وناستنا في رشاقتنا (( الجزء الثالث ))

[Loving Stella]

الف مبرووووووووووووك الحنونه الله يعطيج خير هالوظيفه و يكافيج شرها يارب و الله يوفقج بكل خطوه ان شاء الله

انا الحمد الله زينه ولهت عليكم بعد كلكم


تقبل الله اعمالكم بهالايام المباركه من ذي الحجه عسى الله يبلغنا وياكم ان شاء الله السنه اليايه

و كل عام ونتو بخير

 

[Bs.ana]

مساء الخير كلكم

اشلونكم ؟؟


الحنونه مبروك حبيبتي على الوظيفه :ggdw:
شعور حلو عاد الله يوفقج


طبعاً انا قررت امشي على رجيم السعرات لانه تعبت من الرجيمات وماابي اكره الرجيم
فقلت بس خلاااااااااااص
باليوم راح اخذ 800 سعره حراريه وماتعدها
وباليوم المفتوح اخذ 1500
ولي وصلت للوزن الي انا ابيه راح اتم اخذ 2000 سعره حراريه

بس لاني تعبت من الرجيم
ويوم قررت اسوي رجيم دشتي شفت اضرار وايد على مدى بعيد
اولهم جفاف الكلى وانا هذا صاير فيني وعرفت انه من رجيمه

فاابعد عن الشر احسن


المهم


اليوم كان

ريوقي
2 توست + بيضه مفيوحه + اقلاص جاي

السناك
برتقاله


ومشيت 20 دقيقه :ggdw:

 

[al7noona]

ستيلا الله يبارك فيج ياعمري ماقصرتي

فنكيه الله يبارك فيج ياقلبي
انا مادري شلون صايره مااعرف امشي على رجيم معين





لووووول عاد بنات الدوام يقولون لي الله يعينج ترى احنا حدنا خراب حق المتن زاهبين كله ناكل ونطلب مطاعم وحده تقولي اول ماتوظفت زادت 10 كيلو اقولهم لا تكفون انا ماصدقت نزلت هالجم كيلو بعد اردهم ياحسرتي لووووول

 

[مس يو]

السلام عليكم ،،،

مساااااااااااااء الخيررررررررر

وكل عام وانتو بخير وتقبل الله طاعتكم ...

انا الحمدلله تمام وماشيه على التخفيف..

امس تغديت شوية مربين وتعشيت مشاوي ..

واليوم تريقت كوب حليب جاي مع بسكوت والعصر كليت سمبوسة ونص صمونة مشكل ..

وناوية اتعشا عيش احمر لوووول ..

 

[mn.mn]

السلام عليكم

شلونكم بنات ؟

الحنونة بالمبارك على الوظيفة

فنكية رجيم السعرات وايد حلو بس يبيله خلق واذا انتي من عشاق ماكدونالز ترى عندهم ورقة فيها سعرات أغلب أكلهم

انا مو ملتزمة 100 % وان شاء الله بحاول ما أخربط وايد المهم ما ازيد نعمة

 

[al7noona]

وانتي بخير مس وبالعااافيه


منمن الله يبارك فيج ماقصرتي

 

[al7noona]

 

[Bs.ana]

باااااااااااااك

تابع يومياتي


تغديت

2 توست + همبرجره شوي + خسه + قفشة جبن مزرولا + دايت سفن


سناك

تفاحه خضرا

 

[Bs.ana]

الحنونه

مالج شغل فيهم انا كانوا يطلبون وياكلون
انا ايب شابورتي وحليبي بالماج بعد واجابلهم

وانتي بخير وصحه وسلامه حبيبتي :eh_s(6):


مس يو

بالعافيه ياقلبي
وانتي بخير وصحه وسلامه


من.من

بس والله اريح من هالرجيمات على الاقل تدرين شتاكلين وماتاكلين وتحاسبين روحج
اليوم الحمدالله انا وايد مرتاحه انشاءالله دوم وماامل
خو انا ملوله
وحاولي تنضبطين مابقى على نهاية هالسنه اله شهر
خلينا اشوي على بداية السنه نكون في مرحلة الوزن المطلوب :eh_s(6):

 

[Bs.ana]

تابع اخر يومي

العشى

1 توسته + بيضه مفيوحه + قفشة جبن مزرولا + خس + 5 حبات اخيار مخلل وليمون + جاي


وبجذي خلصت يومي خذيت 815 سعره حراريه

:ggdw:

 

[mn.mn]

صباح الخير

فنكية ان شاء الله ما تملين وتستمرين على هالرجيم وتشوفين منه نتيجة ترضيج

انا امس هم ما التزمت ثقلت بالغدا وكليت ككاو

ان شاء الله اليوم يكون احسن وتريقت بالدوام توست وجبن وسلطة وجاي حليب والسناك راح يكون عصير اناناس

