وين اسكن تكفون دلوني ياكويتيات

[نوره احمد]

احنا بننزل للكويت صيف2009 وبنجلس فيها مدة خمس سنوات قدام ومحتارين وين نستأجر بيت لنا فيه لان زوجي يقول مايهم قريب او بعيد من عمله بالشركة بس اهم شي الحي المناسب ويكون فيه مدارس حكومية زينة لأولادنا وبناتنا ... والله من كثر مانسمع عن الكويت واهلها انهم اهل خير وشهامه احترنا وين نسكن بس تكفون دلونا على الاحياء المناسبة ؟؟؟؟؟؟
وياليت تحطون لي ارقام مكاتب عقار نشيطة وزينة عشان نوصيهم يدورون لنا؟؟؟؟؟ والله يوفق الجميع

 

[بين نارين]

اهلا فيكم بديرتكم الثانيه والكويت كلها ببيتكم لا تحاتين حبيبتي انا بحاول اشوفلج مكاتب او بيوت تكون زينه وهذا ايميلي
[email protected]

 

[بين نارين]

اهلا فيكم بديرتكم الثانيه والكويت كلها ببيتكم لا تحاتين حبيبتي انا بحاول اشوفلج مكاتب او بيوت تكون زينه وهذا ايميلي
[email protected]

 

[نوره احمد]

شكرا حبيبتي بين نارين اشكرك على ترحيبك لنا وهذا من اصلك الطيب ... اذا عندك عروض ايجارات او مكاتب عقاريه ياليت تراسليني .. بس معليش بثقل عليك ياليت تدورين لنا دور ارضي وسرداب ويكون فيه من 4 الى 5 غرف و4 حمامات اقل شي وشكرا لك.. لتفاعلك معي تحياتي لك..ايميلي[email protected]

 

[أم مشموش]

الله يحييكم بديرتكم الثانيه الكويت وانشالله ترتاحون وماتحسون بغربه والكويت ترا ديرتكم الثانيه واهلها اهلكم وحياكم الله بس نصيحه اختي اذا بتاجرين بيت او دور اجري بمناطق داخليه وحياكم الله

 

[ذبحني صمتي]

ياااحيااكم اللة ....وتنور الكويت فيكم....ولاتحااتون المناااطق كلهااا زينة والحمدالله.....مالكم الا المكااتب العقاارية....

 

[فراشة الضياء]

شوفي هالموقع كثير حلو.وتنزل معلومات عن العقار في الكويت ساعه بساعه...موفقه اختي

http://www.welaj.com/

 

[chanel N22]

حياكم الله بالكويت

 

[catloverq8]

قاعدة أبني و خلال كم شهر بحيل الله أخلص بيتي و عندي شقق للإيجار ،،، لكن مجكنمة ،، لعايلة صغيرة ،،، 3غرف + خادمة و إلخ ،،
كنت أتمنى تكونين عندي بس المكان أصغر من طلبج ،، ربي يوف و تلقين اللي تبين

 

[~باقة ورد~]

إختي نوره على حسب ريلج وين يشتغل ولا يقول ما يهم ترى الكويت كل يوم تزيد زحمتها يعني كل ما كان السكن قريب من شغله يكون أفضل وأريح له وعلى حسب طبايعكم إنتوا تحبون الجيران تتعرفون عليهم أو لأ لأن عندنا بالمناطق الداخليه الناس تقريبا مالها شغل ابعض ومايعرفون بعض حيل يعني مو داشين على بعض حيل بس بالمناطق الثانية الناس تعرف جيرانها وكل من يعرف الثاني ويعني على حسب طبعا الناس تغيرت بس للحين في ناس أول اللي يحبون الزيارات بين بعضهم البعض وجاي الضحى وغيره فإنتي على هالأساس لازم تختارين لأن الجنه من غير ناس ترى ما تنداس وإنتي أكيد لازم إدورين راحتج وين وعلى هالأساس تقررون والله يوفجكم وعلى فكره الإيجارات داخل الديرة شوي مرتفعه وبالمناطق الثانية أقل وفرق كبير بينهم الله يرزقكم بالأصلح لكم إنتي قرري وبلغيني وآنا حاضرتلج يالطيبة أدورلج بالمنطقه اللي تختارينها حاضرين للطيبين

 

[بمبة المفترسة]

وين يشتغل زوجك بأي منطقة
وكل مناطق الكويت حلووووة
والمناطق الداخلية غالية خاصة تبين سرداب ؟؟؟

 

[sara al3soola]

اهلا فيج حبيبتي بديرتج الكويت و كل مناطقنا حلوه بس اختارو يم شغل زوجج احسن اكيد

 

[نوره احمد]

اشكركم من اعماق قلبي على تفاعلكم معي وارشاداتكم الطيبه وخاصة الاخوات الي ردو علي بالاقترحات الزينة وباذات الاخت الي دلتني على الموقع ... عمل زوجي راح يكون في جامعة الكويت بس كل من استشرنا يقول ان الفيحاء والشاميه وكيفان احسن شي بس يمكن غالية ... والسرداب مو مهم بس افضل يكون فيها لو صغير بس اهم شي : انه يكون دور ارضي وفيه 4 او 5 غرف و4 حمامات الله يعزكم وغرفة خادمة اوملحق خارجي وشكرا لكم