{ونـــــــــــــــاستنا في رشــــــــــــاقتنا }(تمديد الى 17-7)

[ميونة الحلوة]

السلام عليكم



أنا اليوم صج صج صج طيحتني الحراره و الانفلونزا <<< أمي اتغشمر وياي تقولي يامعوده أخاف انفلونزا الخنازير لوووووووووول
قلت لها لا تخافين أنا اللي فيني يمكن انفلونزا البقر لوووووووووووووووووووووووووووووووووول

طبعا الضحى شربت جاي أعشاب مع شريحتين توست فيهم جبن و طماط


و ودي الحين اتغصب على الكيوي عشان من من قالتلي زين للآنفلونزا



إذا صحصحت أشبك و أقولكم شكليت

ومس يو ياعمري .... مااااااااااااانستغنااااااااااااش عنج و مكاااااااانج و الله مبين

ما تشوفين شر ان شاء الله احسن شي حق الانفلونزا برتقال او ليمون لان يكون نقص فيتامين ج الي هو vit c و راح تلاحظين الفرق ان شاء الله

 

[ميونة الحلوة]

خل اقولكم شلون خربتها اليوم كنت مو طبيعية بالمرة

قمت على س 6 و زود و شربت قلاصين ماي افتتاحية اليوم بعدين عقبها بمده تريقت توستتين و جبن و شاي >>> واجب يومي حتى مع التخفيف

عقبها بجم ساعه اكلت زيتون اخضر و بادية صغيرونه كورن فلكس و 3 حبات تمر

و حزة الغدا تغديت مجبوس دجاج بس صحن صغير

و الحين حاطتلي قلاص ميرمية و كاكاو باونتي

و وودي اصك حلجي ليما الليل و ما اكل شي بس برتقال او تفاح اذا قدرت

 

[mn.mn]

مهمها سلااااااااااااااااامات ما تشوفين شر

ميونة هلا فيج وبالعافية اللي كليتيه

انا زدت على الغدا 3 تمرات وشوية هردة وشربة لبن

اطل عليكم بعدين

 

[ميونة الحلوة]

الله يعافيج من من

على فكرة بنات وصلني اليوم ايميل يقول ان الزبادي يذوب الشحم و يخلي البطن يلصق بالظهر

بس لازم 3 قواطي زبادي تاكلونهم يعني مع كل وجبه

و الزبادي يطلع كل الي في البطن عن تجربه قديمه

 

[eemee]

هااااي بنات شلونكم حبايبي

روعه الخيال عظم الله اجركم ادري متاخر بس توني اشوف

فنكيه مبرووووك الوظيفه اليديده

مهمها عليج بجاي اليمون والعسل ممتاز وبندول عند الزوم وكثري سوائل ما تشوفين شر

صافيه شلونج حبيبتي فقدتج والله من زماان انا بعد ما ادخل

من من انشالله ولدج صار احسن وانشالله يكبر وينسى وما يبقى له اثر

ام فجور ولهت عليج والله وانشالله تردين اللي زدتيه

ومس يو انشالله تكونين بخير

بنااات انا صارلي جم مره ما احط وزني معاكم فحسيت بقل المنافسه بس امانه وااايد استانس لما اشوفكم نازلين وبين فتره وثانيه احب اطل عليكم واشوف اخباركم وانشالله اكون معاكم بالتجمع الثاني من البدايه يا احلى قروب بالمنتدى

 

[ضحى الكويت]

ميونه الحلوه .... وعليكم السلام ورحمة الله وبركاته .... من زمان عنج والله .... وتقبل الله طاعتج .... ومبروووووووك على النزول ....


