وين أسافر ؟؟ عشر ايام ؟؟ دشوا شوي ابيكم

[yam_yam]

شلونكم بنات

عاد هذا اول موضوع لي بالقسم لا تفشلوني

الله يسلمكم طاقه جبدي من كل شي و ابي اسافر
و وودي أسفر أمي جم يوم من اسبوع لعشر ايام ( ضقت خلق )

يعني أحنا بس شخصين

فكرت بمصر
و فكرت بماليزيا
فكرت بتركيا
و مادري ليش في بالي اليونان ودي اشوفها :bbbiu:

و هم فكرت بالرحلات الاوربية بس ساعات اقول مايسوى عشر ايام اوربا و ساعات اقول خل اخربها ههههه اروح فرنسا او
فينيسيا


انتوا شرايكم ؟؟


علما بان ميزانيتي بحدود ال3000 - 4000 تهقون تكفي ؟؟
انا اتوقع اي خصوصا اذا مصر

و مابي مكان فيه سوق وايد لاعت جبدي من السوق و المشترى كل فلوسج تروح عالهدوم و بس
ابي مكان جديد و ريلاكس و اسعاره حلوة

او وناسة و هياته طول اليوم مثل مصر

وودي اروح ماليزيا يقولون حلوة ؟؟:wqedqw:

مادري بنات فكروا معاي
كل وحده تقولي شنو الاشياء الحلوة
رحت شوي جولة بالقسم و احترت أكثر

يالله ساعدوني عاد :eh_s(10):

 

[غيـ الناس ـر]

والله زوجي اول امس قعد يخطط لسفره لسويسرا .. 15 يوم تكلف الفين دينار لشخصين مع رحلات القطار والسكن وكل شي ..

بس رحله للريف مو مدينه فالفنادق اتوقع تكون ارخص


ما يمدحون اليونان لا تروحين لها كلش ما يمدحونها

 

[law love]

اكييييد اوربا
حرام تقطين فلوسك على مصر لان المبلغ ماشاء الله حلو بس حاولي اتدورين على العروض الحلوة
اذا اتعرفين تحجزين من النت حجزي ولا تمرين السفريات خااااصة باسعر التذاكر فرق شاااسع بالأسعار
فرنسا حلاتها كم يوم بس مو حلوة فترة طويلة
روحي زلمسي _ميونخ_فينا_سالزبورج قراب من بعض وو حلوييين حق الاستجمام و السوق بعد عااد لازم سووق

 

[yam_yam]

حبايبي تسلمون اللي ردوا ماقصرتوا

شكلي جذي بسوي

انشالله اليوم بروح السفريات و اشوف

و هم اللي عنده فكرة لا يتاخر علي

 

[فساتين فخمه]

ماليزيا طيرانها بعيد ومتعب
ورحله سعيده

 

[طوق البنفسج]

هالجو مناسب لشرق اسيا .. تلقين عروض بالسفريات على 10 ايام بحدود 400

مصر زحمه الحين كل الناس فيها الا اذا بتروحين عقب عطله الربيع اتكون الزحمه خفت

اوروبا بررررد ماتستانسين .. و الجناط اتصير شثقلها من الهدوم الشتويه ..

تركيا نفس اوربا بااارده و المناطق الحلوه الي اتصير جبليه ماتقدرين توصلين لها اتكون ثلج و طريجها خطر

 

[حصووونه]

اختي ميزانيتج حلوه ماشالله حرام تقطينها على مصر ماتسوى هالمبلغ روحي اوربا احلا وعشر ايام كافيه عليها...

