و تستمرر الحكااايه .. حمــااي العـلـج و حــلــولـكـمـ معااه ؟!!!

[دانة حبيبها]

:
:​

السلام عليكم ورحمة الله ..​

شلونكم ياا اموراات ..​

بتقولون معصبه شي طبيعي ..!​

منقهره شي عادي !!​

احسن الناس صار ما عندها دمـ !!​

والله السالفة عاديه بس مصخخخخخت حدهاا !!​

حاولت اكون صبوره و ييت و قلت لكم عن حمااي البتكس !!​

الي صك على حسني مبارك حتى !!​

:eh_s(14):​

انا استشرتكم و قلت بجرب الحلول الي قلتوهاا ..​

طبعا قبل جم يوم ريلي كان تعبان حدااااا لدرجة انا مو قادره اكلمه اذا مرض يصير عصبي حييل:eh_s(14):​

اخاف اسئلة ولا اقوله شي لان ادري ينقز و يتنرفز ..​

فـ شرف الضيف الثقيل .. الي اهوا حمااي ​

قلت فلان تعبان و ما يقدر يطلع لك .. ​

قال لاا قولي له بشوف المباراه معاه ما اعرف اشوفها بروحي بشوف شوط و بمشي ..​

قلت له تعبان قال ناديه حقي ..​

دشيت ناديته .. قلت له يبيك .. ​

ريلي حزتها جذي صااار :eh_s(16):​

قاله هاا سلامات شفيك ​

رد: تعبان والله ..​

قاله شعندك قاعد بروحك تعال وسع صدرك و نشوف المباراه و تنسى التعب ..​

سويت له شوربه و ناشبه عليها وانا جذي :eh_s(1):​

نزلت لان ودي اذبحهه مع اني احترمه !!​

ولا مرته قاعده تحت عند خالتي " على فكره علاقتي جدا عاديه ما بينا شي "​

قالت البنت : فلان عندكم ..​

قلت اي .. قالت : ياربي خليت له التلفزيون عشان يقعد و ما يروح لكم شوداه لكم !!​

قلت : عاد فلان حدااا تعباان و هو قاعد عنده .. اخاف يعديه ولا شي << ابيها تفهم ! :eh_s(2):​

قالت والله يمكن خالتي قاطه سره عندكم !! ​

سكت !! ​

شوي ولا ريلي ناازل .. يقولي خلص الشوط الاول وهوا قاعد شسوي بالله مليييت بنااام تعباااااااان​

و نفسيته حزتها لو اني مراددته جان مكفخني !!​

انا هني وصلت حدي تنرفزت .. قلت له قول حق خالتي ما صارت مصخهاا !!​

وانت صاحي امنه بالله بس انت الحين تعبان شلون يعني !!​

قالي : والمشكله مرته قاعده تحت و اهوا عنده كرت و كل شي وانا المباراه مابي اشوفها !!!​

قلت له قول حق خالتي !!! ​

قال لها .. كيت وكيت السالفة يماا مليت تعبت و مو قادر اتحمل خلاص​

اذا انا اخوي ومو بالعه بنت الناس شلون ؟ طول الوقت قاعده بحجابها !! :eh_s(14):​

قالت خالتي : انا ادري امصخها وايد حاسه والله .. وتقوم خالتي و تصعد معانا شقتنا​

انا دشيت داري و اهما بالصاله .. ناديت ريلي قلت عشان لا ينحرج جدامه !!​

عطيته دواه و قاعدين نتسمع ..​

قالت له : يماا ما يصير كلا قاعد عند اخوك .. ريال عند مرا تبي تاخذ راحتها .. واخوك تعبان و يبي يرتاح​

و من هالحجي < انا هني داخلي ارقص لان جد مليييييت ان شاء الله ما يناشبني بكل شي شريجتي صاير !!​

قلت عقب هالحجي بيحرم يمر عند ممرناا !​

تخيلوا شنو رد عليهاا ؟!!!!​

رد : يماااا الله يخليج انا و اخوي ننياز .. عادي عادي و مرته نفس اختي !​

قالت له : بس اهيا مو اختك عيب يماا اقعد بس مو على طول .. بعد بياخذون راحتهم شلون يعني ؟​

قال : يماا انا واخوي ننياز !!!​

انا جذي حزتهااا :eh_s(1):​

ريلي جذي :eh_s(2):​

ريلي حداا خجوول يقول شسوي اكثرر من جذي !!​

تعبت والله تعبت منه و فشله اقوله اطلع عيب مو حلوه بحقي ..​

راح و انسدح يمه بالغنفه و الاخ عاااااااادي ولا بعد قاعد فوق ريوله مناشبه على الغنفه بعد !!!​

وانا استسلمت و كل شوي اودي دوا ريلي حقه و اطمن عليه و اعطيه من الخزه و الافففف ..:eh_s(14):​

<< حدي مليت !!​

قاله ريلي قلت بس شوط ؟!!​

قاله والله كنت بقوم بس شسوي المباراه حلوووت حدهااا !! :ggdw:​

وقعد ليييييين خلصت و شاف التحليل و لما طلع ..​

ريلي صرخ عليه : سكرررررر الليتااااااات و اخذ الباب معااااااااااااااااااك ..​

انا داخل غرفتي نقزت من الصرخه لان حداااااااا فووول ! :eh_s(14):​

قلت يالله جووود يفهم !!​

ثاني يوم مشرف بو الشباب :eh_s(16):​

قلت له فلان طالع ؟!!!​

قال لاا سياارته موجوده توني شفته يوم رد :ggdw:​

انا هني انحرجت قلت ما ادري يمكن رد و ماشفته لحظة اشوفه !! :eh_s(11):​

شنوو الحل مااكوو الا انا اطرده بنفسي بس موو حلوه والله !!!؟؟؟؟​

قلت حق ريلي اطلع رووح وتاخرر لا ترد مبجرر ..​

يقولي شمسويلج انا ليش تبين تفتكين مني ؟!!​

قلت مو منك ابي شريجتي تناام عشان تفضالي شوي !!!​

لكم الكلمه ..! :eh_s(17):
:
:​

​

​

 

[!الجادل الصعب!]

ياآمن شراله من حلآله عله.. هذا والله النشبه ..
حبيبتي خلي اخوه يقوله يافلان المره بتاخذ راحتها في بيتها
اصلا عيب داش طالع من شقتكم ..!
لاجاكم يقوله خل ننزل الديوانيه تحت .. فلانه..!
لا يعوده لازق فيكم .. شهالوهقه..!

 

[كنوز2012]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

الصراحه :rgewrg:
عييييييييييييييييييب عليه​

 

[a7la MUM]

لالالالالالا
عااااااااااد مو صج
لي هالدرجه ماكو احساس!!
يبا حبيبتي ماكو غير ريلج يكلمه مو من صجه هذا
والشرهه على مرته السنعه صج عديمين احسااااااااااااااااااااااااااااااس
فديتها خالتج ماقصرت
والله يعينج حبيبتي كسر خاطري ريلج حرام عليه والله

 

[هدوء .]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

وااااااااااي الله يعينج شهالحما النشبه الله يعينج عليه
بس الغلط من ريلج بعد ما يصير جذي لازم يكلمه كلها شقه وانتي من حقج تاخذين راحتج فيها مو سالفه قاعده بحجابج
تدرين انا لو مكانج ما تحمل وما اسكت دام ريلج يستحي منه وكلام خالتج ما نفع يبه تحجي انتي او كلمي مرته

 

[BiiShOoO]

وااااي الله يعييييينج بس خلي ريييلج يكلمه الواحد يبي ياخذ راحته ببيته

وااي لزززقة

 

[Remember-Me]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

شكو ! عيب اصلن يدش بشقتكم !
انا عندي فكره خل رجلج اهو اللي يروح عندهم ويبط جبده وينشب له مثل مانشب لكم ويمكن يتوب

 

[مضاوي 75]

في حل ومسويته مرت حماي قبل حق حريم حماي

نظام بيتهم هو بيت حموله تحت وشقتين فوق وكل وحده بشقه والثالثه بشقه بروحها (طبعا هذه السالفه قبل لا تزوج)

المهم كانو حريم حماي الي بشقه بروحها والثانيه الي معاها بالبيت كل يوم يقعدون عندها يسولفون

والحرمه ملت منهم كل يوم كل يوم شنو سوت

يوم اصعدو عندها يبون يدخلون كالعاده قفلت الباب بالمفتاح وهو يطقون الباب ويسمعون صوتهم ولا احد يرد

ويطقون الباب مره ومرتين وثلاث وبالاخير ردت عليهم من ورا الباب وقالت ان المفتاح ضايع اذا لقيته افتحه لكم

وكانت السالفه واضحه مايبليها كلام بعد

ومن عقبها ريلهم خفت من شقتها ما قامو يصعدون لها الا بالتفق

فانت سوي مثلها على ان المفتاح ضايع ...اذا هو لهذه الدرجه مايفهم يتحمل الي يصير له وماله حق يزعل ولا يفك حلجه

 

[نـعـومـه]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

يضحك لما يقول قاعد بروحك شنو زوجته مومعاه !!!!!

مره ثانيه لاتردون على الباب او ردي قوليله نايم او بالحمام او مشغول ولاتستحون لانه الحيا ماينفع بهالحاله

صج اخوه وحرام يرده بس مولي هالدرجه

 

[Miss McDonald]

.


هذا مو علج هذا عنزوت @@ !

واي ودي اكفخه

حده سخيف !!!!!!!!!!!!!!!!!

