وهذي قصتي ...

[الاحلام البعيده]

السلام عليكم ورحمة الله وبركاته

احب اقولكم قصتي كلها و بحاول اني اختصر في نفس الوقت ابيكم تفهموون و يمكن تتعضون من جم شغله بتقروونها و ماتسوونها مثل ما انا سويتها

بدايتي لما فتحت عيوني بهالدنيا .. شنو اللي اتذكره؟؟ بس طق امي ..
ليش؟؟
ماكنت ادري اللا لما كبرت شوي
كنت اسوي شغله مو زينه بنفسي من وانا عمري 4 سنين يمكن مادري شلون مديت ايدي وسويت هالشغله ( ماني قايله شنو بس بعضكم راح يعرف ) . امي للاسف كانت تطقني تطقني وانا ماكنت ادري شسالفه؟ ليش؟ انا شنو سويت؟ مادري .. وحيرتي خلتني استمر واستمر للاسف امي ماكان المفروض تطقني

مرت الايام وكبرت .. دشيت المدرسه .. احاول اكسب صديقات حالي حال اي بنت ثانيه
للاسف... من اولى ابتدائي لي يومكم هذا وانا بالجامعه اغلب الوقت بروحي
ليش؟؟ هم مادري .. يمكن بطريقه كلامي او شكلي او غيره
يمكن في ناس حاولت تتقرب مني وانا بعدتها لاني كنت سطحيه او لاني كنت اشوف نفسي فوق المستوى او او او .. بصراحه هم مادري
يمكن ليش يشبهوني بطبع امي و عمي .. اللي اهما الوحيدين اللي بالعايله اللي ماعندهم صداقات نفسي.. انزين انا شنو ذنبي ورثت هالشغله؟؟ مااااادري !
خذيت مره ماده علم نفس واكتشفت ان من حاجات الانسان الاولية اهيا الحب والانتماء
اللي انا ماشفتها لا من امي .. ولا من ابوي .. ولا من صديقات .. ولا من اخوان او خوات
الكل من الله مايحبني .. يمكن يسولفون معاي اي .. بس موو ذيج العلاقه المفتوحه اللي لما ابي انهار وابجي الم الشخص واحضنه ..

كانت امي لما تبي تطقني تنطر ابوي يطلع برا وتطقني واذا بجيت حطتني بغرفه وصكت علي الباب
للاسف هذا اكثر شي اتذكره بطفولتي !
ابوي نادر ما كان ايي البيت .. كنت ادري انه مايحب امي لان امي تتصنع لما تكون موجوده معاه
وماتهتم في نفسها ولا في عيالها اللي انا منهم بس تهتم فيه و يمكن باخواني ( عنصريه؟ يمكن.. )
كنت اسئل نفسي ليش بس انا اللي انطق من اخواني كلهم !! غريبه؟

مرت الايام وتطلقوا .. امي وابوي .. حسيت بوناسه .. ليش؟ الحين اقدر اسوي اللي انا ابيه محد يكلمني .. كلمووني ليش تتطلقون ومافكرتو فينا احنا عيالكم؟
اي كنت صغيره وكان هذا تفكيري..

...


لحظه


..




اذا انتو حسيتو من كلامي ان فيني شي .. هههههه اي فيني .. فيني و من زمان فيني
كنت اقول لما يما ابي اروح دكتور نفسي انا مو طبيعيه تقولي لا ..
طول عمري بس ابجي ابجي وابجي واذا ابي اضحك واستانس اللي حوالي يستغربون.. شفيها؟؟
انزين ليش مايستغربون من اختي؟؟ ليش وايد يحبونها وانا لأ ؟ شفيني انا؟
ابي احد يكلمني يقولي انا شفيني ؟؟ شنو سويت؟؟ والله اصلي والله اني اقرى قران ..
اساسا ماكنت انام الا لما احط قران يم راسي " كنــت × "

لحظه انا ليش قاعده ابجي الحين ؟؟

ايه عرفت .. انا خبصت بالدنيا
وبطلت باب شكبره مايتصكر
ماقمت احس في صلاتي ماقمت اقرى قران مثل الاول



