وين اسوي علاج طبيعي حق ولدي

[السيده ام عبيد]

يعطيكم العافيه خواتي شلونكم
انا سويت حق ولدي عمليه وفتحتله الجبس والحين محتاج علاج طبيعي على طول علشان ريله ماترجع مثل قبل والصراحه وين مارحت وطلعت لهم الهويه قالولي ماعليها خصم والعلاج الطبيعي يوميا ومكلف وخصوصا انه ليلحين ماصرفوله المعاش--والحكومه كلش مايجابلونه لما يبجي ويعاند بنات بعرف الهويه باي مستشفى خاص تمشي؟؟انا سمعت انه فيها خصم 20%عالعلاج الطبيعي بس ما ادري بأي مستشفى؟ اللي تعرف تفيدني يزاها الله خير

 

[الصابرة المحتسبة]

هلا بالسيدة

الحمدلله على سلامتكم

وعن الخصومات ماعندي فكره بس ان شاء الله أبحث لج.

 

[الصابرة المحتسبة]

تفضلي هذا اللي لقيته

خصم 50% للمعاق + مرافق واحد على تذاكر الخطوط الجوية الكويتية

- خصم لغاية 50% من شركة نظارات سعاد للمعاقين وأسرهم الكائن في ( مجمع المثنى ، مجمع الحمرا مول - الفروانية ، مجمع المنار - الجهراء .


- خصم شركة زين للاتصالات المتنقلة للمعاقين فوق 18 سنة .


- خصم 50% للمعاق + مرافق واحد على تذاكر المركز العلمي .


- الدخول مجانا لمرافق المشروعات السياحية .


- مكاتب خاصة في وزارات الدولة لتسهيل المعاملات للمعاقين .



- خصم من مستشفى الراشد على ما يلي :

1 - 50% خصم على الكشف في العيادات الخارجية .

2 - 10% خصم على حالات الدخول .



- خصم من مجموعة شركات الساير على فئة ( vip ) للمعاقين لسيارات تيوتا ولكزس .



- خصم من مستشفى دار الشفا على ما يلي :

1 - خصومات بنسبة 20% على كافة التحاليل الطبية باستثناء تحاليل خاصة يتم ارسالها الى الخارج .

2 - خصومات بنسبة 15% على خدمات الأشعة والسونار بقسم الأشعة .

3 - فتح الملف مجاناً .

4 - مراجعة قسم التغذية لأول مرة مجاناً .

5 - خصومات بنسبة 10% على سونار القلب .

6 - خصومات بنسبة 10% على جلسات العلاج الطبيعي

 

[السيده ام عبيد]

يعطيييييييييج الف عافيه يالصابره مشكوره حبيبتي وماقصرتي بجرب اروح دار الشفا وجزاج الله الف خير ياعمري

 

[الصابرة المحتسبة]

يعافيج ربي ويسلمج يالغالية

 

[الصابرة المحتسبة]

طمنيني يقلبي