وحل العضوة اللي فوقي ممكن ينفع جربي وناطرين الجزء الثالث

 

[ماركة انثى]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

الله يعينج شهاللزقة ياختي اقفلي بابج ولا ترديييييييييييييييييين علية مهما صار

اذا مايستحي لاتستحين منة

 

[eng^^zozo]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

ههههههههههههههههههههههههههههههههههههه .. والله يضحك حماج ..


المهم حبيبتي اذا ريلج ماتكلم ماراح يصير شي لازم تقولين لريلج انا بكشخلك وانا بسويلك وجذي وجذي عشان يتحرك ويكلم اخوه ..

مايصير جذي لزقه اسمله عليه .. شنو مرته ماتشتاقله يعني ناشب نشبه بريلج

 

[بنت الفوزان]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

ويع

 

[مـهـرة]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

واااااااااااي شنو هذا
انا اسمع عن الخاله او الحماة لكن اخوه!!!
لو انا منج جان صكيته بالصينيه على راسه عشان خلايا مخه تتحرك ويفهم
عشان جذي مرته تبي الفكه منه
الله يعينج شربوه ماي غريب عشان ينام

 

[اعذريني يالهدايا]

واااااي صج صج الله يعينج

انا اقرا سالفتج احس صخنت

الله يعينكم
شكله حماج ناطر الكلمه تطلع من ريلج

خل يقوله بو فلان شرايك نحدد يوم نقعد بالدوانيه

لانه المره ساعات تنظف الصاله بالليل واحنا ودثرتنا لي الفير منو ينظف عقبنا واهي بتنام

شرايك نقعد بالدوانيه

او لبسو وتجهزو حق الطلعه ومن يطق الباب طلعوله وقولوله وي عاد بنطلع نتعشى بره لمده جم يوم جووووود يحس

 

[Q8lady2009]

هذاااااااااا لزقة عنزرووووووووووووووووت

والله كاسرين خاطري انتي وزوجج


الله يعينج صج ماخذ بنفسه مقلب مالج الا انج تقولين حق مرته تكلمه مو حاله هذي

 

[كشفو سر الهوى]

انا قولج خلي زوجج يقلب الدور و هو اللي يروح له لشقته

و خلي زوجج ينشب له خلي على طول بشقته

علشان حماج يحس باحساس زوجج و زوجته تلوع جبدها مثلج

و يحترم نفسه و يتوب ههههههههههههههههه

ان كيدهن عظيم ههههههههه

 

[~Mazuna~]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

اناا ذييك المره سكتت قلت مااني رااده

بس هالمره نبطت مرااارتي

حماااج عديييم احساااااس واااااي ينرررفززززز شنو هذااا مااعنده دم

اهم شي انا واخووي ننيااز!!@@

ياافلان يا ماماا ترى اخووك قااعد مع زوجته بالشقه مو اخته


خلآص خالتح مافااد الحيين دور ريلج يتكلم

بس خلآص سكت مره مرتين 3 الحين لازم يتكلم ويعطيه ياها بالعظم

بزعل خل يزعل يزعل اليوم ويرضى بااجر ومومن حقه يزعل

لانج مرته ومن حقه يقعد معااج حاله حال اي واحد مع مرته برووحهم

واتمنى الجزء الـ3 يكوون بششاره وبدعيييييلج من هالبتكسس

 

[Fe6aMi]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

امبيه حمدالله والشكر سمحيلي يعني
وااااااااااااااااااااااااااااااي صج علج :rgewrg: اللله يعييييييييييييييينج
يعني انزين وين مرته عنااا ماتقوله بقعد معاك وله اذيت لوادم
يمكن محتر منكم امبيييييييه وله قاعد المفتش كونان يراقب السياره اذا طالع وله لا !!!
امبيه ابداااع ماكو الا تخلين خالتج تكلم مره ثانيه وله تكلم مرته يشووفونله صرفه ​

 

[ضايعة بدنيتي]

رد : و تستمرر الحكااايه .. حمــااي العـلـج و حــلــولـكـمـ معااه ؟!!!

ههههههههههههه صحيح ان هم يضحك وهم يبكي ..

ما اشوف حل احسن من ان زوجك يكلمه .. هو ابد الحمدلله والشكر ماكو احساس . اخوه مو عزوبي الحين .. ولا تسمحون له يدخل شقتكم خليهم يقعدون بالديوانية واذا بغى يدخل قولي له روح الديوانية واخوك يلحقك وخلي زوجك يعوده على كذا كل ما جا وبغى يدخل خليه يقول له روح الديوانية وانا اجي وراك . او انه يروح معاه واذا قال لا خلنا في شقتك لازم زوجك يقول له لااا الحرمة تبي تاخذ راحتها واحنا مسويين الشقة ديوانية . خالتك يابعد عيني ما قصرت . بس الولد علة ماكو احساس ربي لك الحمد .

وهقة ياربي. ربي يعينك بس زوجك لازم يتصرف هذي مو حالة !!