ويين اروووح؟!

[F6oom.f]

السلام و عليكم

بناات يقولون هالسنة بيرفعون النسب انا مادري شسوي
الحين انا اخير سنة و يمكن نسبتي تكون 82 و بخاطري ادش هندسة بترول
حيل بخاطري هالتخصص مادري شنو رح اسوي و ماكو تفكير غير هالتخصص
بنات اذا بجامعة الكويت ما سجلت اول كورس تهقون الكورس الثاني يقبلوني
و اني ادش ack الكلية الاسترالية بس مادري اول شي دبلوم و اذا مايبت مغدل ما يقبلوني بكلريوس
و يمكن ما يقبلوني بعد و انا عندي كرت اعاقة صج ينزلون النسب و لي اولوية اذا عندي الكرت
بنات عفية عطوني رايكم و حلول ثانية عشان اقرر ما بقا شي عالتخرج:eh_s(11):

وشكرا:eh_s(17):

 

[شوق الوليف]

حبيبتي فطوووم الله يوفقج يارب ولاتحاااتين سهااالات ان شاءالله انا بجامعه الكويت بس مو هندسه حتى لو قدمتي وماقبلوج الهندسه انقبلتي بكليه ثانيه تقدرين تحولين عااادي انا كنت ابي التربيه وخاااطري فيهااا بس قبلوني الاداب عشان نسبتي ماتدخلني للتربيه والحمدلله حولت للتربيه

 

[Abla.mariom]

لآلآلآ تدخلين الكليه الاستراليه

صج وناسه و مادري شنو

بس ترا بيسقطونج عشان يلطون منج الفلوس

و الصراحه هالنسبه ما اتدخل هندسه بدون رفع نسب ما اتدخل

شدي حيلج مافي شي مستحيل

و تربيه بعد جنه ما اتدخل

بس اذا عندج طموح

دخلي علوم اداريه جامعه الكويت

( اخذي قددددرآت )

و حوووولي للهندسه

الله يوفقج

و قبل كل شي استخيري

ترا الهندسه مو شي هين

الله يعينج​

 

[ريتاج_90]

موووووووفقه

اب
اب
اب
اب

 

[F6oom.f]

يعني محد يعرف جم نسب ذوي الحتياجات الخاصة للهندسة ؟!

 

[ام حديجان]

حبيبتي نسبتج حلووه وتدخلج اللي تبين

نسب قبول السنة اللي طافت بجامعة الكويت لـ ذوي الاحتياجات الخاصة كانت :



5) الطلبة ذوي الاحتياجات الخاصة (للكويتيين وأبناء الكويتيات) : عليهم مراجعة صالة القبول والتسجيل بالشويخ أثناء ساعات الدوام الرسمي في الفترة 1 – 17/7/2012 مصطحبين معهم المستندات المطلوبة . علما بأن النسب الدنيا لقبول طلبات الالتحاق لهؤلاء الطلبة هي :

- للقسم العلمي : 65 % فأكثر أو 2.25 نقطة .

- للقسم الأدبي : 72 % فأكثر أو 2.60 نقطة .


المصدر : جامعة الكويت



والهندسة قبولها يعتمد عالمعدل المكافيء : يعني نسبة اختبارات القدرات و الثنوية مع بعض

شدي حيلج وحددي من الحين شنو تبين لا تتخبطين يمين ويسار وتضيعين عليج وقت

عندج كليات الجامعة كلها شوفي وين ترتاحين


مووفقه ..

 

[sho-sho_93]

المعاقين يرفعونج 5% وانتي يبي درجه عدله بالقدرات والله يوقفج

 

[Duoi]

الله يوفقج

 

[AUM-]

حبيبتيِ عسى ربي يوفقج أول شيِ

أنا بما اني فاهمه بجامعتي aum بكلمج عنها و يمكن تستفيدينِ ،

عندنا هندسة : صناعيه ، كمبيوتر ، ميكانيكية .. و اعتقد في وحدة بس ناسية و الله

و عندنا بزنز : تسويق ، محاسبة ، تمويل ، موارد بشرية ..

و فيه اعتقد علوم تكنلوجية

طبعا الشهادة بكالريوس ، و بعدها اذا تبين تكملين ماجستير هم عندنا ..

غير جذي ، انا بعثة داخلية و نسبتي كانت 87 و شوي و انقبلت هندسة و تالي غيرت لأني مو حابة التخصص و كنت بدشه عشان امي بس استخرت و غيرت .. و الحين الحمدلله مرتاحة ..

جامعتنا يهتمون بالمهارات و شلون تتعلمينها ، باختصار يهيئون حق الوظيفة بشكل متكامل

مشكلتنا البسيطة الي الطلبة ما يحبونها اهوا النظام النظام النظاام

و الغياب و الحضور شوي صعب ، يعني عندج عد معين اذا عديتيه تنفصلين ..

غير جذي درجاتج بيديج و محد يقدر ياخذ حقج ..

عندنا ايفنتات و معارض و سوالف ، و بصراحة وايد يهتمون فينا كطلبة ،

فكري و استخيري و جوفي حلمج و طموحج يا قلبي ، و بالنسبة للاعاقة فـ عندنا وايد مقبولين مشالله و من اشطر و اشهر الطلبة بالجامعه تبارك الرحمن =)

ربي يوفقج حبوبة

 

[Phlox]

و ليش متوقعه تتخرجين بنسبة 82 ؟؟
ليش مو 85 ترى كل شيء بإييييدج ..

ام حديجان قالت لج شنو نسب القبول ..

لا سمح الله ما انقبلتي !
أول شي بعييد عن سالفة التحويل ..
عنج البعثات خلي الداخليه
عندج الخارجية !
الامارات و السعودية و البحرين

ما تبين بعثه ..
ادشين كلية العلوم و تحولين او علوم ادارية مثل ما قالت وحدة ..
اصلا اتوقع لو دشيتي ادارية بتعوفين الهندسة

ما تبين سالفة تحويل ..
دشي تطبيقي هندسة كمبيوتر و جيبي درجات و كملي !

الحلووووول وااجد .. اهم شي يكون عندج انتي طموح
ولج هدف واضح مو ماادري !
و اكبر غلط ان تقولين ابي عالتخصص و بس حطي لج ع الاقل 3 تخصصات
اذا مو هذا هذا .. عشان ما تنصدمين اذا صار الي ما تبينه

في شغله بقولها انا ماادري شنو اعاقتج .. بس انتي عارفة شنو هندسة البترول ؟
ولا ع الاسم ؟
لا تفكرين ب الحين و بس فكري ل10 سنين جدام هالتخصص بكون له وزنه ل10 سنين جدام

فكري عدل .. و بالتوفيييق حبيبتي :*

 

[مطيريه ميه ميه_]

عادي تقدرين تدشين علوم او تربيه وتحولين الهندسه ترا سهله
تاخذين ست مواد بس وتشدين حيلج فيهم وتحولين

شوفي شروط التحويل

 

[اسيل الصمت]

موووووووفقه

اب
اب
اب
اب

 

[~*الزين الاصيل*~]

اول شي شدي حيلج واهم شي لاتنسين تقدمين اختبار القدرات لان حييل
ياثر على قبولج خصوصا كلية الهندسة جامعة الكويت
ورفيجتي قبلوها بعثه داخليه بـ aum هندسه كمبيوتر نسبتها شي وثمانين
وبالتوفيق