{ونـــــــــــــــاستنا في رشــــــــــــاقتنا }(تمديد الى 17-7)

[~ MhMh ~]

أي شفته مس يو الله يبارك فيج ... و صج من جاع نزل وزنه

 

[مس يو]

لوووول مها... انا اعرف اطبخ ...

وعندي طريقة دياي مشوي ان شاء الله تعجبج

 

[~ MhMh ~]

عاااشت مس يو
الحقيني فيها
أنا أعرف اطبخ و اتفنن بس ما اعرف طريقة الطبخ الصحي
خبري كله بالعيوش و المعكرونيات و المعجنات و الحلويات

 

[مس يو]

اول شي تغسلين الدياية عدل وتنقعينها شوي يا بخل يا بملح ودارسين ناعم علشان الزفره...

بعدين بالخلاط : تحطين قوطي روب خالي الدسم (بما انها للرجيم) وتحطين بصله مقصصه ارباع وجم فص ثوم مقشر وبهارات وليمون وملح

وتخلطينها عدل مدل

بعدين تحطين الدياية بصينية الفرن وتغطينه بالخلطه عدل .. وتغطينها بقصدير وتخلينها ليلة كامله بالثلاجه.. وباليوم الثاني طلعيها وحطيها بالفرن خليها ساعة تقريبا او لحد ماتستوي.. بعدين شيلي القصدير ودهني الويه بشوية زيت وشغلي عليها الشوايه من فوق علشان تتحمر

وكيفج اذا تبين الدياية كامله او مقطعه ،، بجلد او بدونه شي راجعلج انا افضلها بالجلد لسبب ان يحافظ عليها ماتحترق وتصير يابسه

وطريقة اللي بطرشي المانجا انا اسويها بس يمكن طريقتي غير... اول شي اسلق الديايه بعدين احطها بصينية الفرن واحط بالخلاط عصير ليمون وشوي طرشي منجا وشوي بهار وشوي زيت طبخ وشوي معجون ومادري شخبص بعد بعدين ادهن فيها الدياية وادخلها الفرن لما تتحمر من فوق...

وهم ادهن الدياية بصوص hp اللي جنه صبار والثاني الباربيكيو مع بهارات يعني مره جذي ومره جذي... وكل مره لي خلطه شكل وان شاء الله يعجبج شغلي لووووووول وترا تقدرين تحطينه على الدياية واهي نية وتخلينها يتبل فيها عدل بعدين ادخلينها الفرن ساعة

 

[~ MhMh ~]

كل شي منج يامس يو أكيد بيكون حلو
و مشكوره على الطرق سيفتها عندي


أنا طريقة التتبيل اللي عندي : آخذ صدور دياي ساديا و أقطعهم مربعات و أغسلهم عدل بعدين أحط عليهم بصله مقطعه صغار مع فلفل أخضر كبير واحد مكعبات صغار + عصير ليمونه واحده + ثوم مدقوق فصين + كوب روب + مخلل مانجا بوجمل + مكعب ماجي+ بهارات مطحونه شوي + فلفل سومطره كميه شوي
أنقع الدياي بالخلطة و أخليها من الليل للغداء باجر
عندي شوايه أكون مقصصه فلفل كبار ملون مكعبات و أحط بالعود الخشب طبقات دياي و فلفل ملون و بصل و أشويهم على الشوايه الكهربا

جربيها حيل حلوة

 

[مس يو]

بعد عمررري مها .. عيونج الحلووووه

اي حلو طريقتج تصير جنها شيش طاووق .. انا توني شريت شواية كهربا <<< صح النوم لما ضعفت لووووول...

ان شاء الله بسوي فيها حقل تجارب... بس ذكرتيني ماشريت اسياخ الشوي الخشب ...

 

[ام فجور 2008]

مساء الخير

شلونكم

جن في احد قاعد يتكلم عن الاكل ههههههههههه

 

[مس يو]

لووووووووول ام فجور ... اي مو تجمعنا عن الأكل

 

[ام فجور 2008]

عاد انا اموت على الطبخ هوايتي الطبخ

 

[ام فجور 2008]

مس يو بعد عمري شلونج
وشلون ولدج

 

[مس يو]

الحمدلله انا بخير وولدي بخير بسم الله عبثي مايخلي شي مايلعب فيه واول مايعصب يكفخ اللاب توب طراااااااق لوووووول.. وكل ماكتب يضغط معاي لوحه المفاتيح ... يعني يبيكتب

 

[ام فجور 2008]

الله يخليه لج نفس بنتي مناشبتني

 

[مس يو]

عاااشت مس يو
الحقيني فيها
أنا أعرف اطبخ و اتفنن بس ما اعرف طريقة الطبخ الصحي
خبري كله بالعيوش و المعكرونيات و المعجنات و الحلويات

عاااااااااشت ايامج..

لوووول عاد انا اختصاصي الطبخ الصحي بما اني اتبع نظام السعرات ... بس الحين والله مابالي شي

بس بشكل عام اي اكله احبها اغيرها واسويها بطريقة صحية ..

اي شي تبينه لا يردج الا الكي بورد.. لووول

 

[مس يو]

الله يخليه لج نفس بنتي مناشبتني

عسى الله يحفظهم ويصلحهم يارب

 

[ام فجور 2008]

انا شارية كتاب من مطاحن مال السعرات الحراريه

 

[مس يو]

اي منزله جم طبخه من النت من كتاب المطاحن الصحي

بنات اذا تبون اسويلكم كوبي بيست .. اطباق رئيسية او سلطات ...

 

[روعة خيال]

هلا بنوتات مبروك للي نزل و مخصوص لرشيقة الاسبوع مهمها

حبيت اطل عليكم توني يايه من العزا و ما اكلت شي الا الغدا لمن ييت من الكلية الساعة 2 صحن فيه عيش و تبولة و صدر دياية

و طبعا ماكو عشا و اذا يعت بشرب نسكافيه

 

[مس يو]

بالعافيه رووووووووعه .. وعسى الله يصبركم ويصبر والدينه ياااارب

 

[ام فجور 2008]

روعه حبيبتي عظم الله اجركم مثواه الجنه انشاءالله

 

[ام فجور 2008]

اي والله مس يو حطي لنا اهني