 

[al7noona]

فنكيه انا ماسكه نفسي وبالاصح مااشتهي اكل وايد لان افتح ريجي على كوب نسكافيه علشان جذي يسد النفس احسن شي لووول


منمن بسج تخربط وراج العيد لوووول

 

[mn.mn]

هلا والله الحنونة اي والله ورانا العيد الله يستر بس

 

[Bs.ana]

مساء الظهر

اشلونكم حبايبي ؟؟

اووه اليوم قاعده امبجر لانه بعد شوي بروح السوق لاخر يوم انام بالسوق :dddds:

تريقت
كابتشينوا بس

من من
انشاءالله يارب ومن ناحية النتيجه ترى النتيجه تونس :eh_s(6):
ليش ماتحاولين تسوينه والله احسن لج عشان تقدرين تاكلين كاكاو ووجبه بعد :dddds: اهم شي
بالعافيه عليج الي اكلتيه


الحنونه
ويييه عيل احسن لج عيل :eh_s(6):

 

[mn.mn]

هلا والله فنكية عاد الله يعينج على زحمة السوق الحين

انا والله ادري انه خوش رجيم بس هم جربته ما اقدر التزم اتعب نفسيا لما اقعد احسب وكنت اشتري من دايت سنتر وجبات

صج صج حلو وما يقيد

 

[روعة خيال]

قوة بناااااااااات شلونكم؟؟

حبايبي و اخيرا بعد طول انتظار طلعت لاب توبي من الوكالة

و يومياتي امس

الريوق : ماكو

الغدى: ماكو

العشا: وجبة من برجر كنج و خلصتها قبل الساعة 7

يومياتي اليوم

الريوق و الغدى: موكا بحليب خالي الدسم+ كرواسان جبن

العشا: ماكو ان شاء الله

 

[Ya7aLaTi]

السلام عليكم ..



وااااي أنا بنتحر ... والله ماااااني قااادره ألتزم بالرجيم :0bee2e8d89:


وزني صك الـ 73 من عقب ما وصلت 67.800 :eh_s(1)::eh_s(1):


ودي أقط روحي من الدريشه.. مادري شسوي علشان أسكر حلجي :0bee2e8d89:

 

[عروووب21]

مرحبا بنات بعد طول الغياب بس الله يكافيكم الشر نفسياااااااااااااااات


نفسيتي صارت زفت هالايام بس اني اخفف ما ادري شفيني مو قادره ادخل القسم لي يومي افحط بقسم بيت القصيد


عادي عادي اريح نفسي شوي


بس والحمدلله الكل ملاحظ اني تغيرت وملابسي وسعت على وصرت البس ومقاسات اصغر
شعور حلو واليوم اول ايام العوده<<<<مهاجره الاخت

اليوم تريقت كورن ف\لكس والغدا ما تغديت


والعشا باخذ برجر مشوي مع شريحة جبن شيدر وكوب شاي


وباحاول امشي طبعا اذا خلتني بنتي عاد الجو يساعد الواحد يمشي

ويعين الله

 

[Bs.ana]

هلا والله فنكية عاد الله يعينج على زحمة السوق الحين

انا والله ادري انه خوش رجيم بس هم جربته ما اقدر التزم اتعب نفسيا لما اقعد احسب وكنت اشتري من دايت سنتر وجبات

صج صج حلو وما يقيد

هلا فيج
واي من صجج حده زحمه حده حيلي طاح تعبت :0bee2e8d89:
والمشكله بعد سبوع العيد حفلة ملجتي
فا عيد وحفله احس ماكو حيل كلش
:0bee2e8d89:

اي صح بس الشي الي معروف تاكلينه ماتتعبين عليه عرفتي تكونين عارفه نسبة الكلوريز
صح مايقيد
:eh_s(6):

 

[Bs.ana]

روعة الخيال
بالعافيه عليج
وعفيه عليج والله انشاءالله دوم هالاراده
والحمدالله على سلامة لابتوبج لووووول


ياحلاتي
امبيه :eh_s(14):
والله حرام عليج ليش ليش
حاولي تلتزمين لانه حرام تزيدين او وايد زيادتج من 67 لي 73 والله حرام
مو شويه يعني
ياله عاد بسج لعب وله حابه تردين الي نزلتيه



بسكم دلع وياله بعد العيد كلنا التزام السنه باقي عليها شهر وماوصلنا للوزن المطلوب شسالفه :0bee2e8d89:
مو ناوين نفتح تجمع عشان نثبت اوزانا :eh_s(1):


<<< طلعي برا :dddds: