يآ بنات شوروا علي انفصل ولالا

[miss thrba]

السلام عليكم ..

ااخخخخ يا بنات مادري من وين ابدي انا مشكلتي كتومه حيل حيل ولدرجة الكتمان طالع لي بكل جسمي بقع كأني مطقوقه سبحان الله ..

بقولكم قصتي باختصار انا عمري 24 سنه ملجت من 7 شهور والمفروض عرسي بالعيد لكن اتخذت قرار الانقصال ونسبة القرار 90% :0bee2e8d89: ..

زواج عائلي تقليدي قبل الملجة متفقين انه انا ابقى على وظيفتي ورحب بالفكرة وقال بالعكس انا ابيها تكون موظفة واحب الطموح والخ من هالكلام والسالفة الثانية ابوي ما كان موافق انه يسكني بغرفة ببيت اهله بس قالنا انه شي مؤقت وراح ابي شقة ببيت اهلي فوق بس للاسف كل هالكلام شفوي وما كان على ورقة :s141:

بعد الملجة كل شي تغير كل يوم يقولي اتركي وظيفتج وكل يوم يلمح على هالسالفة ومره من المرات قالي انا معاشي راهي لا عندي اقساط ولا اجار ولاشي اتركي الووظيفة وان ااعطيج اللي تبينه , بعدها باسبوعين فتح نفس الموضوع وقالي اتركي الوظيفة قلتله اوكي بس تعطيني معاش قالي حدي اعطيج 100 دينار !!!!!!!

قلتلته شتسوي ال 100 ااعشي فيها اهلي قال ما عندي غير جذي !!!! وين الكلام اللي قاله من اسبوعين !!!

بعدين طلع لي بسالفة الغرفة قالي كانه امي حاطه عينها على الغرفة شي جذي قلتله عليها بالعافية خل تاخذها واحنا نتوسع قال شنو ؟ لا انا مفكر اقعد فيها 6 الى 7 سنين قلت يمكن يتغشمر سالته مره ثانيه بنفس الموضوع قالي ما راح نطلع الا بعدد ثالث يااهل !!

شوي شوي اكتشفت انه بخيل بس لي الحين مو متأكده عمره ما جانا البيت وبيده شي هذي رقم واحد .. رقم 2 ما عنده سيارة وينطر سحوبات من سوبر ماركت بالكويت !!!:krkrkr:ودايما يبيب طاري الفلوس والتوفير ويقولي وفري من المهر عشان لما نسافر تشترين اللي تبينه من فلوسج !!:gr4uu:


واحنا ما عندنا سوالف طلعات الا بعد العرس فـ بالاونة الاخيرة كاتبلي رسالة بمرج المغرب نروح المطعم الفلاني !!! :080402ask_prv:

اولا على اساس ماكو طلعة الا بعد العرس وهذا من احد الاتفاقات وثانيا اللي اعرفه انه الوحدة وقت الملجة المفروض يدللها زوجها وين تبين نروح اي مكان تحبين مو تختار الشي اللي تحبه وتفرضه عليها !!!:bbbiu:

انا اكمل دراستي وقتها كان عندي امتحانات قلتله عندي امتحانات قال اوكي بعدها بيومين قالي بس تخلصين امتحانات ابيج تسوينلي جبده ونروح ناكل على البحر !!!!!!!!!!!!!!!واحنا مو طالعين مع بعض ولا طلعه عموما كل شي قلته يمكن يكون سخيف لكن الموضوع الاخيررر حيل مأزمني


بعد الملجة بشهر قالي اكيد انه امج قالتلج انه لازم تروحين طبيب امراض نسا تفحصين !!!

انا من الفشلة سكت وغيرت الموضوع .. بعدها بشهر رد فتح الموضوع بس كان على الواتس اب ف حسيت اني اقدر ارد قالي ها شسويتي بموضوع الطبيب قلتله ليش يعني ؟؟؟

قالي يمكن تروح فيه التهابات مجهريه ما تبين الا بالمجهر بعدين اذا صارت ليلة الدخلة وكان فيج هالشي ما اقدر اجيج اسبوع ولازم علاجات

بعدها سالني قريتي كتاب عن الثقافة الجنسية !! قلتله لا عصب ليش اقري مادري شنو قلتله عفوا القطوه قاريه كتاب!! كاهي شزينها عندها عيال بالفطررره كل شي يصيررر ما عجبتها سالفة الفطرة !!! وقالي روحي الطبيب كشفي !!! :rgewrg:

بعدها بجم يوم سالني شسويتي قلتله بصصراحة ما رحت سالت رفيجتاتي والكل نقد علي ابي يحس انه اللي قاله عيب ماكو !! قالي لا انا مووو قصدي !!!