بقولكم ليش


كنت يوميا .. في المدرسه .. عايشه مع مأساة اني ابي صديقه .. ابي الناس تحبني
كل يوم .. خلوني اسوي اي شي يخليهم يحبوني .. صح .. غلط .. سويت الصح .. سويت الغلط
لما سويت الغلط الناس حبتني.. بس ها .. انا ماسويت غلط اللا لان امي وابوي تطلقو فانا عادي اسوي اللي ابيه ( ياربي على تفكيري اول .. ) قالتلي بنت اللي سميتها صديقتي وانا ادري الحين ان لاهي صديقتي ولا تبي تشوفني اصلا .. قالتلي اكلم واحد .. يالله اوكي كلمته بعد يوم قالي ابي صورتج ؟؟ قتله ماشالله ؟؟ قول والله؟؟ قالي والله .. اليوم اللي بعده هديته


مرت الايام وكلمت واحد ثاني .. اهني انا حبيت .. اللي عرفت شلون الوحده من الحب ودها تنتحر
طبعا اهو كان يلعب وانا مادري شسالفه كنت اصدق كل جذبه يقولها .. امي طاحت علي جم مره وخذت مني التلفون و كنت اتسلف اي تلفون اي شي بس عشان اكلمه
كنت امشي بالمدرسه مع بنات مو زينين .. يا جماعه بنات رايحين فيها .. يعني لاقصى درجه ممكن تتصورونها .. اقصصصصصصى درجه .. كنت اشوف انهم كووول و واو .. وانا وايد فخوووره اني معاهم .. كنت لما اقولهم كلمت واحد يقولونلي انزين؟؟ وبعدين؟؟ ويكملون سوالفهم
يعني ماسويت شي يديد.. كنت اتمادى واتمادى واتمادى مع اللي اكلمه بس عشان يتفاعلون معاي ويكلموووني واحس اني وحده منهم ..
بعدها قال انه مايبيني ومن هالكلام واكتشفت انه حب له وحده ثانيه ..
انا طبعا انهرت .. ولا مره حبيت في حياتي غيره .. الافلام عندي ولا شي .. انا من كثر البجي كلينيكسات بيتنا كلها خلصتها الكل مايدري شفيني .. ابجي جنه يوم القيامه اليوم .. بجيت وبجيت وبجيييت .....

بوووم .. ودوني المستشفى و فتحت اللا اشوف من عين وحده
عين وحده يا جماعه عييين وحده .. من العذاب اللي انا كنت فيه ...

في نفس الوقت كان رفيج اللي كنت اكلمه يحبني .. ( على قولته ) .. مادريييييي لاتسئلوني شلون رضيت اكلمه .. والله اني كنت مدمنه ابي احد اكلمه مثل المخدرات
بس صج صج صج استغربت .. 24 ساعه يدق .. يسأل .. يعطيني مليون هديه وهديه .. مايخليني ادق عليه بس اهو اللي يدق عشان رصيدي مايخلص.. كان اذا بجيت يتهاوش مع الطوفه لما ايده تنزف.. كان يحبني مثل الموووت .. وانا مو معطيته اهتمام وايد .. على قد اللي اهو يسويه اسويه .. بنفس الوقت ماحبيته مثل الاول ..
مرت سنين حبيته حب .. تقدرون تقولون اني تعوودت عليه .. سويت شغلات غلط معاه .. ( ودي اسب نفسي الحين ) .. شدعوه ماسبيت ههه .. اذا في وحده بتسبني تطقني تذبحني الحين عفيه عااادي سووو اللي تبون لان انا ادري اني غلطانه .. شلووون عطيته كلللللللللشي؟؟ شلون ؟؟
كنت اقول اي اهو راح يتزوجني اكيد .. طبعا اانا ليلحين ( ... ) بس في ما عدا هذا سويت كل شي
ضليت معاه ... هالشهر نكمل 4 اسنين ..
ومرات ومرات تهاوشنا فيها على اسباب تافهه بس اهو من النوع اللي يحط في قلبه وايد ... ويقول انتي وانتي وانتي وانتي .. وانا طول عمري ماعرف ارد على الاوادم هالمره ارد عليه؟ وادافع عن نفسي؟؟ صح اهو غلطان ليش مايعتذر .. لان حاولت افهمه انه اهو غلطان تنقلب السالفه عليه
ويتحول الموضوع الى انه اهو تعب واهو يتحمل اغلاطي و اللي انا اسويه فمانقدر نكمل مع بعض
لحظه لحظه لحظه ؟؟ واللي صار في الاربع سنين هذا شنو؟؟ ترى انا ماني ( ... ) العب بين هذا وذاك .. انا كلمتك انت وبس .. قالي انا مشاعري خلاص انتهت من تصرفاتج ..

