وين كنتي وقت الغزو ...صامده والا بره الديره ؟؟

[حناينq8]

كان عمري 3 سنين بس كنت صامده مع اهلي

ولما صار التحرير بعده سافرنا

حياج الله يا احلى توووتا
ومشكوره على المشاركه

 

[حناينq8]

احنا كنا صامدييين
بس انا ما اتذكر شي لأن كان عمري 4 شهور
بس الحمدالله ردت لنا للكوييت

حياج الله حبيبتي
ومشكـوره على المرور

 

[حناينq8]

احنا كنا مسافرين قبل الغزو بتركيا و كانت ردتنا الكويت 2-8 تخيلو .. ووقتها كان عمري سنتين ودونا اول شي الرياض عند اهلنا ..

و بعدين رحنا البحرين لان كل اهلنا اللي كانو مسافرين ودوهم البحرين و خذينا بيت و قعدنا فيه .. والفريج كان كللله بيوت كويتيه ..

الله لا يعود هالايام ويتمم علينا الامن و الامان و الراحه و الاستقرار

اللهم امين - وكل الشكر حبيبتي على مرورج

 

[حناينq8]

قعدنا شهر من الغزو بعدين رحنا مع خوالي كلهم الدمام قعدنا عند اهلنا هناك
انا ما اذكر هالفترة لأني كنت صغيرة توني 3 سنين
ابوي تم بالكويت قعد عند يدي ويدتي وعمامي
كان يروح حق البصرة يتصل فينا من هناك ويشتري اكل من الشبرة هناك ويرد الكويت يوزعه
الله لا يعيدها من ايام

اللهم امين
وكل الشكر على مرورج حبيبتي

 

[حناينq8]

كان عمري 6 سنوات اذكر هالايام عدل كنا صامدين

ممممممممممم شقول شخلي شريط يمر كأنه شي توه صاير

اهم حدث صار بالنسبه لي اني كنت اصارخ معاهم كل يوم

الله اكبر

عاش جابر
عاش سعد


وما ااقدر اكمل الكيبورد غرق بدموعي

يقلبي والله
الله لا يعودها علينا يارب
ومشكوره على مشاركتج حبيبتي

 

[حناينq8]

<< تقرى الردود ومدمعه

انا ماذكر شي كان عمري شهرين ...

<< مواليد الغزو...

حلو الموضوع

حلت دنياج مشكوره حبيبتي على المرور

 

[حناينq8]

رحنا الحفر وبعدها القطيف سكن الجيش كان مخصص للكويتين بس الله لايعوده

حياج الله ياحور

 

[SPIDER-WOMEN]

صاااااااااااااااااااامدووون
وكان عمري 7 سنوات وتقريبا اتذكر كل شي الى التحرير يوم سمعنا الرادو العراقييين يقولووون انسحبووووووو الله لا يرجع ذييج الايام
والله يحفظ الكويت واهلها من كل مكروووه

 

[حناينq8]

صامده

حياج الله حبيبتي

 

[حناينq8]

صااااااااااااااامده

حياج الله يا مطيريه

 

[حناينq8]

واى فشتلونى الظاهر انا اكبر وحده بالمجموعه

الرجاء عدم اصطحاب الاطفال

عمرى كان 16 وملجتى كانت يوم الغزو الله لا يعيده ابوى مع زوجته مسافرين من شهر 7

انا وامى واخوانى قعدنا لغايه التحرير

يوم التحرير كنا بنطلع بمسيره ما كو بنزين
تمينا 3 ايام نطلع مسيرات مشى بمنطقتنا

يوم صارت الضربه رحنا انخشينا بسرداب الجمعيه والله المنظر بحياتى ما انساه بيوت العارضيه ما فيها سردايب وكل اللى بالمنطقه كنا مودجودين بالسرداب

