وينكم يا متكممات ويا متحورات ....تعبت والله تعبت ..

[سيلينا بيريز]

اشلونكم بنات :eh_s(7):
:rgewrg:اولا انا قبل حطيت موضوع منو افضل دكتور يسوي جراحات السمنه بالكويت محد رد علي الا جم بنت ....يعطيهم العافيه انا ابي بالاجماع لاني بسويها بداية 7 وحدي خافيه ماني عارفه اروح المنو والا منو .....الكل يمدح...يعني انا سمعت ان الجار الله في ناس ماتو منه وخطأ طبي ....ياربي وين اروح الاي دكتور...:eh_s(16):.. ووحده من البنات امدحتلي ...نسيت اسمه ....شي وخورشيد....يمكن موسى او شي جذيه ....اللي يعرفه يقولي بعد.....والله تعبت ما ادري اي دكتور اروح:eh_s(16): انا وزني صار 130 ...وطولي 169 شسوي بنات وين اروح تعبت رجيم:eh_s(2):


وابي اتقولولي منو افضل التكميم او التحوير:bbbiu:


وامانه




امانه




امانه




امانه






ماندمتو انكم سويتو العمليه ....:bbbiu:​

 

[*ود*]

صباح الخير اختي انتي حيل مكبرة الموضوع وعمليات السليف الكل مسويها وتعتبر سهله على الدكاترة ليش الحيرة المبالغ فيها وزنج ماشالله وايد ولازم عمليه لذلك احسمي الامر واستخيري واستشيري اكثر من دكتور واللي ترتاحين له سويها عنده والجارالله ولا حالت وفاه عنده!
ارجع واقول ترا سهااااااالااااات بس توكلي على الله وسويها والله يكتب لج يللي فيه خير وصالح ويرزقج الصحه والعافيه يارب*

 

[infinity luv]

الجار الله وايد زين .. رفيجتي و امها و ولد خالتها مسوين عنده

و انا مسويه عند موسى خورشيد صارلي 3 اسابيع تقريبا
انا و اختي و مرت خالي و بناتها الاثنين مسوين عنده
و الاربعا رفيجتي بتسويه العمليه عند دكتوري موسى خورشيد

و عندج دكتور باسل السميط مسوي حق رفيجتي و اختها


بس هذيل الي شايفتهم بعيني مادري عن الدكاتره الباجين

و الحمدلله الحمدلله محد صار فيه شي كلنا اوكي

بس ترا العمليه اتعب ههههه يعني 10 ايام او اسبوع تعببب

 

[infinity luv]

اي نسيت اجاوب على سؤالج ... التكميم افضل
( لاانه الجسم يستفيد من الاكل .. و تاخذين حبوب فقط 3 اشهر )

اما التحوير ( تحويل مسار) تاخذين حبوب طول حياتج
و احتمال يصير التصاق باللامعاء
و الجسم مايستفيد من الاكل


و انا سويت تكميم و كل الي قلتلج عنهم فوق مسوين تكميم

 

[سيلينا بيريز]

يعطيكم العافيه ما قصرتو بس ابي بعد بنات امجربينحدي خايفه

 

[اميره بكلمتي]

شووفي للامانه انا مسويه سليف عند الدكتور خالد العنزي الصراحه شهادتي فيه مجرووحه دكتور شاطر بمعنى الكلمه وانصحج تسوين التكميم لان اهي الافضل والاضمن ،،، والصراحه مو ندمانه اني سويتها بلعكس متحسفه اني ماسويتها من زمان بس يلا الحمدالله على كل حااال

واي سؤال انا حاضره

 

[Un-6be3iya]

نص اهلي مسوين تكميم عند دكتور عبيد الحربي
و من ضمنهم ابوي
الدكتور ممتااااااز جدًا

 

[al7nooona]

انا مسووويه تكميممم عند الدكتور خالد العنزي ماشاءالله عليييه رووعه هالدكتووور وشاطر ونفسيته حلووه واخلاقه عاليه


انتي روحيله وشوفي نفسج شلون راح ترتاحيله .... والتكميم افضل من التحويل لان جسمج بالتكميم يستفيد من الاكل بس التحويل او التحوير طول عمرج بتعيشين ع الفيتامينات