يمكن اهو صاج .. يمكن انا صج جرحته .. قتله كلام قوي يجرح صح .. بس معقووله توصل لدرجه انه مايحبني ويعاملني مثل الغريبه؟؟؟
اخر مره قتله انا مابيك بجى .. منو صبي يبجي الحين ريال طووول عرض حتى لما ابوه توفى ما بجى
لما انا اجرحه يبجي؟؟ عيل ليش يقول انه خلاص مايحبني ؟ .. انا المهم بجيت واعتذرت

في داخلي ان ودي ولا شي صاااااااااااار كل كل كل هذا مابدا بس ماقدر ..
ماقدر اغير شي صار انا حاولت وهدينا بعض شهرين .. وردينا حق بعض

تدرون .. احس ان في داخلي ابي اتووب مابي اكلم احد .. بنفس الوقت انا ابيه عشان اذا تزوجنا الله يمسح نص ذنوبنا .. وعشان ما اخذ واحد ثاني و اجذب عليه واطقله الشرف اهو شنو ذنبه؟؟؟



الحين احس انه متغير وانا مادري شنو اسوي .. انا اللي غلطانه؟؟ اوكي يمكن يمكن لا
قالي بيعطيني فرصه اخيره عشان ماقووله كلمه تجرحه ..
انزين بنات انا مابي اكلم .. بنفس الوقت احس ان لازم اكلمه لان اهو بنفسه كلم امه اكثر من مره ان هالسنه نتزوج .. ومكلم اهله كلهم عني ... بنفس الوقت اخاف ينتهي حالي مثل امي ..
ويمكن اذا ماخذيته محد بياخذني لاني خسرت عين .....
بنات تعبت وانا ابجي كل يوم تعبببببت .........................................
قولولي اصلي استخاره؟؟؟ ادعي ؟؟؟ اقرى شي ؟؟ اي شي بس قووولولي

واللي تبي تسبني خل تسبني انا استاهل انا الحماره شكو اسوي كل هذا ..

 

[زينب العقيلة]

حبيبتي انتي كتبتي كذا مشكله

اول شي سالفه الطق من امج ترى كلنا انطقينا وانا مثلج ترى بسالفه العاده اللي كنتي فيها والطق والعزله

نفسج والله جني انا

ولما اذكر يضيق خلقي احس ماعشت طفوله حلوة

بس والله مومتحسفه تدرين ليش

لان تعودت اني ماحتاج للناس الحين شوفي انا حرة نفسي اسأل عن الناس الزينه واوخر عن الناس الموزينه

انتي الحين كبرتي لا تقولين انا رافجت بنات موزينين لا قولي هذا درس وطراق قوي يعلمني لي اخر عمري اني ماثق او اسمع كلام كل من هب ودب

انا عندي عقل واتصرف عدل

ترى الحين نادر شي اسمه اخت دنيا ولا رفيجه عمر

خلي احترامج للكل

وبالنسبه للحب ماقريت نهايه كلامج عدل لكن اذا حبيتي من قلب راح تتعذبين اكيد وماتنسين لكن يبقى ذكرى

اللي عليج تدعين ان الله يبعدج عن عيال الحرام وصدقيني الله بيعوضج بريال زين وعيال مستقبلا

مابيج تتحسفين او تتضايقين دايما طمحي للاحسن واي شي تبين انا حاضرة

موفقه

 

[زينب العقيلة]

لحظة قريت النهايه

ابي اقولج معلومه وحده خليها ترجيه باذنج

اللي يغلط مع بنيه هذا يكره مايحب

لان نيته شهوه شيطانيه مو اكثر

بس ترى الله يغفر بشرط انج ماتعيدينها خليهم يولون انتي كلما تتذكرين قذارته ماراح تقولين احبه كلش