 

[كويتيه ذربه]

انا رحت ماليزيا بالصيف وايد رطوبة وبنت خالتي هناك الحين تقول رطوبة بعد
واذا تبين رايي روحي فيينا والمانيا وتكفي ميزانيتج
او سوي نفسي مفكرة بلندن
يعني من رايي روحي اوربا لان ميزانيتج حلوه وتقعدج اسبوعين باوربا مع المشتريات

 

[مبدعة]

الميزانيه تكفي سفر و تسوق

تقدرين تضبطين نفسج في اوربا عن طريق الانترنت انا دايما اسويها و اقعد اكثر من 10 ايام و الصرف يكون بحدود ال 2000

الفنادق مو الا 5 نجوم تقدرين تضبطينها 4 او 3 نجوم لان فنادق اوربا زينه عموما

بس على فكرة اوربا بهالوقت حيل بارده ما تونس وايد حلاتها تنطرين لي شهر 4 انشالله شوي يبدي يدفى الجو

 

[زيـنـه]

اوروبا بارده بهالوقت .. سالي الوالده اذا تقدر على هالبرد .

و اذا تبين اماكن دافيه .. عندج ماليزيا .. وتايلاند .. شحلوهم .

او اذا ما تبون تباعدون عندكم مصر و الا دبي .

 

[أمواج البحر]

ما انصحج باوروبا الحين

حلاتهم بالصيف لان الجو يكون بارد عندهم

الحين وايد وايد وايد برد و ماراح تستانسون

خاصة اذا بتطلعون رحلات بيخرب عليكم الثلج والمطر

حرام تنحسب عليكم سفره وانتوا ما استانستوا

فكري بشرق اسيا ... ماليزيا ... سنغافوره ... تايلند هالدول يعني

 

[♥ąϻᴑŁ♥]

اذا تبين راحه واستجمام ..

جربي المالديف .. عاااد مادري عن جوهم الحين ..

بس وايد حلوووة وخصوصا انتي تبين ترتاحين وتغيرين جو .. وماتبين سوق

..

اليونان حلوة اختي راحتلها قبل فترة بسيطة ووايد مستااانسه منها ..

 

[عشقي العطور]

مصر حق 10 أيام

 

[meen_ana]

مليزيا وايد حلوة ويمدحونها مفكرة اروح لها شهر العسل

 

[yam_yam]

حياتي يالغاليين مشكورين ماقصرتوا


خلاص شلت اوربا من بالي لان صج بررررررد حيل و اخاف على امي بعد من بردهم
خلاص بشوف بين ماليزيا و مصر بروح السفريات و اسال و اشوف المواعيد و الاسعار

 

[إستبرق]

وي 3 الاف تكفيج وزود بماليزيا شهر 10 رحت انا وزوجي ورحنا جزيرتين وكوالا ورحنا جنتنق وتسوقنا عدل عدل وشحنا جناط للكويت وفنادقنا كلها 5 نجوم بس واحد 4 نجوم وقعدنا 16 يوم تقريبا سفرتنا كلفتنا 1800 تقريبا
بس نصيحه اذا تبين تروحين بعدي عن الخطوط السيرلانكيه وييع احنا وقت سفرتنا ماحصلنا الا فيها بس صج تعب واي شي

 

[الهامورة]

فرنسا شنو فيها مليقه وكل شي يسكر وبجر وويع بس حق تشري
ماليزيا طبيعتها حلوة بس نفس اوربا وغاليه مو رخيصه
مصر حق الوناسه
انتي في بالج تشري ولا وناسه ولا تغييير جو؟؟؟؟؟؟؟
انا الديره الي تعجبني وفيها وناسه وسوق وطبيعه تركيا لانها بين اسيا واوربا جسر

 

[monmoon85]

تايلند-ماليزيا-تركيا- وبسلاامه

 

[::فوشيه::]

روووووووحي ماليزياااا احلى وأونس من مصررر وتكلفتج حلوه تعيشج ملكه < <

حجززي بأحلى الفناادق . . . وأستاانسووووو ؛ ؛


وتردون سلااامه أنشالله ؛ ؛

 

[برنسيسة زمااني]

روحي رحلات فيها منتجعات بأوروبا

حلوة وماشالله ميزانيتج حلوة حق 10ايام تتدلين فيها

يعني اي ديره تروحينها فيها منتجعات و فنادق حلوة تستمتعين فيها