طلع قصصصدة اقوووووى قالي في بنات لما تجيهم الدورة امهاتهم ما يعلمونهم فيمكن تنظف نفسها بطريقة غلط وتكون ضحية !!!!!!!!!! يا حرررررررررررررام :eh_s(16):

او بعض ما يدرون انه العادة السرية حرام والله انا طااارت عيوني بالكلااااام وحيل حيل حيل تضااايقت !!!!!!!!!!!!

واخر شي على سالفة الطلعة يعد الامتحانات قلتله احنا متفقين انه ما فيه طلعه عصصصصصب ووششاااش وقالي انا احترم ابووج واايد كانه يقولي طقي راااس ابوج بالطوفه وطلعي معااي
وانا رررررررررريلج وتسسسمعيين كلااامي كل شي يبيني حقه بررررررروحه المهم قلتله كلم ابوي والحمدلله قبل هالاتصال بييومين قلت كل ابوي عن كل شييييي فكااان عنده خلفيه فلما كلمه قاله ليش ما تخلي بنتك تطلع معاي ابي اشوف اخلاقها !!!!!! واهو مسنتر عندنا بالبيت ما عرف اخلاقي
عاد ابوي ميت من الحرة من سوالف انه روحي للطبيبه كشفي قاله ابوي بنتي اششششششششرف من الشرررف

قوم الاخ ازعل ليش ابوج يقولي جذي وليش انتي ما جيتي راضيتني !!!!

بالاخير طلبنا الانفصال واهو قال انا مابيهها اهي ما حبيتني ويوقل لابوي انت جااابرها على الزواج وكل شي اقفولها تقول ان شاءالله ويقول لابوي رجعوا فلوسي كلها ولا ارفعوا عليكم قضية اخلي اسم بنتكم يدور بالمحاااكم !!!!

والحين بالاخير كلم عمتي يقولها انا مالقيت مثلها انا احبهاااا انا ابيها انا مستحي من عمي قوليلي شسوي وعمتي تقول ما تحصصل مثلها ويبيني ارررجع له وانا اما ابيهم ومحتااره يا بنات واللله ما
ري شسوي

اللهم لك الحمد حتى ترضى ولك الحمد اذا رضيت ولك الحمد بعد الرضى



انتظر ردودكمممممممممممممم :eh_s(2):​

 

[القصيدة]

السلام عليكم و رحمة الله و بركاته

1- صلّي صلاة الاستخارة و ربي يكتب لك اللي فيه الخير

2- تفاهمي مع الوالد و الوالدة و اتخذوا قرار بالانفصال أو الاستمرار لأن ما فيه أحد من الناس يقدر يعطيك الرأي الصحيح إلا عقلك و أهلك

الله يوفقك و يكتب لك الخير :eh_s(17):​

 

[granted]

حبيبتي
طقيه بالطوفه هذا شكاك ويفكر بهالسوالف حاط براسة فكره عن البنات ويييييييع شهالتفكير
شنو عاده سريه شالخرابيط هذي
لا الله يخليج احس تفكيره مراهق احس ماله راي
واحس انه شايف روحه ديكتاتور ويتدخل بوايد امور
انا اقول انحاشي والي شفتيه كافي

 

[الأميرة جوري]

الله يهديه ..استخيري

 

[om-3azo-83z]

اذا خلصو الرياييل بالدنيا اخذيه هذا من اولهاااا ماكو كلمه يقلب فجاه باجر بيقعدج بغرفه و حمام مشترك بعد و لا معاش ولا شي
شوفي انا صار فيني نفسج تقريبا و انفصلت الحمدالله بعطيج نصيييييحه انا عشت معاه تقريبا سنه مو ملجه لا زواج بس ما دخل علي اشوه
اهم شي شهادتج و وظيفتج باجر صار ماصار محد ينفعج لا شهاده ولا وظيفه
يبي يكمل قولي عندي شروووووط و الكلام بين الرياييل اهله و اهلج مو بس اهلج عشان ما يقدر يكسر بتقولين شدعوه العائله الكريمه صدقيني بتندمين ان ما سويتيها و لا تسكتييين الكتمان والله مايفيدج كاني انا الكتمان خلاني مطلقه و سكر و ضغط و ورمات و اهوا يسرح و يمرح يسوا اللي صار؟
شروطج كما يلي
شقههههه بروحج مو بيت اهله لا بره صدقيني احسن عن المشاكل
مصروووفج يحطه بايد ابوج ولا امج لان اذا بايدج بيتعذر و يسحب و ينقص
الوظيفه قبل كل شي و معاشج لج من سوالف التوفير و خشي من المهر واضح ان بيقول نتساعد من معاشج مافيها شي المره تساعد ريلها بس ريال عن ريال يفرق اللي يستاهل تعطينه عيونج و اللي لا لو يموت جدامج خل يولي
سوالف اهلج طاف و بالطوفه قوليله كرامه اهلي من كرامتي

