وناستنا في رشاقتنا ((الجزء الثاني)) تم التمديد الى تاريخ 18-9

[ضحى الكويت]

السلام عليكم ورحمه الله وبركاته


صديقاتى الصدوقات اشلونكم شخباركم وايد ولهت عليكم

كلكم كلكم وايد وايد


بس وايد هم منحرجه منكم الكيلواااات قفزت قفزااااااا الى الامام للاسف وكلى اسف


وبإذن الله تعالى ابتدى مشوار معاكم من يد ويديد بس متى الله العالم


بس فى امل لى الحين انى اضعف من يوم سمعت ان الفنانه انتصار الشراح اصبحت من عالم الرشيقات صار عندى امل


واليوم لى سادس من شوال صيام الحمد الله وعيدى راح يكون بإذن الله تعالى يوم الاحد


والحمد الله ماكان على دين الان كليت حبوب منع الحمل طول فتره رمضان والحين الحمد الله خلصت شوال نعمه من رب العالمين


وببتدى برنامج المشى والرجيم ان شاء الله




والختام سلام عليكم اجمعين ولى طله عن قريب


من من اكيد ماراح تنسيناااا وتسوين لنا تجمع يديد ثانى هههههههههه

والله فشلانه منج بس ما عليه تحمليناااا​

 

[Na77olah]

يعطيكم العافيه بنات شلونكم

وكل عام وانتوا بخير


منمن شلونج حبيبتي

في مجال اكون معاج بالتجمع اليديد ؟؟؟


فنكيه شلوووونج وهاااااااا في عرس قريب انشالله ؟؟؟ ودي اعرف اخر اخبارج

 

[mn.mn]

صبااااااااااااااااااااااااااح الخير على الكل

نور التجمع بطلة حبايبنا كلهم بدون ذكر اسماء عشان ما انسى أحد واكيد التجمع اليديد ينووووووووووووووووور فيكم

باجر ان شاء الله راح يكون الانطلاقة من يديد في رحلة البحث عن الرشاقة اللي ما ندري متى راح تكون نهايتها

لا تخلووووووووووووووون وخلونا نرد من يديد انا وايد محبطة من الوقفة اللي وقفتها وما خذيت غير اني شفت ال 80 مرة ثانية

اليوم انا بديت ريوقي كان بس نسكافيه والغدا راح يكون 3-4 كوسا صغار محشي وسلطة والسناك ككاو وسط

والعشا شابورة وجبن ابيض وسلطة وعصير اناناس وكيوي

كلمة اخيرة طالعة من قلبي خلكم مثل جذع النخل واقف في ويه الريح >>>> يا انا يا المتن منو بيكسر الثاني ؟


:ada::ada::ada::ada::ada::ada:

 

[ام فجور 2008]

من من ناطرينج على احر من الجمر
شلونج

 

[ام فجور 2008]

من من اي رجيم بتسوين؟

بنات عندي فكرة اذا اعجبتكم خالنطبقها
بموعد الميزان مو بس نقايس وزنا بالميزان خل نقايس بالمتر لان مرات م ينزل الون بس القياسات اتغير

 

[to07aH]

قووووه بنات شلونكم

ريوقي اليوم ماتريقت

بعد شوي بتغدا دياي باكل قطعتين :\

وان شاءالله يظل يومي اوكي

 

[ام فجور 2008]

بالعافيه توحة

شنو كان رجيمج ماشاءالله نزولج حلو

 

[to07aH]

الله يعافيج ام فجور

اراجع عند دكتور بدر النصر الله ...

لول بدال لا اكل قطعتين كليت 2 ونص مقلي بعد لوووول وفيه بقسمات :\



تحسفت اهيء

 

[Ya7aLaTi]

Hiiii :eh_s(6):


شلوووونكم ؟


ليلحين ما تريقت.. بعد شوي بتريق كورن فليكس فتنس + كرنيشن لايت <<< لا تسمعني أم فجوور لووووووووووووول :dddds:


وغداي إن شاء الله يمكن عالـ 3.30 ولا 4 .. شريحتين توست أسمر + همبرقر دياي وحده + جبن سلايس وعصير ليمون ... وبس :tomato2:

 

[ام فجور 2008]

انا اخذت موعد عند المطوع عطاني شهر 3 :dddds: الا طايرة الارادة
وما ادري انا الحين ماخذه علاج حق الحمال وانشاءالله هالشهر اكون حامل تعبت :0bee2e8d89: بس ببدي من باجر رجيم حتى لو حملت انشاءالله

ياحلاتي حفظت ريوقج :dddds:

 

[mn.mn]

انا كم باك يا حلاتي وام فجور وتوحة هلا والله شلونكم ؟

بالعافية عليكم وجباتكم اليوم وانا بعد بحاول اكمل يومي بدون خرابيط

هالاسبوع ماني ماشية على رجيم معين بحاول اطبق افكار رجيم المطوع هالاسبوع عشان الاسبوع الياي بعد ما اخلص اسبوع المرور

