وهقوني .....عقدوني....

[جلكسيــه]

بنات الناظرة حطتني بالاذاعه وانا مدرسة تربيه اسلاميه وادرس اربع صفوف غير مهارات الحياة يعني خمس صفوف عندي .... يوم رحت اكلمها قالت الاذاعه مو تعب عادي وانا ما عندي مدرسات العربي مضغوطين ؟؟؟ تهقون عادي اسلاميه ومضغوطه حدي توهقني بالاذاعه وانا مو خبره انا هالسنه الثالثه ؟؟ والله احس رئيسة قسمي قايله ارشح لج هالمدرسه للاذاعه ترا زينه ... وبنات لاتشوفون الناظرة جنبي تعطيني توجيهات بزف على حتى مسكه المكرفون ... وفوق هذا كلفوني بورشه ودرس وندوة كله هالكورس شالسالفه لو اخطبوط ما اقدر وكله على مستوى المنطقه ؟؟؟ لاتنصدمون مدرستي كرااااااااف ؟؟... انا تعبت حيل حيل حيل اليوم خلصت مسابقة الحج اللي مكلفيني فيها بعد .. بنات لاتشوفون شلون اركض بالمدرسه ووالله ماتصدقون وفوق هذاا حاطين علي ؟؟ شنو اسوي عطوني حل ابي انحاش منهم من هالشهرر قولولي طريقه تكفون عطوني حل انتقل اطلع مجلس طبي اجازه علموني ترا انا اختكم والله قاعده اكتب وابجي لاتخلوني قولولي حل ؟؟:eh_s(11):

 

[مسكته بحلاها~]

كلميهم قوليلهم وين الابلات الباجين كل هذا على راسي!
اذا سكتي بيزيدون الضغط عليج~
والله يعينج على ما بلاج~

 

[om hana]

الله يعينج حبيبتي :yaaaaaarb:

عادي الادارة دايما جذي بيطلعون اسم المدرسه على افانا
عبالهم احنا مكاين و ما عندنا بيت و عيالنا

حياتنا صارت كلها للمدرسه

عاد احنا مدرستنا هالسنه عطوا الاذاعة حق 3 مدرسات علوم اسره و انجليزي و حاسوب

انت اقترحي انها تضيف مدرسات يساعدونج و قسموا الشغل بينكم

دام انه مافي امل للرفض دام الناظرة اهي الي اختارتج

 

[جلكسيــه]

والله مااجذب عليكم عيالي حاطهم خدامتين ما ادري عنهم ما عندي وقت من مركز طالب لي خطاط لي جمعيه لي لبو ميه ماكو وقت مااااااكوووو ... كرهت التدريس والله ماصرت اهتم بنفسي شعري طاح ومتنت من النفسيه والحمدلله بس لتسبح ... ولاتهقون الباقي مرتاحين والله يكرفون واهم فوق السبع تعش سنه .... انا جديده وصغيره الناظرة تبي تكرفني بكل شي ولا تقولون اني اكبر الامور او حساسه بالعكس مات احساسي عندهم والمشكله عيونهم علي استئذان وطبيات اذا خذيتهم اليوم الثاني عقاب اما يغيرون الجدول او احتياط ؟؟؟؟ واللله ابتليت ابتليت فيهم

 

[Angel_store]

اب اب اب

 

[كل شيء عادي]

الحل الوحيد النقل ولأن ألحين مافي نقل اطلبي انتداب وروحي المنطقه بنفسك وكلمي المراقب
والله يوفقك
أهم شي بالمدرسه أنهم يعاملونك معامله زينه ويراعون ضروفك والشغل والكراف في كل مدرسه

 

[ابلة لولوة]

حبيبتي كل المدارس جذيه

لازم يحطوون عالمدرسه عشان تكره الساعه الي صارت فيها ابل شوفي شرحي ضرووفج يمكن يتعاطفون معاج خلي يخفون الشغل عليج

بس بدون صراخ وفرض راي عشان لايحطونج ببالهم

والله يعينا وياج

 

[عزتي مالها حد]

ان شالله يخففون عنج

لان صج تعب والله

مادري انا لو مكانج اعلم الموجه واشرحله ظرفي واقوله لو تقدر تندبني عند اي مدرسه انت موجه فيها او اي موجه زميل لك مدرسته فيها نقص ياليت تندبني لها

والله يوفقج ويسهل امرج

 

[*ماي الورد*]

اللي اعرفه انه اللي تمسك الاذاعة لازم جدولها مخفض
]

 

[miss hadya]

الله يعينج ع هالمدرسه

ليش ماتنتقلين وتفتكين منها

 

[معلمة_منكوبة]