وشوفي هالرابط واخذى عبره وخليها تقوى ارادتج


http://q8yat.net/showthread.php?p=10454998&posted=1#post10454998

 

[ضحى الكويت]

ميونه .... ان شاء الله تمين وانا معاج لى بليل ما ناكل شى وانا سامعه ان الروب بليل زين يقتل البكتريا اللى بالمعده


ايمى ... وعليكم السلام وهايات يا قلبى والله زين شفنااااااااااااج انتى وين كنتى هااااااااااااااااااع وليش طلطلين علينا بدون ما تكلمين هاااااااااااااااع وان شاء الله تكونين معانا دووووووم يارب وتضعفين بصحه وعافيه



من من ..... بالعافيه الزياده



انا كليت عيش مقدار علبه الروب وكليت سلطه وكليت بعد هامور وكليت مخلل خيار وكليت امممممممممممممم اى خلصت على بالعافيه

 

[eemee]

اي والله يبيلي زفه بس شسوي مالي ويه كل مو ملتزمه بس الحين خلااااص بتعدا هالمرحله خرته ولا ما خرته بقول انتي شلونج وبالعافيه عليج الغدا

 

[Ya7aLaTi]

هاااااااااااااي :eh_s(6):

أنا كاني هني :eh_s(22):

شلوووووووونكم ؟


اليوم ريوقي كان شريحتين توست أسمر ويا جبن سلايس + عصير برتقال فريش وحطيت وياه ليمونه وحده.... ورحت النادي لعبت.. ورديت خذيت شور وتغديت سلطه من برجر كنج + بيبسي دايت.. وييت لكم :tomato2:


ووزنت ولا وزني مو نازل ولاااااا شي عقب العصير أمس :eh_s(2)::eh_s(2):... زدت كيلو عقب شرمبي والتوست وعلق وزني مو راضي ينزل حتى هالكيلو :eh_s(2)::eh_s(2):


أفففف والله أحس مليت من الرجيمات ووزني ما يتحرك مثل الناس :0bee2e8d89:


قررت بخربها جم يوم.. ليمن يوم اليمعه :eh_s(2)::eh_s(2):... والسبت إن شاء الله راح أسوي ويا شيووخ رجيم الكيوي والأناناس.. هذا أهوا..

الريجيم يعتمد على عصير الاناناس والكيوي في حرق الدهون
وطريقة العصير كالتالي :
كاس عصير اناناس بدون سكر او مواد حافظه( اللي اعرفه سيزر وندى ويقولون فيه انواع كثيره المهم بدون سكرررر)
حبتين كيوي مقشره ومقطعة
عصير ليمونه (وممكن يحذف )
وبالخلاط لحد مايختلطو مع بعض
(( العصير يؤخذ بدل وجبة العشاء في كل الايااااام ))
والنظام للفطور والغداء كالتاااالي :
اليوم الاول والثاني :الفطور : نص تفاحه + قهوة او نسكافيه او لاتيه بدون حليب او سكر (وممكن سكر ريجيم )
الغداء :تفاحتين
العشاء >> مثل ماقلنا بالاول عصير الاناااناس والكيوي
اليوم الثالث والرابع :
الفطور: نص علبة زبادي +قهوة او نسكافيه او لاتيه بدون حليب او سكر (وممكن سكر ريجيم )
الغداء : علبة ونص زبادي
العشاء >> مثل ماقلنا بالاول عصير الاناااناس والكيوي
اليوم الخامس والسادس :
الفطور : قهوة او نسكافيه او لاتيه بدون حليب او سكر (وممكن سكر ريجيم )
الغداء : خس بأي كمية
العشاء >> مثل ماقلنا بالاول عصير الاناااناس والكيوي
اليوم السابع والثامن:
الفطور :قهوة او نسكافيه او لاتيه بدون حليب او سكر (وممكن سكر ريجيم )
الغداء : 2 صدر دجاج او نفس الكمية لحم (مسلوق او مشوي بدون جلد او زيت)
العشاء >> مثل ماقلنا بالاول عصير الاناااناس والكيوي
.............................. ........
هذا هو الريجيم اللي اتبعته الاخت في المنتدى اللي نقلت منه
وزنها كان 65 (يعني مو كثير) ونقصت ل 53
اكيد كثير بيقولون قاسي ويرجع بسرعه ومو صحي وصعب
بسسسسس
((وش اللي حدك على المرررررر (طبعا) اللي امررر منه ))وماااانبي اعمارنا كلها تروح من ريجيم لريجيم
انا ناوية اجربه هاليومين ان شاء الله
واللي عندها قوة وعزيمه وتحب التجارب تجربه

