وين كنتي وقت الغزو ...صامده والا بره الديره ؟؟

[حناينq8]

كنا صاااامدين الحمدالله

واحلى شي المسيرات عقب التحرير ..!


بس الله لايعوود هالايام

والله يرحم شهداءنا ان شالله ..

امين
ومشكوره على المشاركه حبيبتي

 

[q8yaa_amOra]

كنت صااااااااااااااااااااااااامده

 

[حناينq8]

كنت صااااااااااااااااااااااااامده

حياج الله حبيبتي

 

[عاشقه رويشد]

انا كان عمري ست شهور

وكنا بالسعوديه ..

 

[حنانك سر حبي]

صامده

واذكر لم كنا ببيتنا كانت الكهربا تنطفي علينا ونقعد نشب شموع وبعدين لم درينا انهم دشو منطقتنا طلعنا منها ورحنا بيت عمي واذكر ابيت عمي عاد كنا اكثر من عايله بالبيت عماتي وخالي وناس نعرفهم الصبح نقعد ابيت عمي وبليل نطلع كلنا نتنحش نروح بيت فيه سرداب قريب يم بيت عمي نروحله مشي ومرات نلاقي بيت فاضي هم شوي قريب من بيت عمي نروحله مشي بس كنا ننتقل لهم بنص الليل اذكر شلون كنا نبطل الباب السكه شوي شوي ونطل ماكو احد ونطلع بدون صوت كلنا الله ستر والله لو جاكينا جان مذبوحين حمدالله على كل حال والصبح نرجع بيت عمي

واذكر بيوم التحرير لم درينا بالخبر طلعنا نركض بالشارع كنت اركض وامي وراي واختي جدامي واذكر كان بايدي ككاو وطاح مني لووول
اذكر مقتطفات ايام والله بس ايام تعيسه واشوه حمدالله انه كنا صغار ماكنا نستوعب عدل ..

 

[أم سالـمـين]

صامديــــــــــن

بس كــان عمــري سنتيــن ما اتذكــر شي

 

[~..MiMiNi..~]

انا كان عمري سنتين الا جم يوم .. و يوم الغزو كنت لازم اروح زياره حق ابوي عشان يشوفني ساعتين .. فأبوي ما صدق خبر خذاني انا و عماتي و ودانا حق اهلنا بالامارات و اهو رد الكويت .. و طبعا ً ما قال حق امي و امي تقول ابهالفتره انا ينيت !! انتي 7 اشهر انا مادري عنج .. و خالتي عايشه بلندن كانت تدزلها اشرطه ورسايل و دوروني بلندن و مصر وما لقوني و بالراديو نادوا اسمي عشان اللي يعرف عني اي شي يبلغ امي

و لما كانت تروح حق اهل ابوي يقولولها مالج بنت عندنا

و عاد بيت يدي ابو امي كان بخيطان يم ثنوية ابرق خيطان لزق لززززق يم دكان فاروق الله يذكره بالخير و هم بيت يد امي كان اهناك وبيت خالي بعد مناك ..

فكلهم كانوا يتيمعون ابيت يدي .. و يقولون ماكو كهربا ولا شي و خالي العود كان يوزع فلوس بالسر على الناس .. و خالي اللي عمره 14 كان يخبز الخبز و يحطونه بدبة سيارة خالي العود و يوزعونه ع البيوت .. و يقولون انه كانوا يسوون المعكرونيه اسبووووع ياكلون فيها

و امي تقول انا حياتي كانت نوم و بجي بس انهيااار لأني مادري عنج و اهل ابوج مو راضيين يقولولي ولا شي ..