أي انسان غريب عنج لازم تحطين بينج وبينه حدود ان شاءالله ولد خالتج اللي تلعبين وياه وانتي صغيره

فهمتي

وبس

 

[7bebt 3bod]

الله يهديج

 

[روانتي 12]

امبيييييييه من صجج

شووفي حبيبتي تدرين شحقه صاار معااج كل هذا لان امج ماعلمتج ماربتج مثل ناس هاادتكم و مخليتكم جذي

حتى ماتسأل عنكم اجل شحقه عاايشه ويااكم ..استغفر الله

شووفي حبيبتي انتي تقدرين تصلحين هالغلط بشيئااء كثيره

اولآ قوومي صلي كل صلاه بوقتهاا في نصهم يقولون انا مشغووله اشووي اصلي مشغووله بشنوو بسوالف بالنت بالخرابيط

تسمينه شغل ..صلاه اهم شي حبيبتي و ادعي ربج يوميآآ ان يصلح حاالج و قوومي ليل و صلي قياام الليل

و صلي سنه الفجر و صلي صلاة الاستخااره لا تقووولين وايد قوولي ياحلاتي و انا اصلي

و تذكري ربج و استغفري ...انتي باين عليج لا صلاه ولا دعااء لدرجه ماتذكرين ربج والله حرام عليج تووبي لربج

ان خير الخااطين توابوون ...انسى كل شي صاار ويااج و كأن ماصار شي و ابدي بحياااه بطااعة رحماان

ولا تنسين ربج و اذا تبين تتكلمين عن الاصداقاااء حبيبتي محد ثقه انه يكوون صديق بهالزمن اصدقااج هم خواتج

و امج غيرهم لا تأمنين فيهم .. اذا انتي ماقدرتي تحاافظين على اسرارج يعني غيرج بيحاافظ عليهاا ..؟؟؟

ديري بالج من هالدنياا ... دنياااا صاايره تخووف و زمن هذا اقششر

و سبب كل يرد لا امج بس طبعآآآ تقدرين تصلحين كل شي و تصيرين احسسن من الي حوولج

و الي حبيتع صديقني كاان يحبج بس احسه يستغلج ..اذا يحبج صج خليه يي يخطبج و يتزووجج

و اذا قال اهلي مشغولين ولا شي ..اعرفي انهاا جذااب و اسحبي عليه ولا عاد تكلمينه

اهم و الزم ماعليج رضااء ربج ..و صديقني دعااء بيغير حياااتج من الى

والله يوفقج دنياا و اخره و يحفظج و يبعد من كل مكروه و شر .

 

[الاحلام البعيده]

حبيبتي انتي كتبتي كذا مشكله

اول شي سالفه الطق من امج ترى كلنا انطقينا وانا مثلج ترى بسالفه العاده اللي كنتي فيها والطق والعزله

نفسج والله جني انا

ولما اذكر يضيق خلقي احس ماعشت طفوله حلوة

بس والله مومتحسفه تدرين ليش

لان تعودت اني ماحتاج للناس الحين شوفي انا حرة نفسي اسأل عن الناس الزينه واوخر عن الناس الموزينه

انتي الحين كبرتي لا تقولين انا رافجت بنات موزينين لا قولي هذا درس وطراق قوي يعلمني لي اخر عمري اني ماثق او اسمع كلام كل من هب ودب

انا عندي عقل واتصرف عدل

ترى الحين نادر شي اسمه اخت دنيا ولا رفيجه عمر

خلي احترامج للكل

وبالنسبه للحب ماقريت نهايه كلامج عدل لكن اذا حبيتي من قلب راح تتعذبين اكيد وماتنسين لكن يبقى ذكرى

اللي عليج تدعين ان الله يبعدج عن عيال الحرام وصدقيني الله بيعوضج بريال زين وعيال مستقبلا

مابيج تتحسفين او تتضايقين دايما طمحي للاحسن واي شي تبين انا حاضرة

موفقه

يا حياتي والله ادري بس هذا كله كان تفكيري اول
الحين انا كبرت وقمت اماشي الناس الزينه الحمدلله
بس هم ليلحين انا مادري شنو اسوي مع اللي اكلمه هل اني اظل معاه على الاقل اكفر عن شويه من ذنوبي اذا خذينه بعض ولا اهده؟ مع اني ادري اني مارح اقدر بس قووولولي نصحوووني انا من قلبي بحاول اسوي كل شي عشان على الاقل بس عيني اللي بقت ماتروووح...

