وين تنصحونها تتوظف بالكهربا والماي ولا اداريه بمدرسه ؟؟

[أإلع ـشق دلع ـهـأإ]

السلام عليكم


بنات بنت خالتي توها تخرجت شهر 1

واهي دبلوم اداره

وابوها قال اختاري الوظيفه الي تبيها واحطج فيها لانه عنده واسطه ماشاء الله


اهي احتارت بين اداريه في مدرسه او بالكهربا والما

تقول المدرسه احلا شي فيها العطل وبسسس

لانه مابي تكون فوقي ناظره تتحكم فيني ومايقدروني


الكهربا والماي تقول غييير وظيفه زينه شغل اخف وفي بونص سنويا وراحه ومحد يتحكم فيني

عيبه العطل شويه


ساعدوها بالاختيار انا احترت معاها !!

 

[بنت الكويت العسل]

وخري عن المدارس وععع تتسلط عليج ياناظره ياوكيله وفوقها كرررررف غير سوالف قروبات المدارس شي مع الناظره وشي ضد وتعالي عاد انتي ابتلشي والاستئذان بمذله لكن الكهربا احسن بس خل تشوف اداره سنعه

 

[بنت الكويت العسل]

العطل ماتتساوى براحة البال بالشغل وترا الوزارات اغلبها مافسها شغل يعني الكل يشتغل خفيف وباقي اليوم واتس اب وقرقه الا اللس عنده مراجعين

 

[ام عفراء]

الوزارات احسن

 

[طنيانه]

لاااااا نصيحه خل توخر عن المدرسه بروحه المسمى مو شي
رفيجتي بنت عمها بالكهربا والماااي رواتب عاليه وشغل ماكووو خفيف حده
الكهربا والمااااي وتتوكل على الله احسن لها بأذن الله

 

[M!SS.LOBY]

المدرسة افضل

 

[Talyan Rose]

وخري عن التربيه من اتعس المجالات حق الحريم مادري ليش الناس ذابحينه التدريس احسن شي حق المرة

الكهربا والماي افضل لها حتى لو العطل ما تنسابها اهيا تقدر توفق بين عطل التربيه وعطلها

 

[أإلع ـشق دلع ـهـأإ]

كلكم قلتوا الكهربا والماي

انا معاكم بعد


ناااطره اراء جديده مع ذكر السبب

 

[noran89]

اهي ناطرة اراء ناس ما يعرفونها و لا يعرفون ظروفها !! اهي ادرى وحدة باللي تتمناه و تبيه و تحتاجه
خل تصلي استخارة و تخلي عنها كلام الناس

 

[Mimia89]

كهربا و ماي طبعا
المكان
المعاش
البونص
و الراحه النفسية

انا من واسطه لي واسطه علشان هالوزارة
بس الله مو كاتب
خيره و الحمدلله