<<<< صعب :eh_s(2):

 

[eemee]

امس مشالله تبارك الرحمن يتنا بنت خالتي البيت اهيا طووول عمرها سمينه وايد قبل لا تتزوج اضعفت وحملت وسمنت وعقب الولاده ضعفت وردت حملت بس حملتها الاخيره محافظه وعقب الولاده ضهفت شي خيااااال الحين صارت وحده ثانيه الله يتمم عليها انشالله عاد قعده اسالها شتسوين شلون ضعفتي تقول ما اسوي رجيم كلمة رجيم تخليني اكل زياده تقول اول شي اتبعت نظاااام ربيع تقول حبيته لما خليته نظامي حياتي واذا بخربط ما اقول فري لالا بس استمر عادي جنا شي ما صار واذا مشتهيه اكل ايس كريم ما اتغد ولا اتعشا وجذي بس مشالله صج صج وحده ثانيه يعني كل وحده فينا تقدر تصير جذي بس لازم تضحين بشي يا اكل يا جسم ما يصير تجمعين بينهم والحمدلله على الصحه والعافيه

 

[eemee]

يا حلاتي كل وحده فينا لما تخربط تقول بااااجر بحرم نفسي لمده اسبوع ماراح اكل شي <<<<< هذه تصير رساله حق المخ عشان تهون عليج تانيب الضمير وتخليج تاكلين اللي تبينه على بو بتحرمين نفسج بعدين
وتختارين رجيم جدا صعب 5 كيلو بعشره ايام او 12 كيلو باسبوع ... الخ

اذا قدرتي تسوينه انا اقول اذا لان صعب تسوينه يمكن صج تنزلين 5 او 12 بس شنو على حسب صحتج ويرد بسرعه واذا حاولتي عقبها تسوين رجيم متوازن ماراح تقدرين تضعفين لانج عرضتي جسمج حق مجاعه خليته ما يحرق الا بهالكميه من الاكل اكثر من جذي ما يحرق وتتعبين طوووول عمرج

ميخالف اذا تعبتي من الرجيم وقفي يومين ورد سوي رجيم متوازن ويناسبج لا تقللين الاكل مارح يضعفج الزياده بالعكس اذا كليتي قاعده تزيدين معدل الايض

وموفقه

 

[ضحى الكويت]

يا حلاتى ....وعليكم السلام ... وهايات يا قلبى ... بالعافيه الريوق ... والحاله اللى فيج من زمان يايتنى ...والله يعينج على الرجيم الصعب


ايمى .... اى ما شاء الله وايد ناس اعرفهم تغيروااا حيل انا عندهم ريشه بالنسبه لهم والحين يوم تصادفنا صرت انا وايد امتن واهما صاروا شحلاتهم ... اهم شى الاراده لا تقوليلى ولا اقولج المره اذا تبي شى تسويه تسويه بس احنا مو على راى واحد مره بنسوى ومره لا ما ادرى متى نسوى صح وننزل ونغير مشتهيا اشوف عمرى بالسبعين اشلون بصير .....


