وين كنتي وقت الغزو ...صامده والا بره الديره ؟؟

[حناينq8]

انا والحمدلله كنت صامده آنا واهلي وخالاتي وكان عمري 15 سنه يعني اذكر كل شي اذكر ان الماي كان بالحسره آخر ايام الازمه واذكر بعد لما نروح نشتري خبز ونوقف طوابير وكانوا شبابنا شباب الكويت هم اللي يخبزون ايام كلش مو حلوه اخوي خذوه شهرين والحمدلله ردوه بطلعة الروح الله لايرد هذيج الايام واشكركم حبايبي

العفو حبيبتي ومشكوره على مشاركتج

 

[حناينq8]

الحمدلله كنا صامدين وما خلينا الديرة تفضى عشان ياخذونها وبفضل الله ما قدروا ياخذونها

مشكورة عالموضوع حبيبتي

العفو يقلبي ومشكوره على مشاركتج معانا

 

[ليالي العاشقين]

انا للحين مو مولوده .. ههههههههههههاي .. >>مواليد الغزو

 

[حناينq8]

انا للحين مو مولوده .. ههههههههههههاي .. >>مواليد الغزو

حياج حبيبتي

 

[غلا 89]

الله لا يعيد ذيج الايام انشالله ..
والله هالظالم ارعب الخليج كله .. حسبي الله عليه ..
انا كان عمري سنه وكنا بالكويت على حجي امي وقبل الغزو بجم يوم بس ردينه الديرة
وكانو قرايبنا الكويتين بيون البحرين بعد جم يوم بس بيلحقونا ..
بس اللي ما ينطره سو سواته ووصل الخبر وعقب جم يوم بس قالو واحد من عيالنا توفى ..
وكان توه معرس مسكين .. الله يرحمه
والله يديم الامن والامان على الكويت والخليج بكبره

 

[حناينq8]

الله لا يعيد ذيج الايام انشالله ..
والله هالظالم ارعب الخليج كله .. حسبي الله عليه ..
انا كان عمري سنه وكنا بالكويت على حجي امي وقبل الغزو بجم يوم بس ردينه الديرة
وكانو قرايبنا الكويتين بيون البحرين بعد جم يوم بس بيلحقونا ..
بس اللي ما ينطره سو سواته ووصل الخبر وعقب جم يوم بس قالو واحد من عيالنا توفى ..
وكان توه معرس مسكين .. الله يرحمه
والله يديم الامن والامان على الكويت والخليج بكبره

الله يرحمه ويغفر له
ومشكوره حبيبتي على مشاركتج بالموضوع

 

[كنزو]

صامده في الرميثيه في بيت جدي ( ابوي جاسم ) عشان السرداب

ويوم 1/8 الساعه 8 بالليل كنا راجعين من تركيا >>>>طلعت من جبدنا حتى جناطنا ما بطلناهم
صج الله لا يعيد الغزو بس في ايام مرت علينا تضحك

 

[^_^ حوراء ^_^]

انا ما كنت منولده

بس اهلي كانو بالكويت و خذوا ابوي اسير

 

[حناينq8]

صامده في الرميثيه في بيت جدي ( ابوي جاسم ) عشان السرداب

ويوم 1/8 الساعه 8 بالليل كنا راجعين من تركيا >>>>طلعت من جبدنا حتى جناطنا ما بطلناهم
صج الله لا يعيد الغزو بس في ايام مرت علينا تضحك

بالغزو كل شي صار لنا خوف ورعب وضحك ولمه وشعور الفخر
ومع كل هذا الله لا يعودها من ايام الا لمه الكويتيين على بعضهم البعض انشالله تنعاد بظروف حلوه يارب

ومشكوره حبيبتي على المشاركه

 

[ملح و سكر]

اخ رجعتينا الايام الازمه الله لايعودها انشالله ..انا كنت تونى والده بنتى وكنت راح اسميها فرح بس للاسف
دخل علينا صداموا عساه فى اعلى مراتب نار جهنم اهو والمرتزقه اللى تابعين معاه واللى مؤيدينه ....المهم انا ماقدرت اسميها فرح
غيرت اسمها وسميتها.....انا قعدت اسبوع بديرتى وبعدين رحنا السعوديه ...واحنا اول ناس دخلنا الكويت بعد التحرير
اللهم احفظ ديرتنا من كل شر وابعد عنها الحاقدين عليها وطهرها من الانجاس .....
قولوااااااااااا امين

