وين أحصل غسالة صغيرونه وفيها تعقيم ؟

[بشه المنفشه]

السلام عليكم ورحمة الله وبركاته


بنات أبي غسالة صغيرة نفس اللي يشترونهم حق ملابس البيبيات بس تكون مع ميزة التسخين العالي بحيث تعقم الملابس بالماي الحااااااااااااار


بخاطري أشتري وحدة للملابس الداخلية بس مادري وين ينباعون ؟؟؟

 

[اشواق2008]

اتوقع الغانم اكيد عندهم

 

[بشه المنفشه]

مشكورة حبيبتي أشواق .. توني مريت الغانم قالولي اللي فيها الماي الحار ما اتيي إلا اوتوماتيك

الغسالة الصغيرونة مالت اليهال هذي نظامها عادي مافيها ماي حار

 

[غير كل الناس]

شفتها عند الكترو زان اللي عند سنتر بوينت بالري سعرها 10 دنانير

 

[NoWay2know]

يعطيكم العافية

 

[بشه المنفشه]

مشكورة حبيبتي غير الناس .. خلاص الحمدلله أمس مريت اليوسفي وشريتلي وحدة

بس غريبة غسالة بـ 10 دنانير ؟؟ هذي خذيتها بـ 32 بعد الخصم بعد !!


NoWay2know .. حياج الله

 

[Geisha]

بشه شلونها زينه؟؟

 

[بشه المنفشه]

هلا حبيبتي Geisha

والله بعدني ما جربتها بس على كلام الوالدة تقول كان عندنا منها ووايد زينة حتى استغربت من قيمتها تقول قبل كانت نص السعر

وترى فيه أصغر منها شفتها عند يوريكا بـ 26 إذا ماني غلطانة بس ما فيها تسخين .. اذا تبينها للأندر وير يتهيألي اللي فيها تسخين أحسن