وين احصل نافوره الشكولاته .؟؟

[بطة رشيقة]

العنوان واضح من مده كنت ادور الصحن مال الفوندو اللى تحته شمعه عيزت كل من يقول قاطعينه بكل مكان عاد قلت مالى الا النافوره تهقووون وين احصلها خواتى بليز فيدوونى لانى ابيها ضرورى .... وبحط لكم صورتها عشان تعرفونها ...





وين تنباع ؟؟؟؟؟؟؟؟

 

[فرح العجرف]

الله العالم وما خاب ظني عند مبروك اللي بجانب سنتروينت اللي بالري

 

[بطة رشيقة]

مشكوووره وايد

 

[GAP^^الكبيرة]

موجوده بمركز سلطان شرق توني قبل يومين شايفتها

 

[فرح العجرف]

بطوطه تلقينهااا بجرايد الوسيط حاطينهاااا


دايم اشوفهم عارضينهاااا


والعفووو حبوبه

 

[بطة رشيقة]

ثانكيوووو

 

[fatoooma]

في سنتر بوينت شريتها قبل فتره

 

[الرهيييفه]

وهم أنا شفتها في سنتر بوينت

 

[cadbury]

النافوره انا شيفتها بتروفاليو و نفس ماركة الصورة الي حاطتها
و بعد في A to Z بس شوي غاليه
اما الفوندو انا شاريه من A to Z حدهم حلوين

 

[وافية*]

النافورة توني شايفتها بتروفاليو ب12 دينار وعندهم الفوندو بعد
وانا طالبتها من محل دولتشي كيك ب10 دنانير ووصلياها للبيت بس السنة اللي طافت شاريتها

 

[دار الشيخه]

انا شايفتها بسنتربوينت بس فى حريم ايأجرونها مع اغراضها حق المناسبات اسهل

 

[***Silver Rain***]

النافوره موجوده عند محل الحلويات (امير الامراء)اللي بحولي ب10 دنانير ويوصلها لج لي البيت بعد هذا رقمه (2637777)

 

[عبق البنفسج]

بكل الجرايد الاعلانية تلقينها ويوصلولج اياها للبيت

 

[أغلى حبيبه]

في بيوريكا ويعطونج ككاو معاها

 

[شرطيه حلوه]

يوريكا اللي بالسالميه