 

[CUTE ENGINEER]

حي الله حبيباتي الكويتيات

شرايكم نستذكر هالفتره من حياتنا الله لا يعودها طبعا


وكل وحده تدخل تقول وين كانت وقت الغزو



:q8:


انا من ناحيتي كنت صامده بالكويت وعشت الاحتلال بكل ظروفه واحلى ايام حياتي يوم اللي صعدنا فوق السطوح نكبر واللي احلى واحلى اهو يوم التحرير ظلينا شهر كل يوم مسيره لووووووووووووووووول:nbvppw:


ناطره اجوبتكم لا تخلون​

نفس حياتي بالغزو بالضبط صمدنا وكبرنا فوق السطح وخبزنا :dddds: وطلعنا مسيرات عقب التحرير وماأنسى لما الدنيا صارت سووودة تقريبا أسبوع من الآبار المحترقة الله لا يعودها من أيام ان شاالله:0bee2e8d89:​

 

[من بعيد]

احنا تبهذلنا حيل بالغزو

أمي كانت مع أختي بالمستشفى ، عمرها بالاشهر بس تعبااانة ، يوم دروا انه صاير شي بالكويت الدكتور قالها اخذي بنتج واطلعي

وأبوي طيار ، كان من القلة اللي طلعوا طيارات الكويتية من الكويت
وللأسف ولا أحد يذكر لهم هالشي ، حتى انه يعدد لي ناس بالأسماء نادوهم ومارضوا يجون كلن قعد عند أهله
وكان طول فترة الغزو شغال رايح جاي بالقاهرة ، يودون ناس ومادري شيسوون ، ما شفناه خلال هالفترة

وأمي راحت مع اختي مستشفى بالجبيل ، وقعدت فترة ، بعدين مرة ودوها النعيرية ومرة القطيف ومرة القصيم ، تبهذذذذلت هي وأختي وبروحهم
والسعودية كل شي لازم محرم ، تخيلوا إلى درجة ان مرة كانت اختي محتاااااااجة عملية ، قالها الدكتور ما توقعين لازم ولي أمرها
قالت ما عندي أحد ، من وين أجيب لك ولي أمر يوقع؟
قالها ما يصير ممنوع ، قالت احطها بذمتك ، يعني شسوي ؟ تموت البنت عشان توقيع؟ ماااااااااا عندي احد ( الاتصالات صعبة واهلنا متوزعين ما ندري وين راحوا ، وحتى لو راحوا صعععععععبة من يوصل لها وشلون تحصلهم ؟ )
وتعاطفوا معاها دكاترة شباب متدربين ، وغامروا وقعوا كلهم على الورقة جزاهم الله خير انها تسوي عملية ، وركضوا لها بالاوراق لين وافقوا يسوون لها العملية بدون توقيع ولي أمر

باقي انا عمري 4 سنوات وأخوي عمره سنتين ، كل مرة يقطوننا مكان ، مرة رحنا عند ناس بالخفجي ، مرة رحنا عند ناس بالجبيل مرة رحنا عند ناس بالنعيرية مرة عند حفر الباطن مرة بالقصيم ، كل فترة يودوننا عند احد ، أبونا بالقاهرة وأمنا لاهية بالمستشفيات

 

[حناينq8]

اخ رجعتينا الايام الازمه الله لايعودها انشالله ..انا كنت تونى والده بنتى وكنت راح اسميها فرح بس للاسف
دخل علينا صداموا عساه فى اعلى مراتب نار جهنم اهو والمرتزقه اللى تابعين معاه واللى مؤيدينه ....المهم انا ماقدرت اسميها فرح
غيرت اسمها وسميتها.....انا قعدت اسبوع بديرتى وبعدين رحنا السعوديه ...واحنا اول ناس دخلنا الكويت بعد التحرير
اللهم احفظ ديرتنا من كل شر وابعد عنها الحاقدين عليها وطهرها من الانجاس .....
قولوااااااااااا امين

