وين كنتي وقت الغزو ...صامده والا بره الديره ؟؟

[مسك81]

صامده صامده وكلي فخر وكان عمري 8 سنين واتذكر كل شي وبيتنا يم بيت الشهداء اللي بالقرين والله لايعودها من ايام وكانت صج ماساة والحمدلله على كل حال

 

[حناينq8]

رونق

الله يرحمهم برحمته وفخر لكم طبعا هالشهداء اللي راحوا فدا للكويت


رفاعيه

مشكوووره على المشاركه حبيبتي

حلزونه

ماشالله احلى مكان مواليدج - والله يحفظ ديرتنا من كل شر
كيكه توفي

حياج الله حبيبتي


مسك

حياج الله حبيبتي والله يرحم ابطال القرين وكل شهداء الكويت

 

[أدووويا]

ماكنت موجوده على هالدنيا

 

[سلة فواكة]

صامده كان عمري 3 سنوات ..

 

[strawberry89]

صامده بس كنت بيبي هههههه
الله لا يعيد ذيج الايام

 

[حناينq8]

حياكم الله حبيباتي

 

[ام عزيزان3]

صامده وافتخر..
وكان عمري تقريبا 14 واتذكر عدل شصار,,,وتقريبا كل اهلنا وعايلتنا صامدين
واتذكر لما بدي القصف الجوي صوت الانفجارات تهز البيت وكانوا العراقيين حاطين عينهم علي بيتنا يبون يقعدون فيه لانه موقع استراتيجي بالنسبه لهم عمي بعينهم كانوا بالليل ينامون بحديقتنا..واذكر طقو الباب اشكره يبون سيارة خالتي تيوتا يموتون عليها وخذوها
واتذكر لما منعوا السيارات الي لوحاتهم كويتيه ان يمشون بالشارع وقاموا الرياييل بقواري يطلعون يبون اغراض
وعيال خاتي كانوا اسري بس الحمدلله طلعوا..ولد عمي اعدموه الجيش العراقي اطلقوا النار عليه عبالهم مات جم طلقه بس انكتب له عمر يديد
سبحانك ياربي
الله لايعيد ذيك الايام,,بس صج كانت فرحة التحرير ماتنوصف قعدنا من النوم علي صوت هرنات وطلعنا بالسكه ولا الناس كلهم معلقين اعلام ماشاءالله عليهم من وين يابوها بذيك الفتره

 

[حناينq8]

عيل انتي بنفس عمري

الحمدلله على سلامة ولد عمج وسلامة الكل

وكل الشكر على مشاركتج يقلبي

 

[حناينq8]

للــــرفـــع

 

[حناينq8]

:q8:

 

[derwaza]

صـــــامده واتذكر كل شي
الله يعز ديرتنا ويبعد عنها الحساد

 

[FdeT LmoSa]

انا كنت ما انولدت لوووووووول

بس اهلي طلعو بره الديره وراحو السعوديه

 

[حناينq8]

شكرا على المشاركه

 

[ضفدوعه]

صاااامده

 

[ام شموخ]

صاااااااااااامده

 

[حناينq8]

حياج الله شموخ

 

[ورد الطايف]

اذكر سافرنا السعوديه وقعدوا اخوان الرابعه بالكويت وابوي خذانا بس احنا يالبنات وذكر امي وابوي يبكون لمين ودعوا اخواني والحمدالله لمين تحررت الكويت رجعنا الا وكل اخوان موجودين كانوا اخمون الشوارع الكويت وامي اول ماتحررت لكويت رفعت برقعها جدام الجوازات الكويت وتلوووووووووووولش وضحكوا عليها

حمدالله اللي رجع ديرتنا وحفظ اعيالنا اللي كانوا فيها

والله يرحم شهداءنا وا سرانا

 

[كويتية و لكن]

كنت مسافرة قبل الغزو باسبوع بس رديت دخلت بالغزوا الله لا يعيد الشر

 

[حناينq8]

اذكر سافرنا السعوديه وقعدوا اخوان الرابعه بالكويت وابوي خذانا بس احنا يالبنات وذكر امي وابوي يبكون لمين ودعوا اخواني والحمدالله لمين تحررت الكويت رجعنا الا وكل اخوان موجودين كانوا اخمون الشوارع الكويت وامي اول ماتحررت لكويت رفعت برقعها جدام الجوازات الكويت وتلوووووووووووولش وضحكوا عليها

حمدالله اللي رجع ديرتنا وحفظ اعيالنا اللي كانوا فيها

والله يرحم شهداءنا وا سرانا

الله يخلي لكم امكم
ومشكوره حبيبتي على المشاركه

 

[حناينq8]

كنت مسافرة قبل الغزو باسبوع بس رديت دخلت بالغزوا الله لا يعيد الشر

امين
ومشكوره يقلبي على المرور