وين طهرتي ولدج؟. بلييييز ضروري دشوا

[Lady-_-fushia]

هاااااي كويتيات شلونكم عساكم بخير




بدش بالموضوع سيده ابي مكان يطهر زين
ومضمون

بليز اللي طهرت ولدها وكان طهوره مضبوط وما لعبوا بالولد (تعرفون قصص وسوالف الطهور)
وين طهرتي ولدج؟
اي دكتور (اذا تعرفين اسمه)؟
جم اسعارهم؟
شنو نوع الطهور(حلقه ولا كهربائي ، شاش ولا...)؟
وبس

اهم شي يكون مكان زين ومضمون شغلهم


وفي احد طهر في المعروف كلنك؟ عندهم جراح اسمه فيصل ؟

 

[حرم_الغلا]

‏ أنا طهرت عند واحد أسمه مشتاق بالجهراا‏<‏‏< لوول معروف طبعاا‏!‏‏!‏‏! بس يمدحون تطهير الهادي

 

[تبطي عظم!]

انا بطهره الاسبوع الجاي ان شاء الله

واجد هني بنات امدحو مستشفى السلام دكتور اشرف كابش

بس زوجي عيا وقالي بنوديه المواساه عيال اخوه كلهم مطهرينهم فيه عاد عند منو ما ادري

 

[يمامة أيوب]

بنات بالامارات يطهرون الولد ثاني يوم ولاده عندهم اشوفه احسن انا فيني ولد وناويه اطهره. قبل لا اطلع من المستشفي راح اولد ان شالله بالعدان. منو طهرت ولد ها اهناك و يطهرون من. ثاني يوم وله مافي جذي بالكويت ؟

 

[اريج الجوري]

انا طهرت عيالي مره بالاميري ومره بالهادي وثنينهم طهارته زين والحمد الله ،،،

ويحطون شاش ،،،

طهور العافيه يارب ...

 

[اريج الجوري]

الهادي كان ب ٤٠ دينار ،،،

والأميري بلاش. ،،،

الله يعز الحكومه ...

 

[سيناسون]

انا طهرت ولدي بالصباح عند بروفيسور اردني على ما اعتقد كبير بالعمر الحمدالله طهور حلو وحطوله شاش

 

[جوريه^الكتكوته]

انا طهرت ولدي بالسلام وطهارته زينه الحمدالله جنه 70 او 50 دينار ويحطوله شي جذي علشان لا يلصق
جنه اسمه الواقي

 

[ام نواف العجمي]

نحنا عيالنا كلهم والله عند مشتاق بالجهرا كان قبل ابوه وابوه توفى الحين ولد مشتاق وانا عيالي عند ولد مشتاق شاش ويهبل

 

[آوص ياجرحي سكوت]

انا اشوف حمواتي يمدحون الراشد يحط للبيبي حلقه واتوقع انه ب50
وان شاء الله ناويه اطهر ولدي الله يحفظه عندهم

 

[RάSpBεRrY]

المواساة - طريقه الشاش

 

[سنفورره]

طهرته بالسلام عند دكتور اشرف كابش
حطله واقي والحمدلله طهارته زينه

 

[اميرة زوجي]

المواساة وطريقة الحلقة او التطهير الكهربائي افضل من الشاش والقص والخياطة

 

[توحه1]

الحكومه الاميري الاولين شاش والاخير حلقه تطهير كهربائي وكلهم اوكي بس الحكومه لازم عمر البيبي ١٥ يوم وفما فوق

 

[أأأميرة الورد]

الدكتور أشرف بالسلااام عيالي اثنينهم
ما شالله عليه خوووووووووووش دكتور

 

[أمل المنصوري]

احنا في قطر ثاني يوم ولادة يطهرون البيبي .. ويحطون له شاش
واذا وانتوا بكرامة بال ووالامور تمام رخصوه من المستشفى مع امه

 

[Lady-_-fushia]

مشكورين كويتيات وقطريات واماراتيات
بس مادري الحين شنو احسن شاش ولا حلقه ؟!


السلام بجم طهورهم ؟

 

[Lady-_-fushia]

الحلقه سمعت انه يلتهب ويطول يقعد اسبوع
مادري والله
باجر بطهر ولدي مادري شلون الحين محتاره ومتردده
صار شهرين و اسبوع حرتم كبير صار ولي الحين مادري وين اوديه 

 

[yasmeen_q8]

د. اشرف كابش بالسلام ماشالله لا اله الا الله ولدي ما حس بس اول يوم بجى والحين اسم الله عليه زي الفل

 

[yasmeen_q8]

انا عن نفسي يوم خروجي من المستشفى عقب الولاده بيومين طهرته