آمين

ومشكوره حبيبتي على المشاركه
والله يعوض عليج هالاسم وتصير حياتج كلها افراح

 

[حناينq8]

نفس حياتي بالغزو بالضبط صمدنا وكبرنا فوق السطح وخبزنا :dddds: وطلعنا مسيرات عقب التحرير وماأنسى لما الدنيا صارت سووودة تقريبا أسبوع من الآبار المحترقة الله لا يعودها من أيام ان شاالله:0bee2e8d89:​

الله لا يعودها يارب
ومشكوره حبيبتي على المشاركه

 

[حناينq8]

احنا تبهذلنا حيل بالغزو

أمي كانت مع أختي بالمستشفى ، عمرها بالاشهر بس تعبااانة ، يوم دروا انه صاير شي بالكويت الدكتور قالها اخذي بنتج واطلعي

وأبوي طيار ، كان من القلة اللي طلعوا طيارات الكويتية من الكويت
وللأسف ولا أحد يذكر لهم هالشي ، حتى انه يعدد لي ناس بالأسماء نادوهم ومارضوا يجون كلن قعد عند أهله
وكان طول فترة الغزو شغال رايح جاي بالقاهرة ، يودون ناس ومادري شيسوون ، ما شفناه خلال هالفترة

وأمي راحت مع اختي مستشفى بالجبيل ، وقعدت فترة ، بعدين مرة ودوها النعيرية ومرة القطيف ومرة القصيم ، تبهذذذذلت هي وأختي وبروحهم
والسعودية كل شي لازم محرم ، تخيلوا إلى درجة ان مرة كانت اختي محتاااااااجة عملية ، قالها الدكتور ما توقعين لازم ولي أمرها
قالت ما عندي أحد ، من وين أجيب لك ولي أمر يوقع؟
قالها ما يصير ممنوع ، قالت احطها بذمتك ، يعني شسوي ؟ تموت البنت عشان توقيع؟ ماااااااااا عندي احد ( الاتصالات صعبة واهلنا متوزعين ما ندري وين راحوا ، وحتى لو راحوا صعععععععبة من يوصل لها وشلون تحصلهم ؟ )
وتعاطفوا معاها دكاترة شباب متدربين ، وغامروا وقعوا كلهم على الورقة جزاهم الله خير انها تسوي عملية ، وركضوا لها بالاوراق لين وافقوا يسوون لها العملية بدون توقيع ولي أمر

باقي انا عمري 4 سنوات وأخوي عمره سنتين ، كل مرة يقطوننا مكان ، مرة رحنا عند ناس بالخفجي ، مرة رحنا عند ناس بالجبيل مرة رحنا عند ناس بالنعيرية مرة عند حفر الباطن مرة بالقصيم ، كل فترة يودوننا عند احد ، أبونا بالقاهرة وأمنا لاهية بالمستشفيات

لاحول ولاقوه الا بالله
وايد ناس تشتتوا وتمرمطوا بالغزو

حسبي الله عليهم

والحمدلله على السلامه حبيبتي

 

[الكبر لله]

