وين نروح؟

[Nonono83]

السلام عليكم
بنات من صجي وين تروحون غير المطاعم؟ انا وحده مابي اكل المطاعم لان مابي امتن شلون ماكو الا المطاعم؟ لاتقولون سينما حمدلله عندي شوتايم وكل الافلام يدد وزوجي مدخن فما يرتاح بالسينما لان ماراح يدخن وين اروح مايحب السوق هو طقتني البجيه ياربي وين نولي نغير جو مليييييييت

 

[el lulu]

وعليكم الســلام ورحمة الله وبركاته

معني مو وايد خبرة بس يمكن اهو ما يحب السوق لانه ما يحب تفققنا احنا الحريم بالمحلات نطول وما يبقى شي ما نطالعه ونبي نشتريه .. انتي قوليله خل نروح السوق نتمشى ما نبي نتسوق ولا نبي نشتري شي. تمشو بالمجمعات الحلوه واليديده قعدو بكافيه شربو قهوه ... روحو شــــاليه بالويك اند ... شوفي اعلانات حق المعارض والانشطه والسوالف الحلوه الي تصير بالديره وروحوو من طقة كويتي وافتخر ومعارض تجهيزات رمضان و انشطة ارض المعارض بمشرف وغيره .. روحو مسرحيات اذا في.. او حتن وانتو بالبيت سوولكم جو وسهرو على فلم ... طبخي عشا تحبونه اكلو واستانسو يميع سولفو جذي يعني ونسي نفسج وانتي بالبيت.. أو روحو افترو على اهلكم قراب وبعاد زوروهم منها صلة رحم ومنها تغيير جو .. روحي عرووس استقبالات عزايم روحي دروس دينيه او محاظرات او حتن لو تشتركين بدورات ميك اب او طبخ .. والله وناسه بس لازم انتي تدورين وتشوفين شنو اكو ماكو وراح تلقين اشياء تسوينها وتغيرين جو فيها )

 

[Nonono83]

مشكورة حبيييبتي ماقصرتي عطيتيني جم فكرة والله

 

[M!SS.LOBY]

ررفع

 

[james546613]

الحمد لله ويالله من فضله ورحمته عندنا المزارع للتاجير في الوفرة والعبدلي صيف شتا .. وعندنا البر شتا الى شهر مارس ...عندنا البحر الي متهنين فية الوافدين عندنا منتجعات مثل صحارى .... عندنا حدايق الي هجروها اهلها وصارت من نصيب الوافدين مثل حديقة مشرف وغيرها عندنا مدينه تشرح الصدر الا وهي الاحمدي وفي المساء عجيبة هذي الايام تركناها لاهل الهند والسند ...عندنا سليل الجهراء وشحلاته والتمشي فية رياضة وراحة ...عندنا معاهد صحية من ارق الاندية وانظفها اكواتونيك سبا
Flex Fitness Executive ...ولاانسى الممشى في كل منطقة وان تفاوتت درجات جمله من منطقة الى اخرى ..والمعاهد التعليمية على كيف كيفك طبي وتخيري ...وياحلات القعدة عند نوافير الكوت والتمشي على المسطحات الخضراء بالقرب منه ....وملاعب حديقة الشيويخ الي جنك في تايلند او الصين من كثر مرتادي هذي الحديقة من شرق اسيا ... وعندنا متاحف مايدلونها الكويتين مثل متحف طارق وغيرها .. وتمشي بين الحاضر والماضي مابين المباركية وجراند افنيو والمقاهي الشعبية واشربي جاي بدون سكر ...