و خالي الوسطي اهو غراااامه شي اسمه اغاني عراقيه .. فكان يقعد بالفريج ويشغل اغاني عراقيه فالجنود العراقيين ايون ويمزجون معاه لوووووووووووول يقول انا اسوي جذي عشان الشبهه ما تحوشنا لأنه كل خولي كانوا قاومه

و خالتي اتقول ما كنا انيوز حتى لو في حظر تجول كنا نمشي بالفريج من بيتنا لي بيت يدج لوووووول

و من طرف اهل ابوي .. ابوي كان مع الجيش .. و خذوا عمي اسير .. بس رد بالتحرير ..

و انا من كثر ما قريت عن الغزو و سويت سيرج و حتى بحوثي بالجامعه كلها عن سيرة حياة الشهداء .. كنت اتمنى ل انا كبيره و عايشه ابهالفتره ..

حتى اذكر كان عندي ماده بجامعة الكويت اسمها تاريخ الكويت عند د. نجاة الجناعي .. سويت بحث عن سيرة الشهيد احمد قبازر و اسرار القبندي .. و انا قاعده اقول سية حياتهم و اعرض صورهم .. جان تدمع عيوني و تخنقني العبره .. قالتلي انا ولا مره حطيت حق احد بالبحث درجه كامله .. بس عشان الدمعه اللي انزلت من عينج انا راح احطلج ..

صج عوار قلب .. و انا ولا عمري راح انسى اللي سووه فيننا و لا بديرتنا ..

والله يحفظ الكويت يارب ..~

 

[حناينq8]

انا كان عمري ست شهور

وكنا بالسعوديه ..

حياج الله حبيبتي

 

[حناينq8]

صامده

واذكر لم كنا ببيتنا كانت الكهربا تنطفي علينا ونقعد نشب شموع وبعدين لم درينا انهم دشو منطقتنا طلعنا منها ورحنا بيت عمي واذكر ابيت عمي عاد كنا اكثر من عايله بالبيت عماتي وخالي وناس نعرفهم الصبح نقعد ابيت عمي وبليل نطلع كلنا نتنحش نروح بيت فيه سرداب قريب يم بيت عمي نروحله مشي ومرات نلاقي بيت فاضي هم شوي قريب من بيت عمي نروحله مشي بس كنا ننتقل لهم بنص الليل اذكر شلون كنا نبطل الباب السكه شوي شوي ونطل ماكو احد ونطلع بدون صوت كلنا الله ستر والله لو جاكينا جان مذبوحين حمدالله على كل حال والصبح نرجع بيت عمي

واذكر بيوم التحرير لم درينا بالخبر طلعنا نركض بالشارع كنت اركض وامي وراي واختي جدامي واذكر كان بايدي ككاو وطاح مني لووول
اذكر مقتطفات ايام والله بس ايام تعيسه واشوه حمدالله انه كنا صغار ماكنا نستوعب عدل ..

اي حبيبتي هذا اللي صار بكل بيت ايام الغزو اكثر من عايله بالبيت
كلنا التمينا على بعض
والله لا يعيد الشر
ومشكوره على المشاركه

 

[حناينq8]

صامديــــــــــن

بس كــان عمــري سنتيــن ما اتذكــر شي

حياج الله يقلبي

 

[حناينq8]

انا كان عمري سنتين الا جم يوم .. و يوم الغزو كنت لازم اروح زياره حق ابوي عشان يشوفني ساعتين .. فأبوي ما صدق خبر خذاني انا و عماتي و ودانا حق اهلنا بالامارات و اهو رد الكويت .. و طبعا ً ما قال حق امي و امي تقول ابهالفتره انا ينيت !! انتي 7 اشهر انا مادري عنج .. و خالتي عايشه بلندن كانت تدزلها اشرطه ورسايل و دوروني بلندن و مصر وما لقوني و بالراديو نادوا اسمي عشان اللي يعرف عني اي شي يبلغ امي

و لما كانت تروح حق اهل ابوي يقولولها مالج بنت عندنا

و عاد بيت يدي ابو امي كان بخيطان يم ثنوية ابرق خيطان لزق لززززق يم دكان فاروق الله يذكره بالخير و هم بيت يد امي كان اهناك وبيت خالي بعد مناك ..

