وين أحصل زي البحرين لبنتي والمغرب لولدي؟

[سنعة وحبوبة]

السلام عليكم ورحمة الله وبركاته

:33_1185028183:

من العنوان ... ياليت أحد يفيدني

بنتي مطلوب عليها زي بحريني وولدي زي مغربي

منو تساعدني الله يوفقها حدي متوهقه ؟؟؟​

 

[ديناا كوليكشن]

اب لعيونج انت وعيالج

 

[سنعة وحبوبة]

رفع الله قدرج

يابنات الثوب القديم الزي الشعبي لنا وللبحرين نفس الشي

الثوب اللي عليه تطريز وزري وهالسوالف

عرفتوووووه؟

تكفون وين أحصله بنتي بالروضة وتحن تبي مثل البنات

أما الولد اذا ماحصلت له احتمال أفصل له سهالات إن شاء الله

 

[بواسم]

حبيبتي انا عندي للبنت ويايبتهم من البحرين الثوب وتحته الدراعه مشغوله بالزري وعلى فكرة عندي بعد معاه البخنق والهامه والكف اذا تبين

 

[نور مغليها]

رد : وين أحصل زي البحرين لبنتي والمغرب لولدي؟

الله يكون بعـوِنج ...

أب أب أب

 

[سنعة وحبوبة]

أجمعين اللهم آمين

 

[ملاله كويتيه]

رد : وين أحصل زي البحرين لبنتي والمغرب لولدي؟

حق بنتج أتوقع تحصلين بالمباركيه أما حق الولد عندج محل أزياء مغربيه بمجمع المثنى بالميزانين إسمه القفطان المغربي إذا ماني غلطانه . عنده ملابس مغربيه حق الأطفال وهم النعول وانتي بكرامه

 

[أم الولدين]

حبيبتي انا عندي بدلة مغربية كانت لولدي بالروضة ــ إذا تبينها ما تغلى عليج

 

[سنعة وحبوبة]

ماقصرتوا خواتي ليلحين محتارة وقاعدة أدور

 

[سنعة وحبوبة]

وينكم بنات

 

[سنعة وحبوبة]

بنات جزاكم الله خير ترى حصلت لبناتي عند سوق الحريم بالمباركية

والولد لقيت له دشداشة مغربية عند سوق الغربللي

ماشاء الله تبارك الرحمن ولله الحمد والمنه

حبيت أذكر لكم الأماكن للإفادة عشان اذا وحدة مرت بموقفي