يااابنات قاااااطعوو ستار اكاديمي

[رفرف]

مشاركة: يااابنات قاااااطعوو ستار اكاديمي

لو منسحب جان كبر بعيون الكويتيين كلهم وشافوه ريال ...
وحتى لو في شرط جزائي والله الكل بيوقف معاه احسن من هالمسخرة يخسر نفسه ويخسر احترام الناس ...

 

[jolie_q8]

مشاركة: يااابنات قاااااطعوو ستار اكاديمي

اي والله يا رفرف

انا اقول نفس كلامج بالضبط

المفروض هالمسج يوصل حق اهله

ان الكويتيين رافضين وجوده وترقصه بالاكاديميه وخصوصا...بعد وفاة الشيخ جابر

بصراحه ..ماكو اي احساس بالمسؤوليه

 

[ظلال القرآن]

مشاركة: يااابنات قاااااطعوو ستار اكاديمي

الله يخليج الكويتين ما يتعضون

راح تشوفون الخبال والتصويت بالهبل

 

[ورد وردي]

مشاركة: يااابنات قاااااطعوو ستار اكاديمي

الصراحة المفروض أساسا ما ندز مسجات حق هالبرنامج محد من دول العرب يصوت كثرنا صايرين مضحكة ينطبق علينا المثل ( يدي الحلق للي ملوش ودان )
هذا مثل مصري مادري يجوز نقوله والا لا بس احس هم يقولون عنا جذيه عندنا فلوس وماكو عقول مطيرينها حقهم ،،، واصلا احنا بتصويتنا قاعدين ننجح مثل هالبرامج لان لو مانصوت ممكن يخسرون وما يسونها مرة ثانية ..... انا مرة دزيت مسج للوادي وجان زين مادزيت .....المشكلة اني بصراحة اتابع البرنامج حتى لو ما اصوت لهم وهذا غلط لان اغاني ومعاصي الله يصلحنا ......

المهم يااا بنااااااااااااااااات احنا صح مانبي نصوت للبرنامج وبنفس الوقت ماتبي تصير فتنة بين الشعبين بسبب برنامج تافه ولا تنسون انها قناه خاصة مو حكومية واحنا ندري بالعلاقة الطيبه بين الحكومة الكويتية والحكومة اللبنانية ...

يعني الاجدر ان احنا نقطع التصويت للبرنامج اول لربنا سبحانة وعشان ما نشجع الفسق
ثانيا عشان يعرفون مدى حبنا لشيخنا وانهم يخسرون اهم ناس تصوت لهم بسبب عدم قطعهم للبث ووضع القران الكريم

والسلام عليكم

 

[سبائك]

مشاركة: يااابنات قاااااطعوو ستار اكاديمي

الصراحة المفروض أساسا ما ندز مسجات حق هالبرنامج محد من دول العرب يصوت كثرنا صايرين مضحكة ينطبق علينا المثل ( يدي الحلق للي ملوش ودان )
هذا مثل مصري مادري يجوز نقوله والا لا بس احس هم يقولون عنا جذيه عندنا فلوس وماكو عقول مطيرينها حقهم ،،، واصلا احنا بتصويتنا قاعدين ننجح مثل هالبرامج لان لو مانصوت ممكن يخسرون وما يسونها مرة ثانية ..... انا مرة دزيت مسج للوادي وجان زين مادزيت .....المشكلة اني بصراحة اتابع البرنامج حتى لو ما اصوت لهم وهذا غلط لان اغاني ومعاصي الله يصلحنا ......

المهم يااا بنااااااااااااااااات احنا صح مانبي نصوت للبرنامج وبنفس الوقت ماتبي تصير فتنة بين الشعبين بسبب برنامج تافه ولا تنسون انها قناه خاصة مو حكومية واحنا ندري بالعلاقة الطيبه بين الحكومة الكويتية والحكومة اللبنانية ...

