وين اروح ؟ :(

[ام متلق]

السسلآم عليكككم


اليوم طلعت نتيجتي والحمدلله جبت 83.6%
وكنت حاطه ابآآلي ادخل ريآض اطفآل بس قآلوآ لي انهآ تسكرت بكليه التربيه الاسآآسيه
فـ ابي اعرف في امل تفتح ؟ ولا لا ؟
ويقبلوني ريآض اطفآآل بالجآمعه بنسبتي ؟ لاني سمعت عليهآ ضغط
وووو هم بعد حاطه ابآلي كليه العلوم الاجتماعيه وشلون دراستها وتقبلني ولا لا ؟


وأبي رآآيككم بهالكليتين وتنحصوني بكليات
يمكن انا ماعرفها تقبلني واتمنى تجآوبووني على كل اسئلتي :eh_s(22):

 

[يازمان العجايب]

النسب 75 لكل تخصصات التربية الاساسيه
افضل شي أخذي ظرف شوفي النسب او دشي لموقع التطبيقي

 

[قدساوية 99]

حبيبتي تقبلج كلية التربية بجامعة الكويت اهي تقبل من 82 قدمي على الجامعة وموفقة التسجيل 7/7 على النت بموقع الجامعة

 

[~ طـــواري ليل ~]

الف مبروووووك النسبه الحلوة


جآمعة الكويت ريآض الآطفآل بالتربيه صح عليه ضغط ، ورفيجتي بتخصص وتقول شكثر اللي بالدفعه اللي طآفت دشو هآلتخصص ، << شكلهم بيسوون اكتفآء ، الله يعلم .

عندج كلية الشريعه ، من نآحيتي انا علوم ونويت احول لهآ ، مجآلآت العمل فيهآ بعد التخرج وآسعه ، تقدرين مدرسة بالتربيه ، او ب دآر القرآن ، وسمعت هم تقدرين اذا تخصصتي اصول فقه تبطلين لج مكتب محاماة

والدرآسة فيهآ حلوه ، تتعلمين امور دينج ، شيء يفيدج بدنيتج حيل

والله حلوه الشريعه وتأخذين رآحتج فيهآ




والعلوم الاجتماعية والله مَ اعرف ، مَ يقصرون معآج البنآت
ان شآء الله يفيدونج

 

[أبله أريج]

قدمي تربية جامعة الكويت وراح يقبلونج عقب لما تدرسين سنه بالكلية تقدمين رغبات تخصص ويخصصونج اللي تبينه

 

[عادت ذكرياتي]

ماشاء الله على فكرة نسبتج حلوة حيل وتقبلج بمجالات وايد ^_^


الآداب حلوة عندج تخصص تاريخ //// لغة عربية /// لغة انجليزية ....إلخ


علوم اجتماعية ((( علم نفس ممكن تتوظفين دكتورة نفسية بالطب النفسي /// علم اجتماع /// علوم سياسية ...إلخ))


الشريعة ((( همن حلوة وربع دكاترتها تقريبا هم نفس دكاترة الحقوق )) ... تتوظفين في بنوك ووزارة العدل وممكن مدرسة ..إلأخ


علوم إدارية (( محاسبة ومن هالقبيل ))) همن هالكلية حلوة ولها مستقبل


التربية بعد حلوة (( أول سنة ماكو تخصص بعد ما تعدين النسة الاولى تتخصصين ))))


بس تبين رايي رياض الاطفال تعب ولوية وعوار راس وصرف عاليهال ^_^


مووووووووووووووووووووووووووووووفقة


وأي استفسار عالخاص أرد عليج لأني ما أرجع للمواضيع غالبا

 

[بنوتة كول]

مبروك النسبة
من ناحيتي أقولج قدمي على التربية أو الشريعةلأن هالكليتيين مجالاتهم بالوظيفة واسعة
أما الاجتماعية أحس شوي مجال التوظيف محدود و أغلب البنات حولوا تربية يقولون الاجتماعية سهلة و حلوة بس مالها مستقبل مثل التربية
صلي استخارة و فكري قبل لا تتخذين أي قرار
أنا بالتربية و إلحمدلله ماشية بس يمكن الشريعة أحسن بالتوظيف يعني عندج مجالات أوسع من التربية
يعني التربية تصيرين مدرسة و بس أما الشريعة أي مكان يقبلج صج دراسة الشريعة نوعا ما صعبة بس عالأقل ترتاحين بإجرر بالتوظيف
مثل ما قلت لج استخيري و فكري و الله يكتبلج اللي فيه الخير يا رب

 

[اسيل الصمت]

للـــررفع ,,

مووووفقـــه

 

[ريومه ..!!]

البنات كفوو ووفوو

بس أهم شي إختاري التخصص اللي تحبينه واللي عاجبج
لاتروحين لرغبات أهلج ولا كلام الناس

وبالتوفيق

 

[أم الغزلان]

تمنياتي لك بالتوفيق..

