وين تقرون ؟

[*أم*خالد*]

السلام عليكم

شلونكم خواتي

وين مكانكم المفضل للقراءة ؟

وتعرفون كافيه هادي بالديره وكراسيه مريحة حدها للقراءة
جربت ستاربكس بمشرف والمرينا والكنيسه ماعجبوني مزعجين

رحت الواجهة اللي يم مطعم البطريق المكان حلو وهادي بس الكرسي فااشل ما قمت منه الا واحس خدور بظهري

جني شفت ابرنامج بنات وبس كافيه مسويته وحده كويتيه حق القراءة .. حتى الديكور فيه مكتبات كتب
تعرفون وين صاير بليز لو تدزون لي العنوان او رقم التلفون بالخاص :eh_s(22):

 

[مطيريه ماركه]

هلآ آختي شخصيآً مآ آقرآ برّآ آلبيت آللهُم في آلدوآم

آذكر فيه سيدة آعمآل قآلت آنهآ سوّت آو بِـ آلآحرى بِـ تسوي كآفيه لِـ محبي آلقرآءة

وبِـ تحرص آنّه يُنآسب آلمحجبآت

وكَـ آنّ نكهآ book club !

هذآ كل آللي آعرفه

 

[راعية الطويلة]

اقرا بصالة المعيشة

و بالليل بداري

و تبين كافيه للقراءة

بالمنطقة الحرة ورى المينا

كل طالبات الجامعة يذاكرون هناكــ

 

[مطيريه ماركه]

^^

عز آلله مآذآكروآ مآلقوآ آلآ آلمنطقة آلحرة

هههههههههههههههههههههههههههههه

ذآبحتهم آلدرآسة
:krkrkr:

 

[Tutti-Frutti]

مـاقـرا الا بـداري
او بـالـصـالـه بـزاويـه بـعـيـده عـن الازعـاج :d
اصـلا احـسـن لـج تـقـريـن بـالـبـيـت
تـنـشـكـحـيـن وتـنـبـطـحـيـن وتـسـويـن الـلـي تـبـيـنـه بـراحـتـج لـوول

 

[ReRez]

احلى شي تقرين بدااااارج وبس حتى الصاله ماحب اقرى فيها

القرايه بالدار بالليل شي خيااال يطلع الصبح وانتي مو حاسه بنفسج ^_^

 

[سويت غيرل]

حبيبتي .. أنا افضل مكان عندي للقراءة بداري قبل النوم أو بالصالة و بروحي لا زوجي و لا بنتي هدوووووووووء و اندماج أقعد على الكرسي الهزاز و مع الاضاءة الخفيفة هذا أحلى جو

 

[رنين]

الكافيه الي سألتي عنها اذا قصدج (بوك كافيه) موجوده بمجمع امنية بالسالمية فيها حتى مجموعه كتب تقرينو انتي قاعده و في مكان يلعبون فيه اليهال و يقرون بس صغيره حاولت اقعد اقرى ما قدرت استمتع مو مثل البيت و القعده الي على راحتي....

و كانت تقول بتفتح نفس الكافيه بنفس المجمع تحت بس اكبر لأن الي فوق صغيره حيل.


و في عندج قهوة بالمارينا ويفز يتراوالي وايد مريحه حق الي بتقعد تقرا على راحتها المكان حيل شرح و القعده وايد مريحة و جبالج البحر محد يشوش عليج



اما عن نفسي مثل ما قلتلج ماااااااااااا اعرف اقرا الا بمكاني ازهب لي جو خاص بوقت مايكون في وراي شي يشغل بالي...و مفيش احلى من كده

 

[عهود الحب]

اقرا بالصالة وبغرفتي عالسرير وبالسيارة وانا انطر عيالي واثناء الووقوف بالاشارة الحمرا
و ببيت اهلي بالزوارة وبكل مكاااااااااااان اللهم الا الحمام عزكم الله
حتى بالمطبخ كتابي معاي
مجنونة كتب
بس احلى من القراءة بالسرير على ضوء الشموع ومسكرة غرفتي علي
جو شاعري عجيب

 

[LA TROO7]

احب اقرأ اذا كان البيت فاضي

واحيان اخذ وياي للدوام خاصه اذا كنت اقرأ روايه

 

[البسمة العذبة]

السلام عليكم

شلونكم خواتي

وين مكانكم المفضل للقراءة ؟

وتعرفون كافيه هادي بالديره وكراسيه مريحة حدها للقراءة
جربت ستاربكس بمشرف والمرينا والكنيسه ماعجبوني مزعجين

رحت الواجهة اللي يم مطعم البطريق المكان حلو وهادي بس الكرسي فااشل ما قمت منه الا واحس خدور بظهري

جني شفت ابرنامج بنات وبس كافيه مسويته وحده كويتيه حق القراءة .. حتى الديكور فيه مكتبات كتب
تعرفون وين صاير بليز لو تدزون لي العنوان او رقم التلفون بالخاص :eh_s(22):

شنو قصدج بالكنيسة ؟؟؟؟

 

[baby soul]

اقرأ بغرفتي دايماً وبالسيارة طبعاً امي اللي تسوق مو انا وحلو وقت الطريج كله قرايه متعة

 

[الجوهرة بن تركي]

ما حبيت اطلع بدون ما ارد عليكي

بس القراءة بالبيت مرة حلوة واروق وفيها تركيز اكثر :stars:

 

[نيــلــوفــر]

بالبيت

و ستاربكس او كاريبو اللي موجودين بمجمع بيتك يم سوق المباركية وايد حلو و هااااااااااادي مافيه احد

 

[أم روعة]

مكاني المفضل للقراءة سريري وخاصة بالليل قبل النوم ... القراءة بالكافيهات مادري شلون ما اندمج بالكتاب ممكن اقرا بالطيارة او بالسيارة اذا ناطره احد
سوري ما قدر افيدج مو من محبين القراءة بالكافيه

 

[vogue grl]

انا احب اقرا بلبيت قبل ما انام

 

[كويتية بنفسجية]

مكاني المفضل بغرفة النوم :ggdw: .. هدوووووء على الآخر

و مرات أقرأ و أنا بالدوام إذا ما عندي شغل أحسن من السوالف و الهذره الفاضية

 

[كويتية بنفسجية]

أب
أب
أب
أب
أب

 

[زهـــر]

الكافيه الي تتكلمون عنهموجود بمجمع امنيه سنتر
بس كله مصكر
ما عمري رحت و شفته فاتح

 

[bant-failaJa]

على السرير اقرا الروايات

والكتب الثانيه اكووون على الكرسي


واكثر الووقت على السرير لانى احب اقرا قبل لا اناااام فـ اتقلب ويتقلب الكتاب معاى

بس ما اطلع برا محيط غرفتي