 

[Sparkle]

مريض هذا

صلي صلاة الأستخاره لو أنا اب مكانج أنحااااااش أحس فيه أنفصام بالشخصيه كلش ما يريح

 

[أبلة فاتن]

امبيه شلون جذي من اولها يشكك بشرفج عيب والله عيب ،، انتي زوجته عباره وتشيلين اسمه مايصير يكلمج بكلام جذي

شالشخصيه الله يعينج ويسهل لج امورج ويسخره لج يارب

 

[فرزاشيهـ]

امبيه تفكيره حيييييييل مريض !!! ينخاف منه هذا !



استخيري بس لو انا مكانج انفصل احسن شنو ردوا فلوسي و اخلي اسم بنتكم بالمحاكم !! هذا شكله متعود على مشاكل و البهذله !

 

[الزين كامل]

إنحاااااااااااااااااااااااااااااااااااااااااااااااااااااااااااااااااااااااااااااااااااااااشي


عضي طرف عبااااااااااااااااااتج و قبببببببببببببببببببببه ركضضضضضضضضضضضضض بكل ما أوتيتي من قوة ...



خخخخخخخخخخخخخ

يبي طبيبه تفحصج بعد ؟؟؟ لا يا الحقير

 

[OopSs]

ياليتني كنت اقدر اتخذ قرار يوم تزوجت ، دامج عالمرسسسسى للحين ، فكي عمرج هذا انسان مخه مجيم

وتفكيره مادي بحت وماعنده احترام لشخصك شهالسوالف ؟ مخه متفتح بزززززياده ف اشياء يستحي الواحد يفكر فيها

لا تقطين عمرج ب العذاب مو ناقصج شي واللي جابه يجيب غيره .. اهم شي فكري بشكلج ونفسيتج بعد كم سنه راح يبان عليج
اكبر من عمرج بسبته بيشقيج بالتعارض اللي بتعيشونه ... الحمددلله ع كل حال اتمنى ماتتسرعين هي حياه مره وبتقضي عيشيها براحة بال و بنعيم مع انسان واعي
اسأل الله يقدم لج الخير وين ماكان ويرضيج فيه ويكفيج شر هالادمي

 

[مــســك]

حبيبتي كلش الا والشرف ..؟ وصلت فيه مواصيل يقولج روحي افحصي ؟ شفتي حتى ابوج عرف تفكيره الواطي ورد عليه رد محترم ..


لا يبا هذا مبين واحد منتهي خرباااااااااان .. اكبر دليل يقولج ماقريتي عن ثقافه الجنسيه ؟؟؟


شحلات الفطره .. كلنا دخلنا على الفطره والله ..


سوالفه واايد وغثيثه .. دآمكم على البر .. وما صار زواج .. الحمدلله انفصلي عنه .. وربي كريم يرزقج بلي آحسن منه يصونج ويقدرج ..

 

[مــســك]

على طاري المهر ..


ماله حق يآخذ كل الفلوووس ..


بالشرع ينطبق .. النص بـ النص ..

يعني مثلا اذا مهرج 6 الآف .. انتي تاخذين 3 الآف .. وآهو يآخذ 3 الآف ..



سبحان الله .. الله حفظ مكآنت المرآة ..


بنات الناس مو لعبه عندهم .. يطلقون ويلا جيبو حلالي ؟؟

 

[G!RLooNa]

خل يوللللللي زييييين طقيه ب اقرب طوفه يمج !!!