ببدي صيام وبشوف بعدين اي رجيم بسوي بحاول آكل من غدا البيت بس بحدود الرجيم والعشا ماراح اتعدى التوست او الشابورة مع جبن

او بيض او فول مع سلطة مع عصير أو فاكهه والريوق هم بعد راح يكون توست وجبن بالدوام والسناك راح اخليه نسكافيه واذا كليت ككاو

وسط بالدوام ماراح آكل العصر واذا طلعت بره باكل مشاوي او اطلب الكيدز ميل بدون بطاط وبشوف الرياضة احتمال ارد ابدي فيها من

الاسبوع الياي هالاسبوع عندي لوية شوي بالبيت بصبغ داري وبغير الستارة وعندي جم شغلة بخلصهم وماراح يكون عندي وقت

ام فجور فكرة المقاسات حلوة بس يبيلها خلق وممكن نخليها اختارية

 

[Ya7aLaTi]

أم فجووور.. إن شاء الله تحملين وتييبين أخت ولا أخوو حق فجووره :yaaaaaarb:




منمن.. أنا تمام الحمد لله :eh_s(6):
زيييين تسوييين :ggdw:... إن شاء الله تنزلين إلي زدتيه وزياده بعد :yaaaaaarb:

 

[mn.mn]

هلا والله يا حلاتي آمين الله يسمع منج بس ان شاء الله التزم بالرجيم من يد ويديد

 

[ام فجور 2008]

من من عليج بالعافيه النيو لوك الغرفة

ياحلاتي الله يسمع منج

 

[ام فجور 2008]

بنــــــــــــــــــات عندي لكم سؤال ادري مو مكانه بس للفائدة هههههههههههههههههههههه

شلون ترتبون كبتاتكم
دي اشن حمله هجومية على المحكر الي انا فيه
واعدل الكبتات لوية عندي

وتكرمون الحمام شنو تحطون فيه انا حتى كريمات الجسم حاطتهم هناك

 

[ام فجور 2008]

من من جم صار وزنج

انا الميزان الي عندي مادري صج او يخرف

 

[mn.mn]

ام فجور الله يعافيج بس اهو مو نيولوك بس صبغ وتغيير ستارة كان الود ودي امحي الغرفة من الوجود واسوي وحدة يديدة من الألف لي الياء

بس الميزانية ما تسمح غير جذي في اشياء حرام لي الحين تنفع مو مال قط عاد قلت خلاص الصبغ والستارة يكفون بس عشان كسر الروتين

وبالنسبة للكبتات وما ادراج ما الكبتات انا عندي غرفة ملبس مفصولة عن غرفة النوم بس هم لوية واشكثر اغراض وناااااااااااااااادر ما احس

انها مرتبة 100 % والحمام انا ما احط فيه كل شي لاني حاطة كبت طوالي من ايكيا يم باب الحمام فيه الفوط والصابون والشامبو

وكل مستلزمات الحمام والحمام بعد فيه من كل بستان زهرة بعد الله بس يفكنا من طبع التشري والتكود يا زين الاجانب بس غرض غرضين

بكل مكان بالبيت مو احنا وين ما تمشين اشكثر اغراض مكودة وبالنسبة لوزني آآآآآآآآآآآآآآآآآآآآآآآآآآآه يا وزني طقيت ال 81 من بعد ما شفت

ال 74 بداية العطلة بس يا الله الحمد الله على العافية وان شاء الله تتعوض وارد ابدي من يد ويديد

 

[oum 5ald]

قووووه ..

ترى اكثر من مره اكتب رد بالمنتدى ومااايطلع اليوم قاعده اجيك ..

مالقيتلي ولا رد

اقول انا يامن من نفسج لوووووووووووووووول ..

المهم اقولج وين موضوعكم اليديد ترى ناطرته وبقوه ..

وان شاء الله كل وحده فينا تضعف ارادتها الباجي يقونها ..

وحلمانه اني اشتركت بنادي لووووووووووووووول ..

توني اقول حق امي وزوجي يقولونلي الاحلام حلمي بس العشم لاتتعشمين لوووووووووووووووووووووووووووووووووووول ..

 

[oum 5ald]

نسيت اقولكم باجر اول يوم دوام حقي خااايفه حدي

 

[mn.mn]

هلا والله ام خلوووووووووووووود باجر بعون الله راح احط التجمع اليديد وناطرتكم تقصون الشريط وياي هههههه

وبالنسبة للدوام لا تحاتين ولا شي هذا شعور طبيعي وان شاء الله ما يمر الاسبوع الا وانتي متأقلمة

وان شاء الله كلنا راح نبدي التجمع اليديد بقوووووووووووووووووة صج صج نبي انجاز انا حلمي لي عيد الاضحى انزل 10

تهقون اقدر ؟؟؟؟؟؟؟؟؟