يعني الاجدر ان احنا نقطع التصويت للبرنامج اول لربنا سبحانة وعشان ما نشجع الفسق
ثانيا عشان يعرفون مدى حبنا لشيخنا وانهم يخسرون اهم ناس تصوت لهم بسبب عدم قطعهم للبث ووضع القران الكريم

والسلام عليكم

صح لساااااااااانج وانا معاج 100%

بس ترى المثل اللي ذكرتيه ما يجوز ينقال لان ربي سبحانه مقسم الارزاق

 

[طير الحب]

مشاركة: يااابنات قاااااطعوو ستار اكاديمي

وأنا معاكم

 

[bambena]

مشاركة: يااابنات قاااااطعوو ستار اكاديمي

ابوه اليوم بالجريده يقول موقادر يوصل له ويتصل عليهم ماكو فايده

 

[om hasoooooooooon]

مشاركة: يااابنات قاااااطعوو ستار اكاديمي

احنا اصلا مقاطعين ستار اكاديمي من اول يوم بدو فيه

والحمدلله لانطالعة ولانعرف شي عنه

ويمكن خير للباجي بهالمقاطعة انهم يعرفون ان ماصار ستار اكاديمي الا عشان يبعد الشباب عن الدين وعن التمسك بالقيم

فآنا بعد وياكم مقاطعة ستار اكاديمي الي الأبد

اللهم ارحم جابر الأحمد واسكنه فسيح جناتك

 

[بنت الكويت العسل]

مشاركة: يااابنات قاااااطعوو ستار اكاديمي

الله يهديهم ويوريهم شي يخليهم يعتبرون ويبطلون هالوصاخه البرنامج من بدا مصخره مفاصيخ ولمة شباب وبنات شنو ناقص !!!!!!!!!!!!!!!!

 

[عطر البوادي]

مشاركة: يااابنات قاااااطعوو ستار اكاديمي

لا حول ولا قوة ألا بالله
والله يا بنات إني أمس رايحه المستشفى وألا مره كبيره طايحه بالمستشفى والسبب وفاة شيخنا الله يرحمه ويغمد روحه الجنه كان وقعه كبير على الكبار والصغار .... وناس ما همها ألا الفوز بالأكاديمية !!!
ناهيك عن فكرة ستار أكاديمي في تخريب عقول الشباب وعن مفاسدها وناهيك عن كل سلبياتها فإن تصرفها الراعن في استكمال مشوارهم المشين في هذه الظروف وحتى أنهم لم يوقفو البرنامج ليوم واحد لوفاة المغفور له بإذن الله الشيخ جابر الأحمد الصباح يتطلب منا أن نقاطعهم ولله الحمد إني لم ولن أتابع هذا البرنامج التافه
والله يهدي الجميع

 

[كويتية أمورة]

مشاركة: يااابنات قاااااطعوو ستار اكاديمي

بنات دزوا حق الوطن رسايل تطالبون فيها بمقاطعه ستار اكاديمي احسن جذي الكل يتشجع

 

[bambena]

مشاركة: يااابنات قاااااطعوو ستار اكاديمي

شلون ندز ؟؟ على وين؟

 

[كويتية أمورة]

مشاركة: يااابنات قاااااطعوو ستار اكاديمي

شوفي جريدة الوطن مالت اليوم وامس حاطين رقم الفاكس والايميل حق مشاركات القراء
دزيلهم

 

[حورية الكويت]

مشاركة: يااابنات قاااااطعوو ستار اكاديمي

ناس ما تستحي صراحة

بطوا جبدي ستار اكاديمي !!

 

[كويتية أمورة]

مشاركة: يااابنات قاااااطعوو ستار اكاديمي

عشان جذي اقولكم دزوا حق الوطن وايد عشان باجي الناس يتشجعون ويقاطعونهم وحتى اهله بيتفشلون ولو انه شكلهم لايتفشلون ولابطيخ