يأست ...والحمد لله

[ازرع وهم]

سويت عملية اطفال الانابيب وانتظر النتيجة بتاريخ 24 ديسمبر وانا معزمة انها تكون الاخيره خلاص تعبت وراح عمري بين عيادات العقم
كنت ناوية اكمل الماستر واسافر واستانس ولكن العمليات نستي نفسي نستني حياتي واهتماماتي وهواياتي الانتظار نساني الفرح

بنات اذا نجحت فالحمد لله وعسى الله يرزقني الذرية الصالحة وان فشلت فالحمد لله ولكن في كلتا الحالتين هي اخر محاولة وبعدها بنسى موضوع الانجاب واشغل نفسي بنفسي

هالمره احس بيأس مو طبيعي حتى اني مالتزم بالفراش وحاسة ان الوقت توقف ومافيني حيل اتحمل اكثر


محتاجة دعواتكم





:eh_s(17):

 

[قموشه21]

استغفري استغفري استغفري

والله ان الاستغفار بيفتح لج ابواب رزق انتي ماتدرين عنهـــأأ

لاتيأسي .. حاولي الله مايخيب رجا عبد من عباده ..

طولي بالج وياااااااااااااارب يااااااااااااااااااااااااااااااااااارب بهالساعه المباركة انك ترزقها الطفل المعافي يااااااااااااحنان ويامنان لاتحرمها من الامومة اللهم اميـــن ..

 

[halafh]

حبيبتي الله يوافقج ليش تقولين جذي والله عورتي قلبي الله يرزقج ياااارب ​

 

[اخت خالتهم]

استغفري ربـج والله يعوضج اذا مو بالدنيـا بالآخره

الدنيـا فـااااااااانيـه

 

[ترووفه]

مايجوز حبيبتي

اذكري الله

انتي بذلتي الاسباب توكلي على الله وخليج متفائله

تذكري حديث الرسول صلى الله عليه وسلم :" تفائلواا بالخير تجدوه "

يعني تفائلي بهالمحاوله وان شاءالله تكونين حااااامل يااارب ونفرح فيج

والله يرزقناا كلنااا يارب

 

[ازرع وهم]

استغفري استغفري استغفري

والله ان الاستغفار بيفتح لج ابواب رزق انتي ماتدرين عنهـــأأ

لاتيأسي .. حاولي الله مايخيب رجا عبد من عباده ..

طولي بالج وياااااااااااااارب يااااااااااااااااااااااااااااااااااارب بهالساعه المباركة انك ترزقها الطفل المعافي يااااااااااااحنان ويامنان لاتحرمها من الامومة اللهم اميـــن ..

استغفر الله بس والله صابتني حالة يأس وتعبت نفسيتي بالمرة والله يجزاج خير على الدعاء




:eh_s(17):

 

[سااره]

بعــــدْ عمري لآا تيأسين من رحمتْ ربـــــجْ....ترآا والله ربنآا كريمــ..


اسأل الله العظيمــْ ان يفرج عنج كل ضيق ..ويرزقج فررررحه} تسجدين لـــهآا بآاكيــهْ ...يآارب يا كريمــْ...

 

[ميس المشاعر]

استغفر الله بس والله صابتني حالة يأس وتعبت نفسيتي بالمرة والله يجزاج خير على الدعاء




:eh_s(17):

حبيبتي لاااا يأس مع الأمل لايمكن يجتمعوووون خلي عندج امل بالله قوي
اذااا تدعين الله وانتي مو متيقنه انه بيستجيب لج لأنج ياااائسة ..... لازم تدعين الله وانتي واثقه انه ما رااح يرد لج دعائج وبإذن الله بيستجيب وقولي يارب انك قلت(( اني قريب اجيب دعوة الداع اذا دعان فليستجيبوا لي وليؤمنوا بي لعلهم يرشدون ))
شوفي عليج بالاستغفاااار ابدي من الحين ليه الموعد كل يوم استغفري ربج 1000 مرة على الاقل اسبوع والله ماتاخذ منج ربع ساعة وطلعي صدقة هالاسبوع وبتشوفين بركة الله بتنزل عليج آميييييييين وادعي ربج اللي تبين
وان شاء الله بتتذكرين كلاااامي ونفرح فيج يااعسسسلز
يارب يارب يارب اللهم يا رزاق يا كريم بيدك الخير وإنك على كل شيء قدير ارزق صاحبة الموضوع الذرية الصاالحة المعافاه يارب انك سميع الدعااااااء آمييييييييييييين

 

[سوزي الشرقية]

