وين ممكن أتوظف ؟؟

[Cindy]

السلام عليكم ورحمة الله وبركاته :aha:
أنا متخرجة من الجامعة العربية المفتوحة بكالوريوس تقنية معلومات وحوسبة ITC بتقدير امتياز مع مرتبة الشرف وعندي شهادة ICDL يعني اتقن كل برامج مايكروسوفت بالاضافة لبرنامج الFrontPage وأعرف بعض لغات البرمجة مثل C++ و VB.NET مستوى متوسط
راح تقولون قدمي على الديوان ما اقدر :0bee2e8d89: بدون
فياريت اللي تعرف بصورة أكيدة شركات او معاهد توظف البدون تبلغني والله يوفقها دنيا وآخرة ​

 

[Natasha]

السلام عليكم ورحمة الله وبركاتة

اختي ساندي انا نفس حالتج هم متخرجة من العربية المفتوحة وتخصصي it ونفس ماتعرفين راح اخذ icdl

قدمي على الشركات في المنطقة الحره في الشويخ

بس مهم حيل انج تتقنين اللغه الانجليزية

والله يوفقج يارب

 

[Cindy]

قوة نتاشا الشويخ بعيدة أبي مكان أقرب ومناسب أكثر لشهادتي
ومشكورة على الرد وبالتوفيق أجمعين​

 

[Natasha]

الله يقويج ساندي

طيب حبيبتي اخذي لج فره على المدارس الخاصه الي عندكم بالجهرا

المدارس ثنائية اللغه وقدمي عندهم انتي وحظج

وهم قدمي على وزارة التربية

اما شركات ما اقدر افيدج فيها لاني ماعرف اي شي بالجهرا ولا حتى صوبها

بالتوفيق يارب

 

[Cindy]

هلا نتاشا بالنسبة للمدارس الخاصة العربية انا مابيها تخيلي معلمة الثانوي ما يتعدى معاشها 200 دينار :cxxxp: ويالنسبة لثنائية اللغة ما في بالجهرا الا مدرستين وانا قدمت من زمان عند وحدة منهم وماكو شي للحين مثل ما تعرفين كل شي يبي واسطة والتربية نفس الموضوع قدمت وما دقوا علي
أنا بصراحة مابي التدريس من الأساس لكن شسوي مافي بمنطقتي شركات أو مؤسسات تناسب شهادتي
عالعموم شكرا يالغالية على الرد :eh_s(7): وناطرة البنات بالمنتدى يفيدوني أكثر بهالموضوع​

 

[رحيل المرافيء]

رد : وين ممكن أتوظف ؟؟

قدمي بوزارة التربية اسمحوا للبدون
وعندج الجامعات الخاصة قدمي فيها يبون اداريات
عندج وكالات السيارات جربي قدمي فيها سكرتارية او اي شي وقريبة من الجهرااا
وجربي تدريس في المدارس الاجنبية الخاصة مو شرط الجهرااا اغلب المدارس القوية بحولي والجابرية

 

[Cindy]

مشكورة اختي على الرد لكن ما أقدر أتوظف بأماكن بعيدة عن منطقتي