 

[<miss botamba>]

المباركيه

يوم البحار

المركز العلمي

منتجعات

سبا

مزارع

شاطىء شويخ

روحوا اسواق شعبيه


سوق اليمعه

المشاتل

دورات طبخ عندج شيف بوتيك تقدرين تروحين انتي وريلج تتعلمون طبخ

لول والله في وايد اماكن مو شرط ترفيهيه

يعني عادي خلي حتى طلعه الجمعيه وناسه

 

[نـعـومـه]

روحو حديقه الشعب لعبو وناسه

او الترفيهيه

روحو المركز العلمي تمشي برا حلووو او الجزيره الخضرا او مشاه المارينا او شوفي المتاحف

قهوه شعبيه بعد يوم البحار

 

[نـعـومـه]

عندج القعده يم نافوره الكوت حلوووووه

والتمشي برا بشرق صوبىالجسر

عندج بعد تأجرون يخت يفتر فيكم

 

[M!SS.LOBY]

روحي للكوفي غيرو جو هادى وناسة

 

[Pinky -cat]

اي والله الواحد يحس سوا كل هاذا

 

[elegantway]

للرفع للرفع

 

[Nonono83]

مشكورين بنات ماقصرتو

 

[نوف الصقعبي]

تدرين اغلب الحالات اللى تمر علي جذي

سببها ان ماتكون تصلي او زوجها مايصلي

فمهما يسوون يحسوون بخنقه وضيق وملل وحزن

ادري طلعت برا الموضوع بس انا حبيت اعطي رايي

الصلاة تشرح الصدر وايد وكافى انها رضا لرب العالمين سبحانه جل جلاله

والله حتى لوتقعدين مع زوجج بجحر بتحسين نفسج ملكة زمانج


وترى قعدة البحر حلوه وايد
اخذو بساطكم جايكم اوعشاكم ريوقكم غداكم او قعدو اشوو لحم عالبحر عالتراب والله متعه


مرات انا وزوجي نروح نحدق سمج لاتستغربين بتحسين بصبر ومتعه وراحه بال

ومرات يحز لي بفندق تغير جو

عندج فندق السفير بالفنطاس وايد حلو
وعندج هيلتون المنقف هم حلو ويسوون حفلات باربيكيو للشوي

اخذي ريلج وروحو معهد الشفاء الصيني بالسالميه عند المطافي
سوو مساج استرخاء راح ترتاحين وايد
في قسم للنساء وقسم للرجال
الجلسه ب 10 دنانير

فكرتي تشتركين بنادي للرياضه والسباحه ؟؟
راح ياخذ جزء كبير من وقتج للافضل

فكرتي تدشين دورة تعليم طبخ او حلويات
او دورة تصميم ازياء
او دورة تعليم الخياطه
او دورة تعليم المشغولات اليدويه
او معهد الفنون التشكيليه لتعليم الرسم والنحت والحرف اليدويه

ترى كل شي الحمدلله متوفر وموجود عندنا بالكويت اغلب البنات غافلين عنه
وعبالهم الكويت مافيها غير المطاعم والسينمات
طبعآ غلط

فكرتي تدشين معهد لتعليم اللغات
انجليزي
فرنسي

وايد امور ممكن تفيدج لنفسج

فكرتي تدشين دورة تعليم المكياج

مرات الاثاث البيت اذا صار له دهر ماتغير ترى بعلم النفس يسبب كآبه شديده

غيري لون الصاله
غيري بدارج

حاولي تحركين مخج باللى قلته لج

ولاتنطوين على نفسج

استفيدي من وقت فراغج للأفضل
ترى الزوج مايحب الزوجه الحنانه
ومايحب الزوجه اللى ماعندها شي بحياتها غير الأكل والنوم والقرقه
يمل ويطفش

استغلي وقتج ولاتحنين على ريلج

شوفي شي تشتركين في تسوينه تتعلمينه
من الافكار اللى نصحتج فيها

والله يكتب لج اللى فيه الخير

إن شاء الله​

 

[Nonono83]

نوف ضحكتيني والله اخر وحده ممكن تحن انا ماكو لسان كلللللللللللش والحمدلله الصدر منشرح يالله لك الحمد وملتزمه بصلاتي بس انا اذا قلت ابي اماكن يديده بس
مشكورين وماقصرتو

 

[سندس 90]

اب 