كوفي بدعتي حبيبتيريحانه 14 اي والله اذكر كل شي الله حفظنا حبيبتي والف الحمدلله على نعمة التحريرواذكر لما راحو الخدم وغسيل الهدوم ههه
الله يعطيهم العافيه الوالده وعمج هههه وزين سوا فيه والله كان احلى خبز سواء محرووق والا عيين لان من ايد شبابنا.. اي والله ياكلون اكل مو طبيعي هالجنود لا باركت فيهم واحنا واعليا خمس خبزات الماكسيموم مع الامية فلس مالتهم ام انخله واهمه اييون يتشرطون
استغفر الله الخبز الاسمر كان صج اسمر وطعمه الله يزيد النعمه واذا سخناه نصه بارد نصه حار ههه والماي قلاس واحد تقشف وكنت من الدولكه انييشنه بحلجي من مسافه ما احب اشرب من عقب احد.. والا الكاكاو الاردني بو قرطاسه سوده ويع ما كنت آكله وكنت اتحلم بالكاكاو من النقص هههه وبعد التحرير اذكر رفيجتي يابتلي من الامارات جيسه متروسه سفن آب وكاكاو والله كان كنز .. واذكر اغنيه سووها المعارضين حق صدام (يا عراقي يا عراقي اشلون ترضى تستوي لعبه ايحركها ايد اللي جوعووك ..)
واذكر قناة العراق فالحيلي اغاني "فليسقط الاجنبي الله اكبر مكه وقبر النبي الله اكبر ارض الحجاز ووو نجد.." واخذي من الهوسات مالتهم !! والا اذا قابلو جنودهم بالكويت .. واذكر بالتحرير رحت شفت الخنادق مالتهم اللي كاتب كلام حق حبيبته واللي مثبت جامه داخل الخندق يعني دريشه والله بعضهم يكسرون خاطري كانو مجبورين حسبي الله على صدام وكل من والاه.. واذكر مظاهرات بعض الفلسطن وشلون رافعين صور صداموو وكل واحد مستانس هالخونه اللي ما بينت بعينهم النعمه .. وااي وكان السبوح بالحسره والماي بارد نسخنه بطشت!! كانت صج ازمه وازمه مو هينه على كل اللي اصمدو ولا آخر الايام وانسحاب سياييرهم واصوات القصف بس الحمدلله تعلمنا وايد امور اولها حبنا لديرتنا وقيمة الامان وثانيها شلون نقدر النعمه واشلون نعامل الخدم وتعب العاملين وآخرها ان مو كل الدول تستاهل ثقتنا .. اذكر لما احي العلم من اوصل حق تحيا الامه العربيه تييني قصه بقلبي لان مو الكل يستاهل
واذكر ايام ماكو كهربا وانشب السري وانييب قراطيس ونكتب من الدخان الاسود اللي يطلع من السراي.. والا المنشورات اللي نسويها .. آآآه عليج يا كويت الله لا يعود الشر
نفس اللي كان يصير معانا
الا تذكرون البيض اللي قشره احمر ؟؟؟؟؟
ما كنت اشتهي اكله مع انه نفس طعم العادي بس ليش قشره مو ابيض ما كليته لووووووووووووول