وبالنهايه شوفي الدكتور بشنو ينصحج


والصراحه انا مو ندمانه اني سويتها بالعكس مستانسه ولله الحمد بالبدايه ماكنت اتحمل العوار واقول لو مو مسويه العمليه احسن


بس لازم تتحملين شوي وتصبرين بالبدايه وتكون عندج اراده انج تبين تضعفين ولاتفكرين انج راح تقدرين تاكلين مثل قبل

وبالنسبه للعوار ما يطول وياج اكثر من 10 ايام ... وراح تتمنين انج لو مسويتها من زمان


والله يسهل اموورج وتقومين بالسلاااامه

 

[اميره بكلمتي]

صح كلامج الحنونه

 

[ام فطوووم]

هلا حبيبتي
انه حاسه فيج وانج مشتته
المهم حبيبتي حطي ابالج ان كل شي بيد رب العالمين
واذا كان في دكتور زين للناس يمكن موزين لج
والعكس
شوغي حبيبتي اهم شي الاستخاره
ثاني شي الاتكال عالله وان اتحطين الهدف جدامج
ثالثا شوفي منو ترتاحينله
شوفي وايد في دكاتره زينين
عندج السميط
خورشيد
بستكي
خالد العنزي

شوفي على كثرهم بس انه ماسويت عندهم
لان ماكان عندي القدره الماديه خصوصا انهم ياخذون من ٣٠٠٠ وفوق
توكلت عالله وسويتها عند طبيب العايله
كلهم تكمموا عنده وانه ارتاحله
اسمه احمد طارق
بالراشد
صج ان المستشفى مليغ ويقمت بس الدكتور اينن
ويعطونج جناح مهراجا مع العمليه
ووقتها خذوا مني ١٨٧٠ تقريبا
لان كان عندي خصم عشان وظيفتي
المهم اذا لج تقريبا ممكن ايسوونها لج حطي ابالج
من ٢٢٠٠
الى ٢٦٠٠
شوفي شنو تحتاجين بعدها
او خلال العمليه
وشوفي ما ابي اخرعج او احبطج
اختي سوتها مانقصت مع انها سوت تدبيس بعدها التكميم يعني عمليتين
والحين اللي نفعها الشفط والشد وماشالله تغيرت ١٨٠ درجه
وانه بعد سويتها بس نزلت ٣٩ كيلو وبديت اصعد جم كيلو يعني هم لازم تعتمدين على روحج
انج اتسوين رجيم بعد الجم شهر لان بتكبر المعده

خالتي سوتها انزلت بس ١٥ كيلو

 

[سيلينا بيريز]

ياربي يعني العمليه ما تضعف لازم دايت .....يعني انا ما عندي اراده عيل اشلون بسويها ....لان تقولون بعد العمليه لازم دايت

 

[درب السنع]

انا سويت تحوير عند موسى خورشيد والحمدالله النتايج حلوه

حبيبتي العمليه مو سحر لازم اتحاولين اتغيرين من نفسج بعدها يعني نصيحه اذا بتردين على الحلو والمعجنات لا اتعبين نفسج واتسويها

انا ما اقولج حرمي نفسج بالعكس اهيا وااايد راح اتساعدج بس لازم انتي اتساعدين نفسج بعد

مثل ما قالو البنات انتي روحي استشاره لكذا دكتور وشوفي انتي ترتاحين حق منو انا سويت جذي واستقريت على موسى خورشيد اهيا شغله نفسيه وترا العمليه سهاااااااااله لحد يخوفج منها
موفقه ​

 

[ام فطوووم]

