وينكم ياكويتيات ياسنعات ابي فن الضيااااااااااافه ابي افكاااااااااااار

[سوشيه الفوشيه]

حبيبيتي كيف الحال والاحوال كيف الماما والبابا وابو العيال

ادخل بالموضوع ,,,,,,

حبيبتاتي انا الصراحه ابي خبراتكم وافكاركم في فن الضيافه

يعني لو يزرونج صديقاتج او اهلج شلون تتفنين في الضيافه شلون الاستقبال وشنو التقديم بالاول وشنو الافكار حق كل شي

انا الصراحه اتخربط خصوصا لما يكون الضيوف اكثر من 4 اشخاص

واحس باحراج ماعرف شلون اقدم واحيانا لما اروح للناس انصدم من طرق وفن التقديم

يعني تلاقين كل وحده حاطه صينيه وداخلها ورد وشموع وتقدم لج مادري افكار



يعني شي عجبني وايد اخر زواره لي لبنت عمي بعد الاكل امي طلبتت تغسل ايدها خصوصا انها مااكلت الا بملعقه بس تعرفين وسواس

جابت لنا حوض صغير وفيه ورد جوري مجفف الصراحه حتى انا ماكنت ابي اغسل غسلت بس ابي اعرف شنو في الماي


ياريت المعلومه وصلت فديتكم ادري ماراح تقصرون

 

[لمسات شمووخ]

في فناتق وايد


مثلا اذا عشا بعد العشا يوزعون علب او اظرف غش وحركات ويكون فيها كلينكس معطر وعود اسنان وعلج او حلاوه حاره

في ناس تفتر بحوض صغير فيه ماي ساخن وفوط صغيره (( نفس اللي بالطيارات ))

بالنسبه للشاي (( الحين اساسي صار السكر اما الفرنسي او التلبيسات مع اللقاح وهالامور ))

اذا زايرينج اهلج

حلو تقدمين لهم انواع غريبه من العصاير الطبيعيه المخلوطه مع تزينهم بالفاكهه

وشكرا لج

 

[سوشيه الفوشيه]

فديتج شموخ ماقصرتي

يالله ابي تفاعل من السنعات تقول لنا عن اشيياء وطرق حلوة في التقديم

خلنا نفيد ونستفيد

 

[green apple]

خوووش موضوع

تقدرين تشترين سارالي كيك وايسكريم وتسخنين الكيك بالميكروويفوتحطين يمه الايسكريم وتزينينه بالبسكوت الاصابع
وتقدمين معاه نسكافيه او هوت شوكلت

او ايسكريم معاه توت او فراوله

 

[ديرتي الغاليه]

في عضوه تبيع قفاش كل شيء فيها من شكر وزعفران وجاي بس عليج تحطين بالكاسه ماي حار وتقدمين القفشه معاها والضيفه اهي الي تحرك القفشه بالماي الحار.اسمها (((روعه لضيافه)))

 

[ديرتي الغاليه]

وتبيع بعد مكعبات العصير .....وروحي معرض افكاري في شغلات غريبه

 

[بسبوووسه]

للرفع

 

[دراما كوين]

اب اب اب

 

[دلوعه و لايق عليها]

عجبتني فكرة قرين ابل واااااايد

 

[بنات حواء2]

في افكار وايد بفيدج بفكره حق العصير تنفع حق العصاير الشفافه عشان تبين الحركات فهيا
تيبين قالب الثلج و تصيبين فيه عصير ملون ممكن تستخدمين فريز في منه وايد الوان و طعمه حلو و تحطينه بالفريزر لمن تطلعينه راح يطلعلج الثلج ملون تحطينه بأي عصير شفاف او سفن اب حتى طعمه راح يكون حلو و غريب لانه راح يدخل فيه اشويه من طعم الفريز


وفي فكره ثانيه حق قوالب الثلج تاخذين ورده صغيرونه طبعن تغسلينها و تنضفينها و توزعين الودر في قالب الثلج و تصبين فوقه الماي و تحطينه بالفريزر عقب ماتطلعينه راح تطلعلج كل ثلجه في بطنها ورده و اختاري الوان الورد على حسب لون العصير الي تبين تقدمينه


على فكره ترى الضيافه مالازن يكون فيها خبه و مبالغه كثر ماصار شي ناعم و فيه فناتق نعومه يصير حلو
و لا شرايكم


حق الشاي في افكار وايد ممكن تاخذين الليمون المصري الاصغير من الجمعيه و نعناع
وتحطين يم الاستكانت نعناعه شريحة ليمونه
اما الزعفران و ماي الورد و هسوالف اصلن احنه نحطها اوردي بالشاي فمايحتاج انه نحطها على الجنب انا اشوف انه هلفكره حلوه و ناعمه
و ممكن تحطين يمهم قطعة معجنات صغيره اذا حبيتي ماتقدمين بالصحون الكبار

اذا حبيتي تعدين المعجنات بنفسج و باشكال تينن
تروحين مخبز امير الامراء الي بحولي اعتقد مجابل حولي بارك من الجنب
تاخذين من ه صمون مدور عنونو ويي منه الوان احمر و اخضر و اصفر كل الالوان الي ماتيي على بالج عنده و شكلهم وايد حلو هذا الصمون يلونه لج بشغلات طبيعيه مثلن بالشمندر او الجبن و يكتبلج هلحجي على الصمن
تمرين الجمعيه و تاخذين الحلوم و المرتدله و اللبعنه و النعناع و اعواد اسنان و الي بخاطرج تحطينه بالصمون تروحين البيت تسون الصمون تقصينه بالنص و تحشينه بالي بخاطرج فيه تقدرين بعد تسوين مسحب من صنع ايدج و تحشينه
او شورما امريكانا الجاهزه تحمسينها و تزيدين لمساتج عليها مع ميونيز الثوم و تحشينه و اللمسه الاخيره تكون باضافة زيتونه في عود الاسنان و تشكينها بالصمونه
وصدقيني الكل راح يسألج من وين واشلون
عاد اذا سألوكم من وين قولوا الفكره من بنات حواء هههههههههههههههههههههههههههههههههههههههههههههههههه
هذي الافكار الي تحضرني ولي تذكرت بعد برجعلكم