وين تروحون بزيوووورخ و باريس ؟

[Chocolate Milk]

قووووووووة

شلونكم ؟


بنات وين تروحون اماكن غير التسوق حلوه تزوررونهم بزيورخ و باريس ؟

وشنو في اسوااقه حلوه بهالمكاانين ؟

ناطرتكم :eh_s(15):

 

[فلوه]

باريس كل شي فيها حلو أهم شي السكن!! طبعاً أهم شارع حيوي في باريس الشانزيليزيه .. علي إمتداده وتفرعاته أوتيلات بمختلف الدرجات وقهاوي ومطاعم ومحلات روعه وثلاث سينمات , شارع الماركات إمتداد ش جورج سانك تروحينله من خلف قهوة الفوكيت تخلين جورج سانك هوتيل يمينك وتروحين علي طول يلف الشارع يسار تلقين مالذ وطاب من الماركات :eh_s(1):
محل سيفورا عطور ومكياج بوسط الشانز عند أوتيل ماريوت بالضبط وأرشحلك هذا الأوتيل مررره حلو بس أنتبهي إذا حجزتي لاتاخذي غرفه ستاندر لأنها صعمبوطه !
أشهر مول جاليري لافييت قريب من الأوبرا وبعده برنتان حلو ,, سانت جيرمان شارع حلو , المنطقه المحيطه بالريتز هوتيل مرره حلوه , شارع فوش قريب من السفاره الأمريكيه كله محلات , فيه شارع طويل عريض قريب من قوس النصر والشانز نهايته لافييت وإيتوال هوتل .,, فيه مول كبييير كله عطورات ومكياج أسمه بو مارشيييه ومنطقته روووعه كلها محلات رايقه .
كثييييير أشياء حلوه في باريس إذا عزمتي عطيتيك زياده بس أرسليلي بالخاص أخاف ما أرجع للموضوع :eh_s(22):

 

[Chocolate Milk]

احنا معزمين انشالله وناطرتج

و زيوورخ ؟

 

[dalprincess]

فلوه ماقرصت قالت كل الي كنت بقولج ياه ,,, وزيورخ مازرتها والله بس باريس

 

[noty]

باريس اتينن كلشي فيها حلوو

طبعا السوق العوود اللي فيه غاليري لافييت و امتداده كله محلات

و عند الاوتلت اللي قبل يورو دزني ,, فيه اوتلت و مجمع كبير


و زيورخ حبييييييييتها هالمنطقه وفي السنتر .. حلوو اونس كان شوي بعيد عن الفندق انروحله بالمترو

قة فيها مجمع حلوو بس مادري شسمه

انروحله بالموترو ,, شوفي اخذي الخريطة و سالي الرسبشن او اي احد

الشعب هناك حددده متعاونيين ,, كنا نتمشى مع الخريطه و اذا ضيعنا سالي اي احد على طول اعلمونج

و شنو بعد اي الجو بارد عندهم واايد .. و في عرب ( المغرب العربي و عراقيين ) صادفت واايد


و تقدرين اتروحين حق مناطق ثانيه ( مونترو و لوزان و هالسوالف اذا قريبه منها ) ,, اذكر في بالرسبشن مثل كتيب فيه الرحلات السياحيه اودونج و انظمون الرحلات مع قروب

و اللي اذكرهم ( هايدي لاند ,, مصنع الكاكاو .. و التلفريك )

 

[فلوه]

حبيبتي نسيت أعلمك عن أبو كير = سوق اليهود السوق روووعه بس مشكلته البيع بالجمله وتحصلين كم محل يبيعونلك بالقطعه.
طبعاً ضروري تمرين علي برج إيفل والحدايق حوالينه وإذا تحبين الآثار والفنون عندك متحف اللوفر عجييييب.
طبعاً لاتنسي البوتيكات بالشانز والشوارع الجانبيه وتلقين آآآخر الشانز علي يسارك قهوه لي مدريغال حلوووه ورايقه وعندها بتحصلين مول صغييييير فيه كم محل إكسسوار وملابس حلووو .
مطعم بودابار لاااااازم تروحيه عشا وعندك مطعم إيراني خطير بأول الشانز تخلين قوس النصر بظهرك وتلفين من عند السينما علي يسارك تمشين شوي تلقينه علي اليمين .
مطعم العجمي بشارع دي شارون , مطعم نوره مقابل جورج سانك, بيتزابينو آآخر الشانز علي يمينك وقبله أنتركوت عنده ستيك بسسس .
أممم وش بعد ؟ شوفي وش تبين بالضبط وأنا موجوده وبالنسبه لزيورخ مع الأسف ماقد رحتلها إلا ترانزيت بس مررره يمدحونها

 

[مُــنية]

زيورخ حلوة بس احسها حق كابلز

و غاليه وايد

 

[نانو الشيطانه]

بنات ابي اعرف شكثر تكلفني السفره
مو السكن و تذاكر الطياره


قصدي ديزني لاند و استيديو
اللوفر ايفل
الاكل و الشرب و المواصلات

 

[Queen-q8]

البنات ما قصروا قالوا كل شي عن باريس
شارع السانت جيرمان في لافاييت الكبير واتش اند ام وسي اند كي زارا ومجمع بغنتام

وهمن عندج الاوت لت اللي قبل محطة اليورودزني

ومجمع جنه سوبر ماركت نسيت اسمه توه على طرف لساني موجو بالشانز عنده مكياج يونس وهمن شوية ملابس ويمه مجمع صغير فيه محل بدل ماركات اطفال بس اسعاره غالية شوي ويمهم سيفورا


بالنسبة لزيورخ يونس الشارع مالهم يعتبر اشهر شار ع تسوق بأوروبا واكثر شي في ماركاتهم

اسمع بانهوف ستراسا واهو جبال محطة القطارات طويل ويشابه شارع اكسفورد من كثر المجمعات بس اهو مايل ويمر فيه الترام واغلبهم اكثر من طابق منهم جلوبس مجمع حلو وهمن كذا واحد ما يكفي يوم واحد لفرارته
وهمن يالشوراع الفرعية تلاقينه مجمعات اصغر اتش اند ام وسي اند كي وكذا مجمع

يونس هالشارع بس كله امره متأخر واعتقد يغني عن اي سوووق ثاني ويمه قريب على الجسر كوووب ومانور مجمعات سويسرية معروفة تونس ملابسهم نفس اللي بجنيف

وان شاء الله تستانسين فيها حلو زيورخ ييتلها مرتين بس كله ابو يومين 3 ايام

 

[اميرة الغيد]

انا اذكر برحلتي لباريس الصيف اللي طاف يورو دزني التذكرة طلعت ب53 يورو واللوفر على ما اذكر 9 يورو ،بس يورو دزني مقسمه 3 اقسام قسم تدخلين ببلاش فيه المطاعم والمحلات وقسم studio وقسم دزني لاند سعر التذكره اللي قلت لج حق دزني لاند ، وعلى فكره السعر يفرق حسب الايام وعدد الاشخاص يعني عندهم كم نوع تذكره حق دزني لاند.
ايفل تروحين له ببلاش لانه مكان مفتوح بس اذا بتصعدين البرج عليه تذاكر ما ادري كم احنا من الزحمه اللي على البرج ماصعدنا بس تمشينا يمه اهو يمه حدايق وركبنا المركب بالنهر حلو بعد ، الاكل والشرب في باريس غالي جدا جدا جدا المطاعم غاليه حيل والماي اغلى واغلى نصيحه اخويه اخذي ماجله معاج طيعيني وقولي ماقلت لج ، على الاقل تخلين الفلوس للوناسه والسوق مو للمطاعم .