وين أحصل مطاطير استقبال سعرهم زين

[بشه المنفشه]

السلام عليكم ورحمة الله وبركاته






مابي بالإميات تكفووون .. فلست أبي سعر مناسب ونوعية زينة تكد جم سنة لي جدام
وياريت يكونون بالسالمية أو حولي يعني المناطق الداخيلة مو بعيد

 

[زقرتية]

بالمعلم تحت
في وايد اطقم حلوة واسعارها زينه

 

[أوراد التميمي]

دخلت فازعة ؟!!!!!!!

لكن يرفع لعيونك يالغلا


مطاطير = دلال الشاي والقهوة صح

 

[بشه المنفشه]

زقرتيه

تسلمين يا قلبي .. جان زين لو بيدي أشتري من المعلم بس خواتي يحبون الماركات وأنا اللي أدفع !! ههههههههه
مشكووورة حبيبتي وصاجه أنا شايفه سوالفهم حلوة خصوصاً اللي تكون أطقم

--

أوراد البراري

مشكووووووووورة على هالفزعة
والترجمة مضبوطة .. الله يرفع شانج بعد قلبي

 

[طيرشلوا]

عندج سوق المعلم بالسالمية وحولى
وسوق فاشن مل
انتى اختارى المطارة وحطى عليها اظافاتج وتكون مميزة
واحسن نوعية الالمانى واليابانى
ونصيحة لماتشترين المطارات حطى فيها ماى حار مغلى كتجربة وخلية الليل كلة ليما الصبح اذا لقيتى الماى بارد رجعيها اما اذا كان حار فإهى الزينة

 

[ام دودو المزيونه]

حبوبه توني ادري في مطاطير ماركات هل تقصدي الصناعه اذا الماني والا صيني اذا الألماني في منه بسيتي سنتر وتشكيله روعه والمعلم ما يييب الا الصيني شكلهم حلو بس ساعه والشاي بارد وطعمه متغير بسرعة تبرد وفي بتروفاليو روعه وفخمين مع الأطقم

 

[حصووونه]

شوفي ياقلبي بقولج خبرتي بالمطاطير واماكنها بالكويت
شوفي المعلم وبيروت وفاشن مل هذيلا فيهم الصيني اخذي منظر بس اما الجوده بوطقه وبسرعه يبرد فيهم الشي وعندهم الالماني ماتلقين غير بونقطه حمرا هذا مايبرد فيه الشي وزين حيل وجوده بس ماتلقين منظر سنع حق استقبال يعني بونقطه هذا حق البيت مو استقبال وضيوف..
اللحين قمت الاحظ ماركة التايقر يابانيه متواجده بالاسواق الشعبيه وهم ترى جوده وتحتف بالحراره للغليان بس المنظر عادي جدا من طقة بو نقطه حق البيت ..اذا تبين كشخه وموغالي مالج الا ماركة السيف وهالماركه لقيتها بسوق قصر السلطان بالفحيحيل سوق شعبي يجيب هالماركه وهي اسعارها مناسبه وكشخه وتواجه حق الضيوف انا اشتريهم من السعوديه ومن قصر السلطان القاهم دايما وجوده بعد...اما ااذا ميزانيتج راهيه روحي فياصل روووووووعه..

 

[زهرااا]

فوق فوق
انشالله ما يقصرون البناتــ

 

[بحر الذكريات]

رفع

 

[ام حمودي@]

لو تروحين الحفر وااااااااااااااااااااااااااو روعه

 

[حلوة ومملوحة الكويت]

حبيبتي في محل بالضجيج وايد شغله حلو ومكانه بالضبط مقابل مدخل ميداس يمكن من الخلف وجنب سجاد بو خمسين
وعنده مطاطير راقيه وجوده واشكالها حلوه واسعارها مناسبه
والله اسمه على طرف لساني ما ادري بامبو او بومبو ..شي جذي
شغله حلو ويستاهل انج تمرينه
وحتى عنده مواعين حيل ذربه

 