فكلهم كانوا يتيمعون ابيت يدي .. و يقولون ماكو كهربا ولا شي و خالي العود كان يوزع فلوس بالسر على الناس .. و خالي اللي عمره 14 كان يخبز الخبز و يحطونه بدبة سيارة خالي العود و يوزعونه ع البيوت .. و يقولون انه كانوا يسوون المعكرونيه اسبووووع ياكلون فيها

و امي تقول انا حياتي كانت نوم و بجي بس انهيااار لأني مادري عنج و اهل ابوج مو راضيين يقولولي ولا شي ..

و خالي الوسطي اهو غراااامه شي اسمه اغاني عراقيه .. فكان يقعد بالفريج ويشغل اغاني عراقيه فالجنود العراقيين ايون ويمزجون معاه لوووووووووووول يقول انا اسوي جذي عشان الشبهه ما تحوشنا لأنه كل خولي كانوا قاومه

و خالتي اتقول ما كنا انيوز حتى لو في حظر تجول كنا نمشي بالفريج من بيتنا لي بيت يدج لوووووول

و من طرف اهل ابوي .. ابوي كان مع الجيش .. و خذوا عمي اسير .. بس رد بالتحرير ..

و انا من كثر ما قريت عن الغزو و سويت سيرج و حتى بحوثي بالجامعه كلها عن سيرة حياة الشهداء .. كنت اتمنى ل انا كبيره و عايشه ابهالفتره ..

حتى اذكر كان عندي ماده بجامعة الكويت اسمها تاريخ الكويت عند د. نجاة الجناعي .. سويت بحث عن سيرة الشهيد احمد قبازر و اسرار القبندي .. و انا قاعده اقول سية حياتهم و اعرض صورهم .. جان تدمع عيوني و تخنقني العبره .. قالتلي انا ولا مره حطيت حق احد بالبحث درجه كامله .. بس عشان الدمعه اللي انزلت من عينج انا راح احطلج ..

صج عوار قلب .. و انا ولا عمري راح انسى اللي سووه فيننا و لا بديرتنا ..

والله يحفظ الكويت يارب ..~

لاحول ولا قوه الا بالله
وايد عورت قلبي سالفتج
هالغزو وايد شرد ناس
بس ما قلتي لنا شلون رديتي حق امج عقب الغزو

 

[الصابرة المحتسبة]

هلا حناين
صمدنا بس اسبوعين لأن كنا بروحنا والوالد الله يرحمه ويتغمد روحه الجنة متوفي فالوالدة خافت علينا فطلعنا برة الديرة بس تدرين عاد لزمت قبل ما أطلع أسوي ولو شي بسيط لديرة وحبي الكويت والحمدلله قدرت ومريت بموقف ما راح أنساه . عسى ربي يحفظ ديرتنا ويحميها اللهم آمين

 

[~..MiMiNi..~]

الله يسلمج عقب ما صار التحرير ..و طافت فتره امي رفعت قضية على ابوي .. و صارت سوالف .. عاد ردوني حق امي ..

و الا انا مابيها لووول اقولها انتي مو امي وخري امي فلانه ( ام ابوي يعني )

و عاد اهل امي يشترولي العاب ومادري شنو بس عشان احبها و اناديها ماما

و بعدين عادي

 

[حناينq8]

الله يسلمج عقب ما صار التحرير ..و طافت فتره امي رفعت قضية على ابوي .. و صارت سوالف .. عاد ردوني حق امي ..