اول شي ما عنده كلمه ريال: الوظيفه و السكن متفقين عليهم و رد بكلمته .. بعدين يقولج طلعي و لج اللي تبينه معاشي راهي و عقبها مالج غير 100 دينار ( و ابصم بال 10 ان هال 100 راح تتقلص مع الوقت لي 50 و 40 و 10 دنانير ولي سنتين جدام بقوم اهوا يطلب منج فلوس !! )

ثاني شي سالفه روحي فحصي عند طبيبه !!! نعم يا بعد عمري خير ؟؟؟ افحص عند طبيبه !! مستخفين الرياييل ترا لو تدشين بروفايلي انا حاطه موضوع قبل فتره عن وحده اعرفها هم جذي الثور اللي عندها يقولها فحصي قبل الزواج لازم اتأكد!

و اخر شي يقول انا عفتها مابيها و لا بعد يهدد ردوا كل شي ولا بفضحج بالمحاكم !!!

هذا مو ريال ما فيه مواصفات الرجوله كللللش لا التزم بكلمته و الاتفاق اللي بينكم بالخطبه و بخيل و فوق هذا يهدد بالفضايح و المحاكم !!!

خل يروح يموت بس و انتي لا تفكرين تردينله لان انتي اللي بتاكلينها عقب و انتي الحين كل شي واضح جدامج لا تقطين روحج بالتهلكه

 

[لمى الهاجري]

من ناحية الطلعة طلعي معاه عادي خلاص انتوا ملجتوا وصار ريلج بس المسائل الثانية لا تعليق

 

[احلى ديما]

لا لا.لا من صجج كل.هالسوالف وتفكرين بعد ؟؟ حبيبتي كل.الصفات اللي فيه تخلي الوحدة تنحاإاإاش لا من تفكيره الوصخ ولا من بخله ولا من شكه يبوووووي
الله يعينج حبيبتي بس دامج عالبر انا اقول اشتري راحتج وباجر ييج اللي يسوى طوايفه

 

[خوخة 90]

واااي و الله ذكرتيني بسالفة انفصالي .... انخطبت و عقب شهرين خلعته
بس لو انة كنت مكانج بنفصل دم ضروسي الريال الي تفكيره جذي العادة السرية و مدري شنو.... و الله عيب عليه .... و فوق كل ذي ما عنده كلمة طقيه بالطوفة و خليه يولي قطييييعة و ربي بعوضج بالاحسن والي يستاهلج
حبيبتي لا تفكرين و لا شي
و اذا محتارة صلي استخارة او كلمي شيخ دين معروف عندكم بالكويت و قولي له قصتج و شوفي رايه انه سويت هلون

 

[mannawy]

الله ماخلق بهالبلد الا هالولد؟! من زينه؟ من سنعه؟ من ادبه؟ حشى السامع

يابنت الناس انفصلي وارتاحي دامه من البدايه مو حاشم احد ولا محترم نفسه وكل يوم له كلمه هذا ان كثر اسبوعين متطلقه. ليش عاد؟ حرام تقطين نفسج عند واحد من هالاشكال.

ومرده ولد الاجاويد بيتقدملج وربي بيرزقج احسن منه

 

[بنت الكويت 25]

حبيبتي دامك على البر قعدي في بيت ابوك معززة مكرمة ولا مذلة هالريل التعبان الانفصال في هالوضع وايد افضل من انك تردين وتحملين وبعدها تزيد المشاكل وتطلبين الطلاق العيش مع هالرجل اظن مستحيلة نصيحة طلبي الطلاق والله يعوظك خير

 

[Perfume]

حبيبتي اول شي استخيري وادعي ربج بهالايام انه يهديج للقرار اللي فيه خير لج
انا قهرني انه ما حشم ابوج وما خلا له اعتبار
المهم اذا استخرتي وحسيتي انج ما تبين الطلاق تقعدين معاه قعدة ومعاج ابوج وتفهمونه شروطكم اول شي انه ما تتركين وظيفتج ومعاشج لج انتي وماله شغل فيه الا اذا كان محتاج انتي بتساعدينه من طيب نفس مو غصب
ثاني شي قعدتكم بغرفة مؤقتة يا انه يبني له شقة او تطلعون بشقة او يشوف له حل ثاني ويعطي ابوج كلمة ما يرد فيها
اما اذا انتي طاب خاطرج منه خلاص حبيبتي كافي ابوج عنده خلفية باللي صار ومو عاجبه الوضع والانفصال مو نهاية الدنيا ويمكن خيرة قبل ما يتزوجج ويدخل عليج

 

[Maryam]

أهم شي الوظيفة و الشقة
لا ترضين تروحين من غير وجود شقة محترمة اقل شي غرفتين و صالة و مطبخ و حمام
و الوظيفة اهم شي