 

[الاحلام البعيده]

لحظة قريت النهايه

ابي اقولج معلومه وحده خليها ترجيه باذنج

اللي يغلط مع بنيه هذا يكره مايحب

لان نيته شهوه شيطانيه مو اكثر

بس ترى الله يغفر بشرط انج ماتعيدينها خليهم يولون انتي كلما تتذكرين قذارته ماراح تقولين احبه كلش

أي انسان غريب عنج لازم تحطين بينج وبينه حدود ان شاءالله ولد خالتج اللي تلعبين وياه وانتي صغيره

فهمتي

وبس

والله


والله


والله العظيم

اني قريت كلامج انهرت من البجي

واقول يالتني كنت ادري


والله اني الحين اصييييح ...

 

[زينب العقيلة]

شحقه تبجين ترى بتزعليني منج

شوفي الزواج عشرة عمر اذا تضمنين ان مايسوي اشياء موزينه ونيته يبيج تتزوجون

لكن اذا اهو جذي ماحسيتيه تعدل

لاتاخذينه

مافي شي اسمه تكفرين ذنوب لما تاخذينه

الله راح يغفرلج لاتحاتين منتي مجبورة عليه

وبعدين ستري على نفسج لاتقولين حق احد غير ربج والله بيسترها عليج اوكي حبيبتي

 

[روانتي 12]

زينب : كلامج عين العقل

الاحلام : ياحيااتي شحقه تبجين لو نا مكاانج اقوول يافرحتي عرفت غلطي احسسن من انج تكونين ناايمه و ماتدرين عن الي حولج

 

[شذى2007]

ياقلبي ولله نصيحتي وقولي ماقالت شــــــــــــــــذى اذا تقدرين غيري رقمج او قطعي صلتج فيه وانهي العلاقه وتركي الحزن اللي انتي فيه ليش تعذبين نفسج علشان رجال والله عندهم البنت بدالها مية بنت لاتقولين لا هذا غير لاتقولين اظن في هالمنتدى بس ولله قصص بالالاف هم مثلج كذب وخداع عليهم باسم الحب المهم اذا يبيج يتقدم واقطعي العلاقه قوليله اناااااااااااا تبت

 

[شقرديه كيوت]

الله يهديج ويسامح امج لانها السبب الاول في ضياعج

 

[الاحلام البعيده]

شحقه تبجين ترى بتزعليني منج

شوفي الزواج عشرة عمر اذا تضمنين ان مايسوي اشياء موزينه ونيته يبيج تتزوجون

لكن اذا اهو جذي ماحسيتيه تعدل

لاتاخذينه

مافي شي اسمه تكفرين ذنوب لما تاخذينه

الله راح يغفرلج لاتحاتين منتي مجبورة عليه

وبعدين ستري على نفسج لاتقولين حق احد غير ربج والله بيسترها عليج اوكي حبيبتي

الحمدلله من هالناحيه انا ماقلت لاحد اني سويت شي غير اني كلمت ومن بعد الثنويه ماكنت اقول لاحد ولا حتى اني اكلم شخص

انا من جذي ضاله معاه لان اذا مصيري معاه زواج مثل ما يقول الحمدلله
واللي دل على هالشغله ان اهو مكلم امه وانا سمعته بالفون واهو يكلمها عني
واهي تدري لما تشوفه يتكلم تقوله منو فلانه؟؟

اما اذا غير هالشي شسوي بعد مالي غير ربي ..