انه معاج ان الرجيم ممل واحنا ماسوينا هالعمليات الا ماكو اراده
والله انه قاعده احطج بالصوره
اكثر وحده نفعها التكميم خالتي
كانت تقريبت ١٥٦
وصارت بالسبعينات تقريبا هالحجي من ٤ سنين ونص
وماصعدت وهذا ثاني حمال لها الله ايتمم عليها بس شوفي
السبب اللي ماخلاها تصعد اهو انها اتحط صبعها ابحلجها وانتي بكرامه
واترجع وكل مانقولها اتقول لا بس باين عليها
بس اتخاف انزفها صارت فيها حاله نفسيه
لانها وين كانت وشنو صارت مافي مقارنه
انسانه ثانيه
والعمليه اتخليج مفجوعه 
يعني حلجج مايتصكر بس تاكلين
بس على وجبات متفرقه لو بتحسبينها ماكليتي شي
حاى البي حوالينج بيتحجون ان حلجج مايتصكر
خخخخخخ 

بس المهم انه قاعده اقولج اهو عامل مساعد
وهم يعتمد عليج
واي سؤال انه حاضره 

 

[Q8stylle]

عندج الدكتور احمد الشرهان
وخالد العنزي
وبستكي
وخورشيد

 

[dectora 7elwa]

استخيري واستشيري كذا دكتور

 

[بنفســـــج]

انا مسوية عند الجار الله وأختي وأمي وصديقتي وكثير أعرفهم وتبارك الله النتيجة رائعه انسان شاطر وتكانه وحريص , يكفي انه متمكن تبارك الله لدرجة انه يعمل العمليات بفتحة او فتحتين ... حتى عمليات الشد إلي سواها لي ناجحة وإلي سووها دكاتره تجميل ماكانت بالمستوى المطلوب وصرت أرقّع من وراهم


وكثير دكاتره ممتازين عندنا بالكويت مسوين عندهم ناس اعرفهم مثل السميط والعنزي والشرهان .

 

[سفيرة العشق]

حبيبتي سويها وتوكلي على الله
انا اختي سوتها صار لها سنة تقريبا نزلت 40 كيلو
وسوتها بدار الشفا عند الدكتور هيثم الخياط ممتاز وباله طويل حتى بعد العمليه والله اذكر لما كانت تتعب بالليل كانت اتدق عليه ويرد عليها

بس شوفي نصيحة اذا انتي تحبين الككاو والحلو وشغلات فيها دهون جذي سوي تحويل مسار أحسن لأن الدكتور قال التكميم لازم تسوين رجيم بعدها ولا راح تتمدد المعده بعد سنه اذا رديتي تخربطين بالاكل وتزيدين تدريجيا
والتحويل حق اللي فيهم سكر أحسن
بس التكميم مميزاتها انج ما تعيشين على الفيتامينات الا 6 شهور الى سنة بس التحوير تقعدين لمدة سنتين فيتامينات
ولمدى الحياه بس فيتامين b12 ..


تكلفة العمليه التكميم 3000
تحويل المسار ب2800

 

[عـــزآآآآآهـ]

انا سويت تكميم عند الدكتور محمد العجمي وشهادتي فيه مجروحه وسواها لي بـ4 فتحات مو خمس وصغار حيييييييل

اهم شي استخيري ربج واللي يطلعلج من الاستخاره سويه

 

[نجاة80]

انا سويتها عند كوسى خورشيد الصرااااحه يهببببل واسلوبه راااقي
ويسهلج الطلبات ماقبل العمليه وكلشي عنده ما يطرشج مني ومناك ...

انا توني مسويتها الصراحه البدايه صعبه صعبه صعبه واذا انتي تحاتين انج تاكلين فأبشرج ماراح تقدرين لانه بيعورج اذا اكلتي شي غير اللي بمرحلتج فراح تتعبين

وحطي ابالج حسافه العمليه والمخاطره عقب انتي تخربين كل شي ..

الله يكتب لج اللي فيه الخير ... بس لااااااازم قبل اي خطوه استخيري عشان ربي يسهلج امورج

بالتوفيق

 

[بالمشمش]

اختي ليش خايفه انا سويت عمليه التكميم عند د خالد العنزي يهبل ما شاء الله عليه واليوم اللي سويت فيه العمليه كان فيه 60 عمليه منهم 20 عمليه تكميم تخيلي والحبل على القارب ومتحسفه ليش ما سويتها من زمان وسوالي اياها ب 2300 دينار اجره الدكتور من غير مصاريف المستشفى استخيري بالله واتكلي على الله حبيبتي