كل يوم ايمى لمن اقعد من النوم مكرم اروح الحمام اشوف ويهى بالمنظره الا اهوا متصفط اقول ياربى لمن اصول السبعين اشلون بصير والجسم شكبره مشكله الله المستعان

 

[mn.mn]

مسااااااااااااااااااااااااااااء الخير

صفصف بالعافية الغدا

وميونة صاجة انا بعد سمعت عن الروب وان شاء الله تكونين من قروبنا بالجزء الثاني

ايمي اهلين ومرحبتين كبار زعلااااااااااااااااااااااااااااانة منج حنا اذا خربطنا ما نقطع ندش ونسولف ونقول عادي ولا جنه شي صار

لازم تصير هالامور احنا بشر مو مكاين والله يتمم على بنت خالتج ولازم كلنا نسوي مثلها ونرااااااااااااااااقب روحنا بس وين ؟؟؟؟

وانتي لا تحاتين ان شاء الله بتردين تلتزمين هانت ما شاء الله ما بقالج شي واكييييييييييييييييييييييييييييييييد انتي معانا بالجزء الثاني

 

[روعة خيال]

السلام عليكم

بناااااااااات انا وزني زااااايد 1,5 كيلو مع اني و الله ما قمت اكل ليش مادري!!!

ان شاء الله من باجر برجع على ريجيمي الظااهر اليووع يمتن!!

و من اليوم ان شاء الله بلغي العشا

يلا انا اخليكم برووح للعزا

بااي حبايبي

 

[ضحى الكويت]

من من ... مساء الخيرات يا قلبى والله يعافيج ..... بس مو وايد من من اللى كليته وله زين

 

[mn.mn]

ياحلاتي ميخالف حبيبتي لا تضغطين على روحج جذي والله مو زين لااااااااااااااااااااااااااااااا اتوزنين كل يوم خلاص انتي قطعتي

شووووووووووط كبير برحلة الرجيم والحين انتي وضعج مقبول خصوصا انج طويلة الحين شوي شوي على روحج والله تعبنا

ونستاهل شوي نخفف عن روحنا والحين عطلة والطلعات زاااااااايدة والطلعة اكيد فيها اكل حتى القعدة بالبيت فيها اكل غير عن الدوام

ميخالف انا من رايي تقولين حق نفسج اوصل 70 لي رمضان ممتاااااااااااااااااااااااز وتالي بعد رمضان كملي اللي بقالج

انا اكثر وحدة حاسة فيج الحين النادي راح ينسق جسمج وااااااايد حتى لو ما فرق الميزان والله يهدي بالج وتوصلين للي يرضيج

 

[mn.mn]

هلا والله روعة بعد عمري ما عليه لا تحاتين ان شاء الله بس تتعدل ظروفج ردي على الرجيم والزيادة بسرعة راح تطير

صفصف مساء الورد ياورد لا اكلج زين عليج بالعافية الحين النهار طويل راح يتهضم بس ديري بالج من تالي الليل

انا ودي الحين بقطعة كيكة وجاي يعدل راسي ومترددة آكلها ولا لأ ؟

عشاي اليوم 1 توست + بيضة + سلطة وراح يكون العشا بعد ال 9 يعني اذا كليت الحين زين راح احرقها لاني بعد اليوم بمشي

 

[eemee]

صافيه حبيبتي كلنا جذي بس لازم نقعد قعده صراحه مع روحنا نفكر ليمتى جذي الصحه والحلاة كلها بالجسم الحلو والوزن المناسب وانشالله تشوفين الستين بعد مو السبعين

من من حبيبتي والله عاااااد كلش ولا زعلج بس صاجه كان لازم اني اقول مو اخمر واسكت بس يالله الحمدلله على الصحه والعافيه

 

[mn.mn]

ايمي بعد عمري لا ان شاء الله هذا زعل محبين وان شاء الله تكونين معانا الايام الياية

الاحد الياي راح يكون آخر تقرير وعلى نهاية الاسبوع الياي راح يخلص التجمع

وعلى طول راح افتح الجزء الثاني عشان ما افقد خواتي اللي مالي غناة عنهم واكيد انتي منهم

 

[Loving Stella]

Loving Stella..... وعليكم السلام والرحمه ..... اشلونج ؟


جم وزنج ؟ وطولج ؟

الحمد الله بخير شلونج صافيه :eh_s(6): ان شاء الله بخير

انا وزني الحين 99.200:0bee2e8d89: الطوول 169