 

[الاحلام البعيده]

امبيييييييه من صجج

شووفي حبيبتي تدرين شحقه صاار معااج كل هذا لان امج ماعلمتج ماربتج مثل ناس هاادتكم و مخليتكم جذي

حتى ماتسأل عنكم اجل شحقه عاايشه ويااكم ..استغفر الله

شووفي حبيبتي انتي تقدرين تصلحين هالغلط بشيئااء كثيره

اولآ قوومي صلي كل صلاه بوقتهاا في نصهم يقولون انا مشغووله اشووي اصلي مشغووله بشنوو بسوالف بالنت بالخرابيط

تسمينه شغل ..صلاه اهم شي حبيبتي و ادعي ربج يوميآآ ان يصلح حاالج و قوومي ليل و صلي قياام الليل

و صلي سنه الفجر و صلي صلاة الاستخااره لا تقووولين وايد قوولي ياحلاتي و انا اصلي

و تذكري ربج و استغفري ...انتي باين عليج لا صلاه ولا دعااء لدرجه ماتذكرين ربج والله حرام عليج تووبي لربج

ان خير الخااطين توابوون ...انسى كل شي صاار ويااج و كأن ماصار شي و ابدي بحياااه بطااعة رحماان

ولا تنسين ربج و اذا تبين تتكلمين عن الاصداقاااء حبيبتي محد ثقه انه يكوون صديق بهالزمن اصدقااج هم خواتج

و امج غيرهم لا تأمنين فيهم .. اذا انتي ماقدرتي تحاافظين على اسرارج يعني غيرج بيحاافظ عليهاا ..؟؟؟

ديري بالج من هالدنياا ... دنياااا صاايره تخووف و زمن هذا اقششر

و سبب كل يرد لا امج بس طبعآآآ تقدرين تصلحين كل شي و تصيرين احسسن من الي حوولج

و الي حبيتع صديقني كاان يحبج بس احسه يستغلج ..اذا يحبج صج خليه يي يخطبج و يتزووجج

و اذا قال اهلي مشغولين ولا شي ..اعرفي انهاا جذااب و اسحبي عليه ولا عاد تكلمينه

اهم و الزم ماعليج رضااء ربج ..و صديقني دعااء بيغير حياااتج من الى

والله يوفقج دنياا و اخره و يحفظج و يبعد من كل مكروه و شر .

الحمدلله انا الحين معدله علاقتي بامي وابوي واخواني الحمدلله
من بعد ما كبرت و فتحت صح على الدنيا قمت حتى مصرووف الجامعه اعطيه اخواني وامي اذا محتاجين .. وحتى المنحه الاميريه عطيتها كلها لابوي قتله انت بحاجه لها اكثر مني
الحمدلله قمت اسوولف مع اهلي واقعد معاهم وامي وابوي راضين علي الحمدلله

المشكله الحين بس اهي اللي اكلمه انا مادري شنو مصيري معاه ..
ومشكله اني ماني قاده اتخيل شلون قدرت اسوي كل هالاشياء قبل شلون ضعت بكل سهوله شلون ..

 

[زينب العقيلة]

خلاص خلج رسميه وياه لين تشوفينه صاج او لا

انتي شكلج تحبينه فوق اغلاطه

بس اياني وياج تطلعين وياه قوليله لي صرت حلالك اشوفك غيره لا

اذا صج يتحبج يتحمل


دوختج بس ابي مصلحتج

 

[الاحلام البعيده]

ياقلبي ولله نصيحتي وقولي ماقالت شــــــــــــــــذى اذا تقدرين غيري رقمج او قطعي صلتج فيه وانهي العلاقه وتركي الحزن اللي انتي فيه ليش تعذبين نفسج علشان رجال والله عندهم البنت بدالها مية بنت لاتقولين لا هذا غير لاتقولين اظن في هالمنتدى بس ولله قصص بالالاف هم مثلج كذب وخداع عليهم باسم الحب المهم اذا يبيج يتقدم واقطعي العلاقه قوليله اناااااااااااا تبت

ودي والله كان ودي اغير رقمي صعععععبه الخط باسم ابوي ورقم ذهبي بعد :eh_s(2):
مره قتله ابي اغيره سوالي تحقيق قتله لا خلاص :eh_s(2): مسحته من كل شي المسنجر من الفيسبوك من البي بي ماردتي له ماقدر انا احس بالذنب من جهتين كلمته ولا ماكلمته

 

[الاحلام البعيده]

خلاص خلج رسميه وياه لين تشوفينه صاج او لا

انتي شكلج تحبينه فوق اغلاطه

بس اياني وياج تطلعين وياه قوليله لي صرت حلالك اشوفك غيره لا

اذا صج يتحبج يتحمل


دوختج بس ابي مصلحتج

لا حياتي لا دوختيني ولا شي بالعكس اصلا بسوي كل شي قلتيه بالحرف والله المستعان :eh_s(2):

