبدوا امتحانات الفترة الاولى الله يعينا ويعينهم

اذا عندج اكلات معينة وتعرفين اشكثر فيها سعرات قوليلي

 

[مس يو]

هلا فيج من من .. والله يعافيج حبيبتي ..

واااااااي تعب تعب .. انا عيالي بالباكستانية امبيه دراستهم مو صج شكثر المواد وشكبر المناهج حشى لو بالثانوية ..

انا عيالي امتحانات نهاية الترم .. و 1/12 يبدون الترم الثالث ان شاء الله..

 

[مس يو]

من من تعرفين انجليزي عدل .. اذا تعرفين بعطيج موقع اجنبي عجيب فيه انظمة الكالوري وكل وجبة جم فيها كالوري وشلون تسوينها بالخطوات روووعه الموقع..

 

[مس يو]

http://www.weightlossforall.com/1200-calorie-diet-sample.htm

من من هذا الموقع اللي قلتلج عليه وهالصفحه فيها نظام 1200 كالوري باليوم شوفيه وعطيني رايج....

 

[mn.mn]

مس يو الله يعينج والله على التدريس وما قصرتي على الموقع اطل فيه واشوف

 

[مس يو]

من من شوفي برنامج the doctors على mbc4 حلوه الحلقه

اي والله الله يعينا..والعفو ماسويت شي نفيد ونستفيد لووول

 

[mn.mn]

حلو الموقع بس اغلب الاكل اللي حاطينه ماااااااا احبه

ما قصرتي حبيبتي

 

[mn.mn]

الحلقة عن شنو ؟

ريلي وولدي مجابلين مباراة الكويت واندونيسيا ولا خدامتي كل ساعة تطل تشجع فريق ديرتها لووووووووول

 

[مس يو]

شنو الاكلات اللي تحبينها قوليلي عليها وانا احسبلج الكالوري اللي فيها...

 

[مس يو]

الحلقة عن شنو ؟

ريلي وولدي مجابلين مباراة الكويت واندونيسيا ولا خدامتي كل ساعة تطل تشجع فريق ديرتها لووووووووول

لووووووووووووووووو خليهم عيل يطالعون.. يحليلها خدامتج من صجها..

الحلقة منوعه .. عن كل شي يتكلمون..

 

[mn.mn]

مثلا معكرونة مع لحم مفروم ؟

عيش وربيان ؟

مجبوس دياي ؟

بيض وطماط ؟

جني مصختها ههههه

اي والله لو تشوفون اللي يشجعون اندونيسيا يمكن تلقين خدامة بيت من معارفج :dddds:

 

[مس يو]

لوووووووول لا عادي خليني احسبهم وارد عليج باقرب وقت ... اوووووووووكيك

 

[مس يو]

من من شوفي هالصفحه فيها كل انواع الأطباق الخليجية والسعرات اللي فيها .. وانتبهي انها لـ 100 جرام يعني تقريبا حجم الاستكانه مالت الجاي لووول << ادري انصدمتي..
http://helwa.maktoob.com/Calories_Kuwaitifoods.htm

وبالنسبة للبيض بالطماط .. البيضة فيها تقريبا 80 كالوري .. والطماطه اقل من 20 (لان كوب الطماط المقطع فيه 40 كالوري) وقفشة الزيت فيها تقريبا 120 كالوري

يعني تقريبا بيضة مع طماطه وقفشة زيت بيطلع لج 220 كالوري..


http://alfrasha.maktoob.com/archive/index.php/t-140430.html
وهذا رابط فيه جم نظام حاسبين الكالوري فيها.. طبعا هالكميات لـ 500 كالوري باليوم انتي ضاعفي الكمية علشان تصير 1000 كالوري..