 

[اخت خالتهم]

حبيبتي انا اجتماعيـة
واقولج دشي حسب ميولج
يعني ودج تكونين مدرسة ؟ دشي تربية
ما ودج تعب و كراف
صيري اخصائية نفسية
تبين منصب و شغل دشي شريعة

 

[Ray.Bana =$]

الكليتين يقبلوونج :*





انا بعلوم اجتماعيه عندج تخصص الجغرافيا اهوا اللي اضمن لج انج تقدرين تصيرين ابله الباجي ماتوقع يصير



التخصص حلوو انا لو كنت بصير ابلة جان خذيته بس ماحب التدريس =S



لو تقارنين بين المواد اللي تاخذينهم بكلية التربية والمواد اللي تاخذينهم بتخصص الجغرافيا بعلوم اجتماعيه ترا احنا اقل التربية موادهم وايد بس تخصص الجغرافيا اتوقع ان مايصير غير مدرسة ثانوي ماتقدرين تختارين المرحله مثل التربية



عندج الآداب بعد يصير ابلة بتخصص ( الفلسفه - انقلش - تاريخ )



انا بقولج رايي عن تخصص رياض اطفال ترا مو شي اعرف اكثر من وحده ابلة رياض اطفال متأذين معاشهم كله طاير على اللوحات والهدايا وبالأخير المديرة ماتقدرهم ولاتعطيهم امتيازات



اخذي تخصص ترتاحين فيه وانتي فكري واستخيري واقري اكثر عن التخصصات اللي بالجامعه وسألي لاتختارين الا لما تكونين صج مقتنعه ..انا الحين داشه الجامعه مادري شنو ابي لأني من الثانوي ماكنت مقرره شنو ابي يكون مستقبلي .. كله اهلي يقولون خلصي بعدين فكري والحين اشوف اكثر البنات الناجحات اهما اللي كانوا عارفين شنو يبون من الثانويه حتى اذكر وحده من رفيجاتي بالثانوي داشه علمي انا انصدمت منها مو مال دراسه قلتلها ليش دشيتي صعب قالت باجر الجامعه اي تخصص ابيه يقبلوني حتى لو تخصص ادبي بس انتوا اختياراتكم شوي ! كنت اضحك عليها الحين انا اللي كليتها =’)

انا اكثر وحده فكرت بالتحويل فكرت احول حق الحقوق وفكرت بالآداب وفكرت بالتربية حتى مايازلي فكرت اروح تربية اساسية ويا على بالي التطبيقي اتصالات وملاحه و التجاري :krkrkr:بس الكلية اللي لزقت براسي علوم ادارية :eh_s(4):


وبعطيج مثال ثاني اعرف وحده تدرس بكلية البنات عاد هالكليه معروف ان مالها مستقبل بس اهيا الحين 3 سنه توها تدري ان هالكلية خريجينها مالهم مسمى بالديوان ومالهم وظايف عاد قالت بتحول انا الحمدلله استوعبت وانا توني اول سنه وقررت احول علوم ادارية مستقبلهم اقوى وايد من كليتي

 

[^ MiSS MoOoka ^]

الف مبروگگ حبيبتي ع آلنسسبه ،

نصيحتي وش لــج بريآض آلآطفآل صدآع رآس وهم وغـــم وغثآ :/

والله نسسبتج حلوه لاتظلممين نفسسج ،

لــو اني منــج آروح علوم آدآريه آخوي حيييل يمدحها وانهآ سسهله لو نسبتي تجيبهآ رحت بدون مآآحتــــآر //

بس آكيد لا تسجلين آلآ بكليه آنتي مقتنعه فيهآ وآنج ان ششآء الله تمشين فيهآ والله يوفقــج حبيبتي ،

 

[غلاى الغويليه]

مشكورين ماقصررتوا والله يبارك فيكم

.. بس انا مقتنعه برياض الاطفال هذا اللي ابيه وميولي له
والشريعه كنت حاطتها ابالي بس اغلبهم قالوا صعبه ومساند عربي وانا يالله يالله بالعربي
ا
نا توني ادري عن هالمعلومه اني اول سنه ماراح اتخصص ..
يعني قصدكم اني اسجل بالتربيه بجامعه الكويت وثاني سنه اتخصص رياض اطفال ؟ اذا جذي اوكي ماعندي مشكله المهم اني ادخل رياض اطفال بس شاللي يضمن لي انهم بيدخلوني رياض اطفال ؟ اخاف ادرس سنه كامله واخر شي ييقولون لي مافي رياض اطفال واتووهق

والعلوم الاداريه هذي شنو ؟ شنو مستقبلها الوظيفي ؟

اسفه ثقلت عليكم بالاسئله بس ماعندي احد كبير فـ استحملوووني شوي

والله يعطيكم العافيه

 

[غلاى الغويليه]

اسفه نسيت اقول ان هذا نك نيم اختي

 

[حنطاويه عسل]

حبيبتي روحي رياض اطفال الي بالجامعه

لان الي بالتربيه الاساسيه حييييييييل ضغط علييييه عكس الجامعه

 

[أحلى البشر]

نسبتج ادخلج الجامعه وتتخصصين بعد سنه

وشلج بازعاج اليهال

 

[مس روبنز]

آنا أدرس بكلية الشريعه وماهي صعبه للي يشد حيله ويدرس

وما عندنا مساند عربي واي استفسار عن الكليه إحنا حاضرين

بالتجمع http://www.q8yat.com/t131775.html​

 

[مهندسة الابيات]

مبرووووووك
حياااتي والله البنات ما قصروووووا

 

[قَلبيْ صُويبكْ !]

,





الشريعه مو مساندها عربي ؟

وين سمعتي هالمعلومه الغريبه

أنا أقول أستخيري والأفضل تختارين إللي تميلين له وحابته : )