 

[زينب العقيلة]

انزين شوفي اذا انتي محتارة

كلمي امه دامها تعرفج مافيها شي مثل امج كلميها قوليلها خايفه امي بصوب وابوي بصوب شلون اتزوج شلون بتمشي اموري

اذا كان صج يبيج زواج ومكلم امه راح تعرفين من رد الام اذا قامت تفهمج معناته صاج

بس اذا حسيتها بتغير السالفه وبتسكتج يعني يجذب عليج

اذا كان صاج الله يكتب وتبدون صفحه يديده واذا لا قولي حق ابوج يبا وايد يأذوني ارقام غريبه ماتحمل جذي وخليه يغيرلج ياه

 

[zozii]

حبيبتي انتي والله عورتي قلبي معقوولة احد يخسر عين بسبب البجي

لا حول ولا قوة الا بالله

انا مع ش\ى بكل كلمة ( غيري رقمج و ذكري نفسج اب كل لحظة ان هالحبيب هذا لو يبييج جان يا طق الباب

ما علينا من شهواته هالشي ممكن يسير بين اي اثنين صارلهم عمر مع بعض ) صح انتي المفروض انج ما تجارينه بهالشي و توقفينه بس كان ممكن يمل منج و هالخصلة اب كل رياال طبعا

خليه يا قلبي ولا تندمين و نصيبج بييلج بالحلال , استغفري ربج و بتجوفين شلون بتكونين مستانسه بحياتج

بالنسبه حق عيوونج فا اعتبريها كفاره عن اللي كلمتيه و كان يلعب عليج و عظة و عبرة لج

عطي نفسج حقها و فرصتها خليها تتنفس ,, الله يهداج من تعب لين تعب و من موضوع لموضوع و خلصتي من الاول و ربي فكج من شره و بليتي نفسج بالثاني و الحين تغير عليج لانه مل منج و يبي ياخذ منج كرامتج و يهدج ,, اسفه اذا ا\يتج بكلامي بس انا لازم اوضحلج الحقيقه و اللي صاااير عشان تعرفين شنو الخطوة اللي بتسوينها بعد اليووم لازم تساعدين نفسج شوي

صدقيني احنا هني نحبج و نبيلج الخير و السعااده و مراح نستفيد شي اذا نصحناج بشي مو زين الا ان ذنبج بارقابنا بس احنا نبيج تحسين انج بين خواتج و احنا نحبج نبيج تصارحينا و اذا تبين شي لا يردج الا الكيبورد انشالله بحاول اشبك كل فترة و اتطمن عليج و اذا تبين شي انا موجودة هني ولا دزيلي رساله برايفت و مراح اقصر معااج

الله يسعدج و يوفقج ​

 

[روانتي 12]

الحمدلله انا الحين معدله علاقتي بامي وابوي واخواني الحمدلله
من بعد ما كبرت و فتحت صح على الدنيا قمت حتى مصرووف الجامعه اعطيه اخواني وامي اذا محتاجين .. وحتى المنحه الاميريه عطيتها كلها لابوي قتله انت بحاجه لها اكثر مني
الحمدلله قمت اسوولف مع اهلي واقعد معاهم وامي وابوي راضين علي الحمدلله

المشكله الحين بس اهي اللي اكلمه انا مادري شنو مصيري معاه ..
ومشكله اني ماني قاده اتخيل شلون قدرت اسوي كل هالاشياء قبل شلون ضعت بكل سهوله شلون ..

الحمدالله على كل حـــآل

اذا انتي حاسه ان راح يصيرلج شششي معااه نصيحه لوجه الله اقطعي علاقتج ويااه

صدقيني تراه مو حااس فيج بس قاعد يلعب ..وشلوون تثقين بواحد ماتعرفينه

و على طوول بعد ظبط العلاقة اذا اهواسواء ويااج هالشي بيسووي مع غيرج العن من جذي

صديقين الارداه هي كل ششي قولي بتركه و اتركيه من قلب مو تتركينه و بعد جم يوم تردين

لا هذا غلللط

 

[الغلا كله لبوي]

الله يهديج عليج بالاستغفار والدعاء والصلاه