بيتنا كان جبال محافظه الفروانيه ومن شباك بيتنا كنت اشوفهم واهم ياخذون الاسرى الكويتيين ويعذبونهم وشفتهم يوم باقوا اغراض المحافظه حتى الزل خذوه

منطقتنا تقريبا ما كان فيها احد يمكن الا بيتين او ثلاث وكل ما يصير ضرب امى تخشنا بكبتات المطبخ حسباله ما راح نموت او ننحاش بيت عمتى بالجهراء

ترى قصص الغزو وايد بما انى الاكبر تقدرون تستفيدون منى وتأرخون التاريخ ( الحمدلله والشكر)

ادعوا يا بنات ان الله يحفظ هالديره من كل شر ويتم علينا نعمه الامن والامان

اللهم امين الله يحفظ ديرتنا اللي من غيرها ما نسوا

ومشكوره يقلبي على مشاركتج الحلوه

 

[حناينq8]

انا واختي وامي كنا بالمانيا وليلة الغزو مكلمين ابوي بالكويت وكلمناه اول يوم الغزو ويحاجيننا ويقول قاعد اشوف الدبابة من البلكونة يم البيت والمفروض نرجع الديرة بعد تاريخ الغزو باسبوع بس الله ماكتب وابوي انأسر بتاريخ 4\10\1990 ومافكوا اسره الا بعد اربع شهور تقريبا واللي معاه بالاسر كلهم ماتوا مافي واحد منهم طلع الله يرحمهم ويكتبهم من الشهداء وبعد التحرير طلع ابوي من الكويت بعد شهرين تقريبا يه عندنا بالامارات وقعد معاننا شهر ورجعنا كلنا للكويت الغالية ...
كان عمري 15 سنة ..

مشكوورة صاحبة الموضوع ...

العفو حبيبتي
وانتي مشكوره على سرد ذكرياتج بهذي الفتره
والحمدلله على سلامه ابوج

 

[حناينq8]

انا ماذكر وايد اشياء بس كنا صامدين الحمدالله

حياج الله حبيبتي

 

[حناينq8]

الله لايعيد هالأيام علينا إحنا كنا صامدين وكان عمري 5 سنوات

مشكوره على المشاركه يقلبي

 

[حناينq8]

صاااااااااااااااااااامدووون
وكان عمري 7 سنوات وتقريبا اتذكر كل شي الى التحرير يوم سمعنا الرادو العراقييين يقولووون انسحبووووووو الله لا يرجع ذييج الايام
والله يحفظ الكويت واهلها من كل مكروووه

اللهم امين
ومشكوره على المشاركه حبيبتي

 

[غروري ضروري]

انا كنت صغييييييييييييييييرة بعد

بس طلعنا وابووووووووي قعد بالديرررررة بالجيييييييش..

 

[حناينq8]

انا كنت صغييييييييييييييييرة بعد

بس طلعنا وابووووووووي قعد بالديرررررة بالجيييييييش..

مشكوره على المشاركه حبيبتي

 

[يعني لازم أحط اسم]

صامدة وكنت نايمة بالمستشفى ومخلصة عملية اللوز اللي مال البلاعيم وبعدين وانا بفراششي سمعت صوت طلقت نار وقتها قمنه اندق على يدي اكثر من مرة وياله يالنه ومرينه بالسيارة صوب الجيوش العراقيين واشوة ما سوولنه شي وقت اللي رجعنه البيت جنه كان ماكو كهربة مادري نسيت المهم عرفنه ان ماسكين ابوي وقفو بالشمس بس الحمدالله ان اهو ومع واحد قدرو ينحاشون من غير ما يشوفونهم وانا وقتها جني كنت روضة او ابتدائي ما اذكر بالضبط بس كنت اصغيرة

 

[حناينq8]

الحمد لله على سلامتج حبيبتي
وكل الشكر على مشاركتج

 

[Little Things]

صاامدة بس ماذكر عدل كنت صغيرة الله لا يعودها من ايام