[بشه المنفشه]

الله يعطيكم الصحة والعافية ويجزاكم كل خير يا أحلى بنوتات

مشكورين وايد وايد ساعدتوني

 

[ونة حزن]

حبيبتي في محل بالضجيج وايد شغله حلو ومكانه بالضبط مقابل مدخل ميداس يمكن من الخلف وجنب سجاد بو خمسين
وعنده مطاطير راقيه وجوده واشكالها حلوه واسعارها مناسبه
والله اسمه على طرف لساني ما ادري بامبو او بومبو ..شي جذي
شغله حلو ويستاهل انج تمرينه
وحتى عنده مواعين حيل ذربه

شلون0اسعارة0غاليه

شوفي ياقلبي بقولج خبرتي بالمطاطير واماكنها بالكويت
شوفي المعلم وبيروت وفاشن مل هذيلا فيهم الصيني اخذي منظر بس اما الجوده بوطقه وبسرعه يبرد فيهم الشي وعندهم الالماني ماتلقين غير بونقطه حمرا هذا مايبرد فيه الشي وزين حيل وجوده بس ماتلقين منظر سنع حق استقبال يعني بونقطه هذا حق البيت مو استقبال وضيوف..
اللحين قمت الاحظ ماركة التايقر يابانيه متواجده بالاسواق الشعبيه وهم ترى جوده وتحتف بالحراره للغليان بس المنظر عادي جدا من طقة بو نقطه حق البيت ..اذا تبين كشخه وموغالي مالج الا ماركة السيف وهالماركه لقيتها بسوق قصر السلطان بالفحيحيل سوق شعبي يجيب هالماركه وهي اسعارها مناسبه وكشخه وتواجه حق الضيوف انا اشتريهم من السعوديه ومن قصر السلطان القاهم دايما وجوده بعد...اما ااذا ميزانيتج راهيه روحي فياصل روووووووعه..

وين0عنوان0فياصل

 

[[]نهاوند[]]

حبيبتي في محل بالضجيج وايد شغله حلو ومكانه بالضبط مقابل مدخل ميداس يمكن من الخلف وجنب سجاد بو خمسين
وعنده مطاطير راقيه وجوده واشكالها حلوه واسعارها مناسبه
والله اسمه على طرف لساني ما ادري بامبو او بومبو ..شي جذي
شغله حلو ويستاهل انج تمرينه
وحتى عنده مواعين حيل ذربه

بعد اذن الأخت صاحبة الموضوع
اختي شنو المطارات اللي عنده شنو صناعتها المانيه والا صينيه ؟؟​

 

[هنوده2009]

حبيتي تبين شيئ غريب مالج الا الحور طلبيات تناسب الكل والوان واشكال روعة واسعارها حلوة وشغلها مو موجود بالكويت وعنها عرض بعد اسبوع شغل رمضان

 

[حناينq8]

حبيبتي فياصل بالجابريه

 

[ما أروعك!]

للرفع

 

[un_6abe3eya]

هذي مطارات من فتره شاريتهم من مره اذا تبين رقمها اطرشه لج عالخاص ومو غالين خذيتهم 50 او 45 ماتذكر بالضبط
وهذا شغلها للامانه حيل يبيض الويه خذيتهم لنفاسي الكل انبهر لما شافهم شغل مرتب والشوارفسكي اصلي
http://dc03.arabsh.com/i/00326/23jc7j9yin44.jpg

 

[بـــطوووطه]

هذي مطارات من فتره شاريتهم من مره اذا تبين رقمها اطرشه لج عالخاص ومو غالين خذيتهم 50 او 45 ماتذكر بالضبط
وهذا شغلها للامانه حيل يبيض الويه خذيتهم لنفاسي الكل انبهر لما شافهم شغل مرتب والشوارفسكي اصلي
http://dc03.arabsh.com/i/00326/23jc7j9yin44.jpg

ممكن الصور اختي

 

[un_6abe3eya]

حاطه رابط الصوره ياقلبي