و الا انا مابيها لووول اقولها انتي مو امي وخري امي فلانه ( ام ابوي يعني )

و عاد اهل امي يشترولي العاب ومادري شنو بس عشان احبها و اناديها ماما

و بعدين عادي

يالله اهم شي الحمدلله على سلامتج حبيبتي

 

[أم عزة]

أنا كنت صامده وكنت حامل فى ولدى البجر......أيام الغزو ما تنمحى من الذاكره أمى وأبوى كانوا مسافرين وباجى إخوانى وخواتى المتزوجين كلهم طلعوا من الديره أول الغزو ما بقت إلا أخت واحده كانت صامده معانا.....يوم التحربر يوم لا يمكن أنساه وسبحان الله دايما أقول مثل ما دخلوا علينا فجأه واحنا نايمين طلعوا وهم احنا نايمين قمنا الصبح ما لقيناهم....عسى الله يحفظ الكويت وأهلها من كل مكروه

 

[ANoOoNA]

اخخخخخخخخخخ على ذكرياتكم والله لا يعود ذيك الأيام ..
احنا كنا صامدين وكان عمري 4 سنين ..
بس ما انسى دخولهم علينا لا احم ولا دستور ..
ويعطونا كاكاوهم المعفن ..
يكسرون الموجود ..
وما يحترمون الكبير ولا الصغير ولا حرمة البيت ولا شي ولا شي ..

اذكر لما امي ويدتي وخالاتي قاعدين نطالع التلفزيون .. ورويشد يغني اشكوو اليك يا واهب النعم .. بلدي النظلم بلدي الكويت ..
ويبجون وانا معاهم ابجي ..
حتى اغنية يما لا تبجين ..

امبييييييييييييييييييييييييييييييييييييييييييييييييييييييييييييييييييييييييييييييييييييييييييه والله ايام الله لا يعودها ..

الله يحفظ الكويت وشعبها من كل مكروووه .. ومن كل حاسد ..

 

[لميــاء]

انا كنت في تركيــــــا ولمـــا صــــار الغــــزو رحنــــا البحريـــــــــــــن وسكننــــا في مدينــــة حمــــــــــــــد

وكــــانت أســـوأ أيـــام حيـــاتي الله لا يعيييد هالايااام وييييييييع (( على فكره البحرين وأهل البحرين تاج على الراااس انا ماااقصدهم ))

 

[live your life]

صامدييييييييييييييييييييييييييين
والله لا يعود هل ايام كان عمري 5 سنين واذكر لما يات خالتي مقعدتني من النوم والله اني ماني قادره انسى هل يوم ولاني قادره انسى شنو كنت لابسه خالتي قعدتني تقولي قومي قومي حرب حرب بنروح بيت يدج وانا اقول لها اي حر عادي خلينا قاعدين هني ليش نروح بيت يدي ولا استوعبت شنو يعني حرب الا لما طلعنا بالشارع وشفنا الجنود وطريقة تفتيشهم للسياير ماهمهم حريم او يهال
واذكر بكل تفصيل شنو صار بالضبط وياريتني ما اذكر لانها جد اسواء ايام حياتي لي درجه اني لي الحين ولي هل عمر اخاف من صوت الرعد يذكرني بالغزو واحلى شعور لما تحررت الديره والله رجعها لنا وظهر الحق

 

[الشاهينه]

انا بالغزو كان عمري 12 سنه وكنا بالامارات شعب ينحط عالراس وشيخهم زايد الله يرحمه

 

[حناينq8]

أنا كنت صامده وكنت حامل فى ولدى البجر......أيام الغزو ما تنمحى من الذاكره أمى وأبوى كانوا مسافرين وباجى إخوانى وخواتى المتزوجين كلهم طلعوا من الديره أول الغزو ما بقت إلا أخت واحده كانت صامده معانا.....يوم التحربر يوم لا يمكن أنساه وسبحان الله دايما أقول مثل ما دخلوا علينا فجأه واحنا نايمين طلعوا وهم احنا نايمين قمنا الصبح ما لقيناهم....عسى الله يحفظ الكويت وأهلها من كل مكروه

الجبنه دشوا مثل الينانوه علينا وطلعوا واحنا نايمين بعد على قولتج

حسبي الله عليهم دنيا واخره

ومشكوره حبيبتي على المشاركه