وين تطلعون مع ريايلكم بالعيد؟؟؟؟

[LOVE CHANEL]

السلام,,,,
بنات وين تطلعون مع ازواجكم بالعيد احس ملل وكل مكان زحمه يعني فيدونا تحجزون مطاعم تبع فنادق ولا مولات ؟؟؟؟؟

 

[حرم_طيار]

رد : وين تطلعون مع ريايلكم بالعيد؟؟؟؟

نتعشى بفندق وبالعادة بيكوك الصيني اللي بساس

وانروح السينما

 

[LOVE CHANEL]

رد: رد : وين تطلعون مع ريايلكم بالعيد؟؟؟؟

نتعشى بفندق وبالعادة بيكوك الصيني اللي بساس

وانروح السينما

بس لازم حجز مسبق عدل؟

 

[miss-winter]

وايد مطاعم روعه وحلوه بس اكيد حجز قبلها والحين يبدء الحجز بس ماكو مكان الواحد يروحله استغفرالله ملل بملل

 

[BiiShOoO]

مطعم و سينما

 

[iLLuMinaTion]

مطعم و سينما

سينما مطعم

 

[حرم_طيار]

رد : رد: رد : وين تطلعون مع ريايلكم بالعيد؟؟؟؟

بس لازم حجز مسبق عدل؟

اي بالعادة نحجز قبلها
واذا بنتعشى بمطعم مثل:
-برج حمود
-برج النصار
-بمدورو
الخ الخ انروح نتعشا امبجر

 

[a7la MUM]

رد: رد : رد: رد : وين تطلعون مع ريايلكم بالعيد؟؟؟؟

سينماااااااااا
مطعم
مسرحيه
سفرة بأذن الله

 

[Om_Ksha]

رد: رد : رد: رد : وين تطلعون مع ريايلكم بالعيد؟؟؟؟

اول عيد لي معاه مادري شلون بكون الوضع !

 

[أم لطووف]

رد: رد : رد: رد : وين تطلعون مع ريايلكم بالعيد؟؟؟؟

يوديني أحلا مكان نتعشى فيه ........((البيت))
ليش......يقولج كل مكان زحمة وين بتروحين وهو يكره شي إسمه زحمه..
اللهم رابع يوم نروح نصور ونرجع البيت بسسسسسسسسسس..

خوش طلعه صح..شفتي أمينه بزوارة خميس لما تقول مالت على حظي ههههههههههههه هذي أنا..

 

[اشتياق]

قبل فدريكرز وسينما ونتمشى بشرق والا الافنيوز
شيلز وطقة هالمطاعم اللي عالبحر
وماظنتي هالعيد بيطلعنا لانه تغير مادري ليش صاير مايحب يطلعنا :eh_s(2):

 

[Sweetq8]

مثل اغلب البنات مطعم سينما وان شالله سفره ننحاش من الناس والزحمه ابرك لاحقين ع المطاعم والسينمات هههه*

 

[أحـلام * ورديـة]

السنه اللي طافت ما رحت مكان

بس اللي قبلها وداني مسريحه طارق العلي

ووداني سينما ولازم نروح مطاعم

بس احساسي يقول هالسنه راح نعيد بالبيت

وشكرا

 

[miss_jamsheer]

وااااي قلبتي المواجع قمت اكره العيد بهالسبه ريلي مايرضى يقول مصخره وزحمه وقلت ادب عاد توني بس شفت الموضوع اقوله بليز خل نحجز سينما او مسرحيه

 

[kwtya style]

رد : رد: وين تطلعون مع ريايلكم بالعيد؟؟؟؟

بالعيد الغدا عند اهله والعشا عند أهلي ومرات أهوا مايتعشى عند اهلي يسلم ويطلع يروح يبارك بالدواوين مانطلع بالعيد أنا اصلا ماارضى لان الوضع موشي زحممممممه والبنات تحرش عيني عينك

 

[فاقده حنان ابوه]

مطعم وسينما ونروح مصور نصور ونرد بس

........

 

[LOVE CHANEL]

الصراحه عيد الفطر حلو وله طعم بس استغفر الله الي يضيق الخلق عيد الاضحى اهو الي الصراحه مال نحشه سفره بره

 

[Daleela]

نروح مطعم كل سنة بسس هالمره انشالله بنروح الشاليه :eh_s(15):

 

[خليفة العظماء]

اي مكان راضيه المهم اطلع لووجمعيه بس ابيه يطلعني ههههههه

 

[سمسومه]

:yaaaaaarb:


يارب يحس فيني و يطلعني حتى لو البقاله راضيه بس ربي كريم بيعطيني شي أحسن قولو آميييييييين

و أنتو بعد الله يريح بالكم و يحنن قلبهم علينا يارب