والله كان عمري خمس سنين اذكر ابوي الله يرحمه كان توه جاي من موسكو مسوي عملية عيونه ماادري الهند وكان مايقدر يشوف وكانت اختي الكبيره مو اكبر وحده الي تحتها عندنا مع عيالها عاد لما درينا انه غزو ابوي الله يرحمه ويغفرلها طرش خواتي الي عندنا مع عيالها واختي الصغر يجبون اختي الي بيتها بالفنطاس مع ريلها خبركم مافي تلفونات ولما جمعهم في البيت كان خلاص الحين قعدوا مافي طلعه خواتي الثنتين الكبار بغوا يموتون والله ماانسى دموعهم ماتوا من البجي يترجون ابوي عشان نطلع وابوي الله يرحمه قال ماراح اطلع الموت جاينا حتى لو احنا باخر الدينا الله وكليكم عقب بجي وترجي من خواتي وامي قال يالله جهزوا عاد اذكر كلمات اختي الكبيره تقول بيه خلنا نطلع الله يخليك والله هالانسان ماراح يخلينا باجر ياذابح واحد من عيالنا ولا معذبنا تصوروا طلعنا على الحدود الي يسوق فينا اخوي عمره 14 سنه بس لان ابوي الله يرحمه مايشوف اول ماوصلنا حدود النويصيب جان يردنا الضباط عاد ابوي يبيها من الله عاد ردينا البيت حتى كانوا الخدامات والسواويق مسوين عيش وطماط عاد امي قالت عطوا اليهال منه اشوي كلنا الظهر رحنا مره 2 عقب لما رحنا وحده من خواتي راحت مع سياره اختي وزجها ولان عيال خواتي فيهم من عمرنا عاد لما وصلنا مشونا لما وصل سيارة بيت زوج اختي قال ردوا الكويت ماتطلعون ابوي شاف ماجوا خلى اخوي يمشي جدام عقب يمشي على التراب عشان مايبين عقب لعب الضباط باعصاب اختي وزوجها الا تعطوني ماي اشرب عاد ماكان عندهم الا ماي ولد اختي صغير مواليد1989 اخر السنه يعني يبي ماي حق الحليب عاد خذا ريل اختي الماي وعطها وعقب طلعت الروح عقب ماروي العطش جان يصدمهم ويقولهم ردوا الكويت عاد كان في سيايير ورا سيارة ريل اختي عاد قال خلاص انا برد الكويت افتح العمود بمر وبلف عاد مر وشخطها بس الحمدلله مره على خير ,,

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
كانت امنية حياتي اني ادش مقاومه واساعد الناس بس الله لا يعودها من ايام يارب ,,[/size]

 

[حناينq8]

والله كان عمري خمس سنين اذكر ابوي الله يرحمه كان توه جاي من موسكو مسوي عملية عيونه ماادري الهند وكان مايقدر يشوف وكانت اختي الكبيره مو اكبر وحده الي تحتها عندنا مع عيالها عاد لما درينا انه غزو ابوي الله يرحمه ويغفرلها طرش خواتي الي عندنا مع عيالها واختي الصغر يجبون اختي الي بيتها بالفنطاس مع ريلها خبركم مافي تلفونات ولما جمعهم في البيت كان خلاص الحين قعدوا مافي طلعه خواتي الثنتين الكبار بغوا يموتون والله ماانسى دموعهم ماتوا من البجي يترجون ابوي عشان نطلع وابوي الله يرحمه قال ماراح اطلع الموت جاينا حتى لو احنا باخر الدينا الله وكليكم عقب بجي وترجي من خواتي وامي قال يالله جهزوا عاد اذكر كلمات اختي الكبيره تقول بيه خلنا نطلع الله يخليك والله هالانسان ماراح يخلينا باجر ياذابح واحد من عيالنا ولا معذبنا تصوروا طلعنا على الحدود الي يسوق فينا اخوي عمره 14 سنه بس لان ابوي الله يرحمه مايشوف اول ماوصلنا حدود النويصيب جان يردنا الضباط عاد ابوي يبيها من الله عاد ردينا البيت حتى كانوا الخدامات والسواويق مسوين عيش وطماط عاد امي قالت عطوا اليهال منه اشوي كلنا الظهر رحنا مره 2 عقب لما رحنا وحده من خواتي راحت مع سياره اختي وزجها ولان عيال خواتي فيهم من عمرنا عاد لما وصلنا مشونا لما وصل سيارة بيت زوج اختي قال ردوا الكويت ماتطلعون ابوي شاف ماجوا خلى اخوي يمشي جدام عقب يمشي على التراب عشان مايبين عقب لعب الضباط باعصاب اختي وزوجها الا تعطوني ماي اشرب عاد ماكان عندهم الا ماي ولد اختي صغير مواليد1989 اخر السنه يعني يبي ماي حق الحليب عاد خذا ريل اختي الماي وعطها وعقب طلعت الروح عقب ماروي العطش جان يصدمهم ويقولهم ردوا الكويت عاد كان في سيايير ورا سيارة ريل اختي عاد قال خلاص انا برد الكويت افتح العمود بمر وبلف عاد مر وشخطها بس الحمدلله مره على خير ,,