معطتج اذاعه وعندج درس وورشة عمل؟؟؟؟؟؟؟؟؟؟ وين صارت هذي

اصلا اللي تشيل الاذاعه حتى يخففون عنها الجدول .. كلمي رئيسة قسمج خلتشيل عنج

الدرس وورشة العمل لانه اصلا وانا اختج مايحتاي اذا مسكتي الاذاعه يأهلج حق الامتياز

كلش كلش قوليلها بسوي ورشة عمل بس هذا اذا في وحده تساعدج بالاذاعه

 

[LA TROO7]

حبيبتي ارفضي بكل اختصار

قولي يا اشيل الاذاعه يا اشيل ورش العمل

شنوو مالج راي ؟؟

 

[جلكسيــه]

بنات شفيكم ورشة العمل والدرس والبرامج الاذاعيه والضغوطات ونقص بالقسم هذا شيدل عليه لاتقولون كلمي رئيسة قسمج هذا يدل على انها مشيشه الاداره على ترى كلهم حقاره حشاكم ... ماعندهم ضمير ويموتون على الكراف مو بس انا انكرف قاعده اشوف الكل يكرف بس انا بزود يوهقوني عشان جديده ..... انا ابي حل شلون انقل ؟ وشلون انتدب ؟ ساعدوني ... حتى موجهتي صعبه ؟؟؟

 

[المـــــها]

مادري
بصراحه مابي أشيشج لني صايرة عصبية من الحمال و لو مسكت أعصابي عن رئيسة القسم أقل شي بقول لها تخفف عني لأني ماقدر!!

قولي لهم نشاط واحد على مستوى المنطقة عالاقل يخفف عنج !

 

[نود الجنوب]

اقوول خل يولوون يعني شنو بيسووون المعاش ماخذته غصبن عنهم قولي ماابي كيييييفي والله عن خبره مايقدرون يسوون شي بس تدرين من كلامج احس انج وحدة تستحين شنوو 4فصوول ترا نصاب الاسلاميه16 حصه وماتاخذين اي شي زياده الا بكييفج هذيلا ناس مايستحوون ومايبين بعيوونهم شي صدقيني اخذي موقف وقولي لا رح تلقينهم يعملون حسابج ترا اللي تقول لاا تنحط فووق الراس ومحد يكلمها واللي تسكت تكرف كررااااااااف

 

[بنات حواء2]

حبيبتي اذا مو مرتاحه نقلي و لا تخلين هشي يتلف نفسيتج واضح من كلامج ان نفسيتج تعبانه مثل حالتي قبل اسبوع
بس عمومن حبيبتي انتي لج الحق بالرفض رفضي قولي مابي مافي احد يقدر يجبرج و سوي ندب و الله يسهل عليج و يوفقج و مايضيع تعبج

 

[جلكسيــه]

الله يجزاكم خير كلامكم شجعني ازفهم وفوق هذا خلاص بقدم نقل لان العلاقه بيننا تشش محد يكلم الثاني ؟؟؟؟؟؟؟؟؟ واااااي طفشت من هالناس

 

[Turquoiseya]

روحي المنطقه وطلعي لج ندب او نقل
عقبها عطيهم طاف وخليهم يولون مع شغلهم

 

[أم الأسلوب]

بنات شفيكم ورشة العمل والدرس والبرامج الاذاعيه والضغوطات ونقص بالقسم هذا شيدل عليه لاتقولون كلمي رئيسة قسمج هذا يدل على انها مشيشه الاداره على ترى كلهم حقاره حشاكم ... ماعندهم ضمير ويموتون على الكراف مو بس انا انكرف قاعده اشوف الكل يكرف بس انا بزود يوهقوني عشان جديده ..... انا ابي حل شلون انقل ؟ وشلون انتدب ؟ ساعدوني ... حتى موجهتي صعبه ؟؟؟

كلامج يدل على ان احنا ما نعاني من نقص بالمدرسات احنا نعاني من ناظرات

هدفهم تطفيش المدرسات عيب الاسلوب اللي تتبعه معاكم المفروض تستانس

لما يعينون موظفات مدرسات جدد وتسد النقص

كلكم راع وكلم مسؤول عن رعيته


حسبي الله ونعم الوكيل الاخلاص والتفاني بالعمل انتي مأجوره عليه

قم للمعلم وفه تبجيلا كاد المعلم ان يكون رسولا


يارب يهون عليج يارب ومفروض الاذاعه يمسكونها قسم اللغه العربيه


او خل يشغلون موظفات المكتبه حتى اذكر على ايامي بالمدرسه الطالبات يمسكونها

وقايمين بكل شي ماشاءالله

ليش جذي عسره معاكم

 

[شوكلااااته]

ارفضي وماعليك منها

وحاولي تدورين نقل وروحي وخليها