سنتين و3شهور واحس روحي مهمومة والشيب ترس راسي وافكارتروح وتجي ....
الله يكون بعونش حياتي ..وأن شاءالله هالمره هذه تنجحــ وتجي تسدحي الخبر هناونفرح الش يارب ياكريم
ياكاشف الكرب عن وجههه اخيك الحسين اكشف الكرب عنابحق أخيك الحسين..
اللهم بحق محمدالمصطفى وعلياالمرتضى وفاطمة الزهراء والحسن المجتبى والحسين الشهيدبكربلاء والتسعة المعصومين من ذرية الحسين اكشف عناوعن كل مؤمن ومؤمنة وكل ضروبلاء وفاقة وكل هماوغماأنك على كل شيء قديروبالأجابة جديريالله

 

[الاهله]

ياعمري والله ماللومج

الله يعوض صبرنا خير

ويرزقنا يارب

 

[احساااااس انثى]

ياجعلها تنجح وتبشرينا يارب قريب لا تيأسين يابنت الحلال خلي ايمانك بالله قوي
استغفري واقري قرآن وقومي باخر الليل وادعي ربك ....

 

[بحرينيه كوول21]

الله يرزقج ان شاءالله
لاتياسين من رحمه رب العالمين

 

[ابدا يالغالي مانساك]

قل لن يصيبناااااا الا ماكتب الله لنااا
توكلي علي الله تعالي ولاتئاسين
وربج مايحب عبد الا اذا بتلاءه ويكون محضوض صدقيني ربي
يحب يسمع صوتج وانت تطلبينه
المهم تذكري ان الله كريم ومابيرررردج ان شالله

 

[جنون الهوى]

يا رب يا كريم انك ترزقهاا الذريه الصالحه​

 

[أم نواف غير]

حبيبتي ميخالف الصبر بعده الفرج وان شالله تنجح وربج كريم يرزق مايشاء من غير حساب
الله يختبر صبرج والله صدقيني مابعد الضيق الا فرح الواحد يسعى والباجي على رب العالمين وانتي سعيتي والله كريم ان شالله
بايي اليوم اللي تفرحينا بالحمل والولادة بس لاتيأسين وهم الذريه زينه الحياه الدنيا وهذا اهتمامج تكرتي اشياء والله بيعوضج ان شالله
دائما اشتبشري بالخير والله يرزقج بالتؤام الصالح اللي يبرد قلبج فيهم انتي والمتأخرات بالحمل

 

[marshmelo0o]

لا تيأسين من رحمة ربج
الله يرزقج بالذريه صالحه عاجل غير اجل

 

[كويتية222]

ايأسي من كل شي الا من رحمة ربج

اقولج قصة وحدة اعرفها شخصيا وعاصرت وياها لحظاتها المؤلمة

تخيلي 13سنة ما في اطفال ولاول مرة تسوي اطفال انابيب ونجحت عمليتها

اجهدت نفسها هالانسانة دراسة وشغل وروحه ورده وربي ماكتب لها يستمر حملها اجهضت بالشهر الخامس وبديرة غربة

لا ام لا اخت لا زوج فقط رفيجاتها وزميلاتها احنا وبس

طلبت تشوف بنتها المتوفاة شافتها وسمتها وصل حماها بعدها بكم يوم ودفن البنت بديرة غربة

ما يأست هالانسانة وربي يكتب لها الحمل يارب ويكتبه لج ​

 

[روح مغليها]

بنت خالي توها جابت ولد بالمااانياا عقب 17سنه
والسبب الاستغفااااار

 

[ملح @ شمر @]

ضاقت ولما استحكمت حلقاتها فرجت
وكنت اظنها لاتفرج

اذكري ربك واستغفري وش يفيد الكلام هذا ؟
يعني اذا قلتي كذا بترتاحين ؟ ولا بتحملين ؟ ولا بتتغير نفسيتك ؟
بالعكس راح تتعبين اكثر
لك 13 سنه
جارتي 17 سنه ولو تشوفينها ماشاء الله عليها عايشة حياتها وتصبرنا وتعطينا امل
لا وسوت 12 عمليه تلقيح ومانجحت
و14
عمليه انابيب وتفشل وانتي 5 ويائسه بعد
والحين جابت توم ماشاء الله تبارك الرحمن امس انا عندها وبجنبها عيالها
ومتفاءلة وتقول ان شاء اذا ماحملت طبيعي بسوي العمليه

شوفوا الصبر
ولاااااااااااااامرة اشتكت انها تأخرت بالحمل



حبيبتي خلي املك بالله كبير
وترا هالكلام يأخر استجابه الدعاء انا سامعتها في برنامج كيف تتعامل مع الله
يقول احيانا يجي الفرج والانسان يكون صابر سنين لكن يياس بالاخير ويرد الفرج سبحان الله


يارب
ربي يرزقك بالذرية الصالحة وان شاء الله تكونين حامل وتحملين وتحملين بدون علاج



طولت عليك
:eh_s(7):
​

 

[لحظة اشراق]

انا اعرف شخص والله من اقاربي

30 سنة وماعنده عيال

يمكن 12 أو 13 عملية أطفال انابيب

وبعد كل هالعمليات الله رزقه بنت ماشاءالله

والحين بالصف الأول الله يخليها لهم​