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
كانت امنية حياتي اني ادش مقاومه واساعد الناس بس الله لا يعودها من ايام يارب ,,[/size]

الله يرحم ابوج ويسكنه فسيح جناته
كلمن تمرمط وتشرد بسبة هالغزو
والف الحمدلله على نعمة الامن والاستقرار

 

[دااانوه]

فديـــــــــــــــــتــــــــــكـــــــــمـــ يــا أهـــــل الـــكــويــــت

وربي احبكم //

وصلت صفحه 20 من قريتي للردود والله بجيت بجي سنه بساعه

انولدت بعد الغزو بسنه او سنه ونص

ومن سوالف امي وخالاتي انه وااايد كويتيين يو الرياض و يدي اخذ حريمه وعياله وأجرله بيت وسكن كويتيين في بيوته

وكان عنده محل عقارات وجذي عطاهم كل البيوت اللي عنده ببلاش لين تحررت الكويت الله يرحمه ويغفر له


وقالوا لي شلون كانوا يسكرون الدرايش بلصق عشان الغازات ويسدون البيبان من تحت بفوط فيها ماي عشان الغازات

ماتآذييهم .. وشلون كانوا يتابعون الأخبار عشان اي خبر يديد يعرفونه و لما يسمعون صفارات الأنذار بسرررعه يسوون

الإحتياطات يتيمعون بالسرداب ويسكرون كل شيء ويلبسون كمامات ..


وأجلوا الدراسه مده وبعد ماداوموا كان معاهم كويتيات بالمدرسه .. خالتي للحين تتذكرهم بس ماعاد عندها خبر عنهم


ييرانا عود ومرته ماعندهم عيال كويتيين من بعد الغزو عااشوا بالرياض وللحين

....

والله يقولون لي انها كانت ايام كانت صعبه حييييييل حسبي الله على الظالم


وان شاء الله اخر الأحزان والله لايعيدها من أيام // وياعسى ايامكم كلها أفرااااح في افراااااح

عساكمـ عالقوة

 

[Stylista_Q8]

كنا صاااامدين الحمدالله

واحلى شي المسيرات عقب التحرير ..!


بس الله لايعوود هالايام

والله يرحم شهداءنا ان شالله ..

 

[حناينq8]

فديـــــــــــــــــتــــــــــكـــــــــمـــ يــا أهـــــل الـــكــويــــت

وربي احبكم //

وصلت صفحه 20 من قريتي للردود والله بجيت بجي سنه بساعه

انولدت بعد الغزو بسنه او سنه ونص

ومن سوالف امي وخالاتي انه وااايد كويتيين يو الرياض و يدي اخذ حريمه وعياله وأجرله بيت وسكن كويتيين في بيوته

وكان عنده محل عقارات وجذي عطاهم كل البيوت اللي عنده ببلاش لين تحررت الكويت الله يرحمه ويغفر له


وقالوا لي شلون كانوا يسكرون الدرايش بلصق عشان الغازات ويسدون البيبان من تحت بفوط فيها ماي عشان الغازات

ماتآذييهم .. وشلون كانوا يتابعون الأخبار عشان اي خبر يديد يعرفونه و لما يسمعون صفارات الأنذار بسرررعه يسوون

الإحتياطات يتيمعون بالسرداب ويسكرون كل شيء ويلبسون كمامات ..


وأجلوا الدراسه مده وبعد ماداوموا كان معاهم كويتيات بالمدرسه .. خالتي للحين تتذكرهم بس ماعاد عندها خبر عنهم


ييرانا عود ومرته ماعندهم عيال كويتيين من بعد الغزو عااشوا بالرياض وللحين

....

والله يقولون لي انها كانت ايام كانت صعبه حييييييل حسبي الله على الظالم


وان شاء الله اخر الأحزان والله لايعيدها من أيام // وياعسى ايامكم كلها أفرااااح في افراااااح

عساكمـ عالقوة

حياج الله حبيبتي
واللي قريتيه شي من لا شيئ
والسعوديه ما قصرت مع الكويت الحكومه والشعب بارك الله فيكم

وكل الشكر حبيبتي على مرورج