وين كان ودج تشتغلين؟؟

[نونه العنونه_H]

:wqedqw: هاااااااااااااااي يا أحلى بنوتاااااااااااااات :wqedqw:

موضوعي للضحك و الوناسه يا حلوين
:33_1185028183:

عشان شوي نرفه عن نفسناااااااااا

سؤاااااااااالي موجه حق البنات الي يشتغلوون..


وين كان ودج تشتغلين لما كنتي صغيره؟؟:jumpon:

و وين صار ودج تشتغلين لما خلصتي دراسه؟؟ ووات ايفر (( جامعه- دبلوم- دورات......)):fun22:

ووووووو وين اشتغلتي بالواقع المرير؟؟


والحلوين البطاليااااااااات لاحقين ع الشقاااااا :cxxxp:

الله يرزقكم بالوظيفه الي تحلمون فيهاااااااا


:q8::q8::q8:​

 

[قطرة امل]

انا اول وحده برد عليج
انا ليما الحين بطاليه وان شاء الله
بس اشتغل اشارك بهالموضوع الحلو بصراحه ودي
اشتغل بمكان مريح
وعمري ما فكرت بالماضي بالشغل حاليا افكر فيه وايد
لانه احسن من القعده بالبيت

 

[Natasha]

قبل لما كنت صغيره كان ودي اكون مضيفه طيران

الحين انا بطاليه بس اتمنى من الله اني اتوظف بشركات البترول او بمطار الكويت

 

[شذى الحب]

تربيه وتحسفت بالاخير

 

[مملوحة_الوصايف]

رد : وين كان ودج تشتغلين؟؟

امممممممممم من قبل كنت اتمنى اصير مدرسة اسلاميه لي الثانويه هالحلم معاي لووووول
بعدين ما يبت نسبه ادخلني تربيه بسبة عشرييين للاسف شوفو النحاسه حطموو حلم حياااتي :eh_s(16):
المهم بعدييييييييين لما تخرجت شدني الحماس توني خريجه وشاده حيلي قلت ابي اشتغل في بنك وقدمت على بوبيان كان توه فاتح
وقدمت وكل شي لما في يوم من الايام باباتي يابلي كتاب من الماليه وبسرعه طلع قبووولي وها انا بوزارة الماليه :s141:
او لو تساليني ليلحين بشنوو ودج بقوولج مدرسه بس يالله معلش هم دوامي زين

 

[contessa]

كان ودي اشتغل في مستشفي
احب الريحه لووول
صج ما دخلت التخصص اللي ابيه
بس هم تخصصي حلو
يمكن خيره المهم انه للحين بكون بالمستشفى لووول

 

[& MALAK &]

انا الوظيفة اللي من يوم كنت صغيرة لي اليوم وانا احلم فيها اهيه كابتن طيار أأأخيييييييه لي درجة ان لما سافرت مع اهلي لندن قبل سنتين شريت لبس الطيار ههههههههههههه حلو يكون تنورة وقميص والرتبة وجاكيت والكاب مالهم لي الحين عندي موجود

والحين اشتغل بالمعلومات المدنية والحمدلله على كل حال

 

[مريوومه12]

هلا نـــــــــــــــــونه عرفتيني معاااااج بتجمع english
والله موضوووعج يونس المهم انا الا حلام والامنيااات كثييييرةههههه, بس اللي كنت ابيه ادخل جامعه قسم اللغه الانجليزيه والحمدلله صااار
ما قلتيلنا عنج ؟ شنو كان ودج تتدخلين

 

[bnt_7waa]

حلمي كان التدريس بس النسبه ماسمحت لي

وللحين انصح كل البنات بالتدريس

ولو اني بعيده عنه تخصصي اداره اعمال

 

[ماريا 2006]

كان ودي من صغري اكون شرطيه بس يالله توظفت بمكان كله شرطه

 

[نونه العنونه_H]

قطرة امل >> تصدقين انا نفسج طوووول مراهقتي ودراستي ما فكرت بالشغل بتاتا!!!
بس كنت اقول مستحيل اصير مدرسه:jumpon:


Natasha >> حتى انا لما كنت صغيره كنت ابي اصير مضيفه كااااااااااك
عشان اسافر بروحي_03BA:
بعدين استوعبت ان المضيفه تخدم الي بالطياره

شذى الحب >> اول ما تييلج فرصه انحاشي على طووووول:RoadRunner:

مملوحة_الوصاااايف >> في احد يحصله الماليه ويقول تربيه
بعدين انا اول مره ادري ان التربيه يبيلها نسبه
والله انا اقول خلك على مينونك لا اييلك الاين منه..

