وين أسوي حفلة الملجة؟؟؟

[mi corazon]

قوه بنات

حبوبات بيتنا مافي سرداب والقاعة صغيرة ماتاخذ ناس وايد

ابي صالة افراح او قاعه مجكنمه في فندق وسعرها مناسب

بليز بليز اللي تعرف قاعات صغيرة او صالات صغيرة واتعرف الاسعار تقولنا ومشكوريييييييييييين

:klhfl:

 

[blue diamond]

أول شي ألف مبروك
الصالات الاصغيره اللي اعرفها اهيا

في موفمبيك البدع عنهم صاليتن صغار يكفون حق 200 شخص بس الفرق وحده تطل على البحر ووحده لأ

في بالشيراتون قاعه صغيره بالطابق السابع جنه انا حاظره ملجه فيها من زمان

فتدق هولندي ان شرق عندهم 4 قاعات وفي وحده صغيره تنفع حق الحفلات الاصغيره

سمعت ب ساس عندهم صاله صغيره بس ما رحت وشفتها بعيني

واسعارهم كلهم على حسب البوفيه

واذا تذكرت راح اقولج

 

[mi corazon]

تسلمين حياتي ماتقصرين

بس حابه اعرف شلون اسعارهم؟؟

 

[مدام زيزو]

رد : وين أسوي حفلة الملجة؟؟؟

بهوليدي ان داون تاون كانو مسوين عرض والصاله صغيره حلوه وسعر الشخص ب7 دنانير
و صالة صباح الاحمد مالت الجمعيات التعاونية حلوة وايد وعشاهم من موفنبك والشخص ب5 اعتقد

 

[طالبة1990]

كوستا ديل سول قاعاتهم صغيرة

والمنشر روتانا قاعتهم صغيرة ورخيصة الشخص 10 او 11

النخيل بعد ب 10 الشخص وصغيرة

 

[mi corazon]

تسلمون حبيباتي ماتقصرون :***

 

[هيزار*]

ماشاءالله البنات ما قصروو
بس انتي لازم تروحين تسألين بنفسج عند عدد الاشخاص والمنيو عندهم شلون
وبتشوفين بعيونج افضل شنو يناسب

اللف مبروووك والله يوفقج وتمم عليج

 

[mi corazon]

تسلميييييييييين هيزار .. صاجه لازم اروح

 

[menan]

انا راح اسوي ملجتي بصالة اليوسفي حلوة وملمومه

 

[mi corazon]

وين صايره صالة اليوسفي؟

 

[:: Diva ::]

صالة الزبن بالروضه
صغيرونه و مرتبه

 

[Un-6be3iya]

اليوسفي واايد حلوة
: )
الي يم جمعية المهندسين

 

[mi corazon]

يسلمو انطباعيه

بروح اشوفها ان شالله