وين خاشتهم

[ابلة روضة]

السلام عليكم انا مسافرة علاج حق ولدي وخدامتي معاي واكتشفت انها تبوق ا فلوسنا لانه نكون مستعيلين وينسى ريلي يقفل الجنطة انا ما اظلمها بس اهية ايدها خفيفة ومتعودة علينا صار لها عندي 7 سنوات طلعتها مع اليهال الهايد بارك مع زوجي ودورت كل مكان ساعدوني وين ادور بعد علما انها مومتعلمة وعمرها 55

 

[ياعشيري جعلك السلال]

والله ما ادري
يمكن تاخذهم معاها

 

[الحراير]

حبيبتي انا اعرف عنهم اذا باقوا الشي مايحطونه مع اغراضهم شوفي تحت الزل اذا موجود بدارها او في خبنة ملابسها انشاءالله فدتج

 

[بحر الذكريات]

الله يعينج

انا اكتشفت ان خدامتي تلبس شورت فيه مخباه تحت ملابسها وتخش فيه اللي تبي

 

[عهود الحب]

انتي بديرة غربة ؟
يمكن تعطيهم احد هناك
انا اعرف اللي عندنا بالكويت يتبادلون البوقات
عشان لما تفتشين ماتلاقين شي من اغراضج
وان قلتي من وين لكم
قالوا ماما قبل عطتنياه
حتى لو انه جديد توج تشوفينه عذرهم زاهب


وممكن يكون في مخباة سرية بالجنطة


وممكن خاشتهم ومخيطة عليهم مثل الخبانة بملابسها او بجناطها

 

[nadooya]

المال السايب يعلم السرقة . قفلوا أغراضكم وخليه دفعة بلا عن عمرج وعن عمر عيالج ولا تنبشين ولا شي خليها تولي ليما تردين الديرة بالسلامة . اذا ما تبينها سفريها بس انتي الحين بحاجتها . عطوها مصرف لها بيدها غير المعاش وتحرصي على أغراضج عدل مدل .
وكله قولي اللهم إنا نجعلك في نحورهم ونعوذ بك من شرورهم .

 

[مخروووشة]

الله يكافينا شر هالخدم اذبحونا

 

[ابلة روضة]

مشكورين وايد وايد علي الرد وعطيتوني افكار حلوة وهونتوا علي جزاكم الله خير

 

[لا للخدم]

انتي بغربة .. غضي النظر عنها و سوي نفسج مو ملاحظة و ديري بالج على اغراضج من الحين و رايح على ما تردون الديرة عشان لا تحطكم بمشكلة

الله يفكنا من شرهم

 

[تائهه في ليل طويل]

اختي في خطوات سويها وراح ترتاحين انا سويتها لمن سافرت مع خدامتي وعيالي
##انتبهي منها ولا تسوين اي مشكلة معاها
##وفلوسج جيكي عليها من الليل وطلعي اللي تحتاجينه ولا تعدون الفلوس جدامها
## وغيري مكانهم كل مرة ووزعي الفلوس لا تكون بمكان واحد
## حطي لج ورقة بالمبلغ الكلي ووين وزعتي المبالغ

نصيحة الشنطة اللي دايما مسكرة تلفت الانتباه
اناعندي تجوري صغير (عطوني اياه الرسبشن بالفندق ) وحطيت فيه بعض موكل المفلوس وعطيته رقم سري وخليته بالشنطة وهي مفتوحة
ولاتسوين مشاكل في الغربة مع الخدم حتى لما تزفينها تذكري انتي وين ترى حتى اللي حواليج يبلغون عنج ويقولون اساءة معاملة ما دري شي فيه حقوق الانسان يعني تروحين وطي
والله يشافي ولدج وولدي انشاالله آمين يارب

 

[ريماا]

اذا فلووس اكيد خاشتهم بملابسها للى لابستهم
بس ديرى بااالج انتى بغربة مو نااقصة مشااكل تركيها لحد ماتردين الديرة
الله يشافى ولدج ويردج بالسلاامة

 

[برونزية رشيقة]

سكتي عنها أنتي في غربة لا تورطكم مع حقوق الأنسان ..


إذا رديتي الكويت .. يصير خير ..


وغيروا مكاااااااااااااااااااااااااااان الفلوس ..

لا تخلين ولا دينار بالمكان القديم (( هذي رسالة لها إنج فتحتي عيونج ))

و لا تظلمينها .. يمكن أنتوا صارفينهم !!!!

حسبي على ورقة وحاولي تتذكرين ..
وإذا طلع صج بايقة ..


تصرفي بالكويت مو أهني !!!


الله يشافي وليدج يارب

 

[ابلة روضة]

ايه والله صح كلامكم بس انا كل ما اخذ فلوس اكتب التاريخ ووين صرفتهم يوميا هذا حالي بس صح كلامكم يمكن في ملابسها ودايما معها بس المبلغ 700 باوند مو شوية اجار اسبوع بس الحمد الله اهم شي اليهال ماضرتهم وشركم وايد على التفاعل معاي والافادة