Contessa >> صح خيررررره لا تتحسفين:tek:

& MALAK & >> الحمدلله.. الله ينولج الي في بالج يا رب:eh_s(17):

مريومه 12 >> اكيد عرفتج وهل يخفى القمررررررر..:hjy5jewf:
انا قصتي قصه كان ودي اول شي ادش علمي بس دشيت ادبي
وما كنت افكر بالشغل ابداااا ولا بالمكااان
وكان عبالي كل الاماكن كشخه ومرتبه ف ماااا كنت افكر..
بس لما كنت صغيره كان ودي اصير مضيفه..
والناس لما خلصت الثانويه يقولولي دكتوووووووره انشالله؟؟ وانا اقول بقلبي
شلون دكتوره وانا ادبي.. كاااااااااك

bnt_7waa >> يلااااا خيره ما تدرين..:eh_s(7):

ماريا 2006 >> عاد نكج رومنسي وانثوي ما يلوق شرطيه..:wqedqw:
نورتي​

 

[مستشاره قانونيه]

رد : وين كان ودج تشتغلين؟؟

السلام عليكم

يوم كنت طفله كنت احب اكون معلمه وكنت دايما اشتري سوالف الابلات سبوره وبطاقات واقلام ومغناطيس واشرح الدرس حق اليهال والالعاب وعالم الاوهام ولما كبرت اشوي اكثر صار ودي اكون مذيعه اخبار او برامج لووول هني بفتره المراهقبه المبكره
والحين كان ودي اكون موظفه بالبنك بس اشتغلت بمجلس الوزراء والحمدالله مقتنعه نص اقتناع بمكاني والحمدالله على كل حال

 

[نونه العنونه_H]

مستشاره قانونيه >> موفقه حبيبتي.. الاحلاااااام وايد بس الي ما يتحقق خيره.. بعدين شوفي شحلات مكانج​

:eh_s(15):

 

[نونه العنونه_H]

بحطلكم جم مكان الكل يتمنى يشتغل فيهم..

اذا نزلوا اعلااااااان طياره روحوا قدموا

وعندي ارقام التلفونات اذا تبون.. :050103nbh_prv:

بسم الله

بنك الكويت المركزي

لجنة المناقصات المركزيه

المؤسسه العامه للرعايه السكنيه

المؤسسه العامه للتأمينات الاجتماعيه

برنامج اعادة هيكلة القوى العامله والجهاز التنفيذي

الصندوق الكويتي للتنميه الاقتصاديه

مؤسسة الخطوط الجويه الكويتيه

الوطنيه للأتصالات

الاتصالات المتنقله (زين)

بنك التسليف والادخار

بنك الكويت المركزي

بيت الزكاة

جامعة الكويت

الامانه العامه للاوقاف

وكالة الانباء الكويتيه (كونا)

مؤسسة البترول

ديوان الخدمه المدنيه

إدارة الفتوى والتشريع

الامانه العامه للمجلس الاعلى للتخطيط والتنميه

الهيئه العامه لشؤون القصر

الهيئه العامه للإستثمار

الهيئه العامه للتعليم التطبيقي

الماليه

الخارجيه

الهيئه العامه للبيئه

ديوان المحاسبه

الاوقاف

مجلس الامه

مجلس الوزراء

ديوان سمو رئيس مجلس الوزراء

ديوان سمو ولي العهد

وفي جم مكان بس ما ادري اذا اماكن مرتبه او لأ ياريت الي تعرف تقوووول..

جهاز الامن الوطني:080402ask_prv:

مركز البحوث والدراسات الكويتيه:080402ask_prv:

مركز الدراسات الاستراتيجيه:080402ask_prv:​

 

[أنوثهـ حتى الثمالهـ]

كنت ابي اصير مس انجلش
ولما خلصت الثانويه ابوي اصر ادرس طب عشان معدلي درست كورس وطلعت ودخلت العلوم الاداريه وكان خاطري بعد التخرج اشتغل بالخارجيه او بسفاره بس اشتغلت بشركة تأمين وللحين حلم الخارجيه في بالي

 

[ﺂلعيوטּ ﺂلناعسـﮧ]

حلمي ان اكون مدرسه فلسفة وعلم نفس اموت على هالمواد حيييييل بس الحمدالله على كل حاااااال

 

[مريوومه12]

هااااااااي بنااااااااات
على قولتج خـــــــــــــــيرة اللي ما يتحقق , نونه انتي وين تشتغلييين ترى ناااااااسيه
مستشااااااارة الله فكــــــــــــج من التربيه والتدريس (والله يشفيلج يدتج )

موضوووعج تشكرييين عليه كثري من هالموااااااااضيع اللي تونس فكرتهاااااا

 

[رحيـل الزمن]

كان حلمي اتوظف بوزاره العدل ..

بعيــد عن المدارس والدراسه << عقدتها الدراسه


بس الحمد الله على كل حال

والحين اوراقي ناشبه بوزاره الصناعه لها 5 شهور مو راحميني ولا مخلين رحمه الله تنزل



"ليـس كـل مايتمنـــاه المــرئ يــدركــه .. تمــشي الريـــــاح بما لا تشتـهيـه السفـن "

 

[Golden]

"ليـس كـل مايتمنـــاه المــرئ يــدركــه .. تمــشي الريـــــاح بما لا تشتـهيـه السفـن "

والله انج صاجه هالجمله يات عالوتر

انا قبل لا اتخرج كنت ابي هيئات أو مؤسسات

بس لما شفت الامر الواقع قلت ميخالف راضيه بالوزارات

وللحين لا هذا ولا ذاك

بطاليه... :dddds:

 

[ملآمح يوسفيه]

رد : وين كان ودج تشتغلين؟؟

كان ودي اصير شرطيه ومذيعه اخبار جويه




​