وينكم محتاجين خبرتكم ياامهات

[سنو - وايت]

السلام عليكم شلونكم بنات الموضوع نبي خبرتكم في الاطفال لما ينولدون لازم بجي ومغص والنوووومه متخربطة والله يعينا على السهر ابي شلون كان وضعكم بالأربعين وبعد مارجعتوا بيوتكم شلون وضعكم من ناحية النومة واللي قدرت اتضبط نومة طفلها تفيدنا شلون والرضاعة شنو وضعها بعد بليز فيدونا لان احاتي وااايد بعد الاربعين لان الحين امي وخواتي مومقصرين

 

[ام رينـاد]

ااب لي باك

 

[ام الحلوااات]

اااااااااااااب

 

[c a t w o m a n]

أغلب اليهال بالأربعين نومهم ملخبط اهني يي دور الأم والأهل

والياهل كل ما يكبر اسمالله عليه تتعدل نومته فطبيعي تتعبين معاه بالبداية

إذا ترضعين طبيعي تتعبين دبل و حاولي تشفطين حليب وتخزنينه بالثلاجة حق وقت العازة

إذا تعطين صناعي خلي آخر رضعة تكون يانسون يريح و يهدي الياهل شوي شوي راح تعرفين نظام الياهل متى يقوم متى يقعد جم ساعة ينام

غالبا كل ساعتين تعطينه رضعة بس هم إنتي أدرى بمعدة ولدج

الملابس إذا ما عندج خدامة قطيهم بالغسالة أول بأول عشان لا يتراكمون و المميات تنظفينهم وتعقمينهم على طول

لا تعودين الياهل من الحين على الشيل عشان لا تبتلشين بعدين .. و عوديه ينام بأي مكان راح ترتاحين

لما يصير بو خمس شهور جذي لا تخلينه ينام ( طريقتي) وايد بالنهار قوميه من نومه و تحملي الحنه والبجي ولعبي معاه لما يي موعد نومه تلقينه خلاص منهلك فتبدلينه ترضعينه تنومينه نومه وحدة لي الصبح بس يقوم يبي حليب و يرد ينام

وإذا تذكرت شي أرجلعلج

لا تحاتين راح تقرين تنظمين وقتج بس قوي ألبك لا تخلين الياهل يتحكم فيج الياهل طينه تشكلينه إذا مو طبعه عسر

 

[mama-dodo]

كلام الاخت كات ومن صح
انا اقعد بنتي بالنهار وألعبها عشان تنام بالليل
اذا الياهل نام طول اليوم بالليل راح يقعد
واساسا اليهال بالاربعين اذا مرتاحين من الغازات مايقعدون كله نايمين بس يشربون وينامون

قوي قلبج والله يعينج

 

[سنو - وايت]

مشكورين حبيباتي عالردود الحلوة