ياااخساااره صج الدنيا ماافيها خير:(

[مصدومه جداا]

انا بدش بالموضوع على طوول


انا عندي صديقتي المقربه جدااااااااااااااااااا
واحنا بصراااحه اكثر من صديقاات يعني ممكن تقولوون خواات
وعلاقتنا قوووووووووووووووووووويه
مستحيل يمر يووم بدوون مكالمه او حتى مسج
المهم ان صداقتنااااا حيل حلووووه كنااا على قلب بعض
صرت بس اتضااايق اهي الشخص الوحيد اللي اشكيله
ونفس الشي هي
بصرااحه اثق فيهاا ثقه عمياااااء
واهي نفس الشي








طبعاا احنااا كبااار مو صغااار
عمري 21
واهي عمرهااا 24
اعرف اهلها وتعرف اهلي
وكل شي
وصداقتنا عمرهااااا سنتين
طبعااا اهي انساانه رااااقيه وتقدر الصداقات جدااااا

ومونااقصه شي يعني شخصيتهااا ولا ارووووع


الزبده يااابناات
انه ماكانت حيل مع النت

يعني مو ذاااك الزوود ولاهو من اهتماماتهااااااااااااااااااااااااااااااا ابداااا


فجأه قبل 5 شهووور اعجبت بواحد من الجاامعه
وحاولت تتعرف عليه عن قرب
راحت سجلت بالفيس بووك ودخلت اسمه عشااان تتعرف عليه وتشووف شخصيته
يعني تقدرون تقولون خباال بنات لا اكثر ولاا اقل
طبعاا مااحصلته بالنت

وتغير تدريجياااا اهتماماتها
تعرفت على اصدقااااء وصديقااات وحبت الفيس حيل
وصااارت ادمااان
اصلاا نست اللي كانت دااشه الفيس عشااااانه!!!
تخيلووو ياابنااات من طيحت بالفيس
وضاافت لها كم وااحد بالمسن
تغيرت البنت
نست ان عندهاااا صديقه
ادق مااترد
امسج مااترد
انا كنت مسجله بالفيس
وعطلت حساابي حسيت ان الجوو كللش موو لي ولا حبيت نوعيته

المهم ابنت خلااااااااااااااااص نستني

وطنشت تطنيشه معتبره

كلمتهااا كذاا مره عن المووضووع واعتذرت وقالت لاتلوميني انا زهقاانه وماعندي شي الا الفيس
اووكيه كل الناااس تعرف الفيس بووك وعاادي مااقطعت ولا نست
اشمعنى انتي
المهم مرت الأيااام والحااله نفسهاااااا
صارت تدق مره كل 10 ايااام
ومكالمتهااا بس سااعه وكلها سواالف عااديه

مع العلم ان قبل كانت مكالماتنا اكثر من مره باليووم


طبعاا انا مريت بظرووف صعبه وكنت محتاجتلهااا تووقف معااي
بس مع الأسف خذلتني حيييييييييييييييييييييييييييييييييييييييييييييييييييييييييييييييييييييييييييييييييييييييييل

وكسرت فيني

الزبده
يابناات انا خلااص بعد قطعت فيهاا وماصرت ادق
ولا امسج كرامتي ماتسمح لي

بس المشكله اني مقهوووووووووووووووره ومنغثه ومحترره و24 سااعه افكر فيهااا
احس اني غبيه بس شسوي غصبااا علي

وعشان احر نفسي اكثر
سجلت بالفيس بووك مره ثاانيه بس بنك جديد بس عشاان اطل على بروفايلهااا
ماشاااء الله متواجده 24 ساااعه
مع العلم انهااا تشبك من اللاب تووب يعني مو بلاك بيري ولا آي فوون
معناته انها متواجده بالبيت ومن الفضاااوه دااشه الفيس ونااقعه فيه
وموو هااين عليهاا تدق!!!!!!!!!
امبييييييييييييييييييييييييييييه
انا مصدوومه حيل حيل

بصراااحه الدنيااا مافيهاا خير
عشان الفيس بووك اقطعت العلاااقه
عشااان كم وااحد زبااله تعرفت عليهم خلااص نست الدنيااا!!
بنات الكورس بيبداااا واكيد بشوووفهاا
قولولي شلوون اتعامل وياااهاا
ابي ابين لهاا ان اهي مو هامتني
وبنفس الوقت ابي ابين لهاا ان عادي القطاعه اللي صاارت واني موو شاايله عليها
يعني ماابي اعطيها اكبر من حجمهااااااااا


بنات تكفوون ردوو لاتطنشوون حددددددددددددي متضااايقه

 

[كيميائيه]

لا حول ولا قوه الا بالله
الله يهديها يارب
صج شي يحر القلب
لانه صداقتكم مو شويه عمر وبينكم اشياء حلوه ومره
فجأه يتحول الى شي عادي
اكيد بتنقهرين
والله مادري شقولج
بس الله يصبر قلبج

 

[مصدومه جداا]

رد : ياااخساااره صج الدنيا ماافيها خير

ماتقصرين ياكيميائيه
جزاج الله خير
بس تدرين شنو اللي يقهر اكثر!!
ان صداقتنااا مو سطحيه ولا عااديه
لأ عميييييييييييييييييقه حيل
مثل اختي بالضبط!!
وسبحاان الله كانت تقولي قبل انا ماتغير على رفيقاتي
مستحيل اتغير
اللي احبهم اضل متواصله معااهم على طووول!!!
شوفي سخرية القدر
حساافه بس

 

[Tutti-Frutti]

رد : ياااخساااره صج الدنيا ماافيها خير




كسرتي خاطري
اذا بدا الكورس
عامليها عادي .. مو مثل قبل تدقين عليها وتروحين لها
اذا تبيج تييج
ومكالماتج معااها وسوالفج خليها عاديه
عامليها بـ برود شوي
يمكن تحس على عمرهاا

 

[batistuta]

حبيبتي اللي يبيعج بيعيه و باجر لي دارت الدنيا الا ما اتدورج ووقتها تكونين ناسيتها وعايشه حياتج اشغلي نفسج باي شي ثاني تعرفي على صديقات جدد ولهي نفسج بحياتج وانسيها وهذي نصيحه من تجربه.

 

[هــدوء]

رد : ياااخساااره صج الدنيا ماافيها خير

حبيبتي من باعج برخيص بيعه بتراب
والبنات جذي جدام الريال الحمد الله والشكر تنسى اهلها


ويا كثرهم اللي سمعت انهم يبعون رفيجات عمرهم عشان ولد مو شي ييديد حبوبه


ومرده بتندم ....

 

[آغلى حــب]

رد : ياااخساااره صج الدنيا ماافيها خير

بصرااحه الحين احس ماكوو احد يقدر الصدااقه
يعني بيوم وليله تنسى كل شي
اهي ماتستاهل وانشالله ربي يعوضج احسن منهاا

 

[كسر.قلبي.زماني.]

رد : ياااخساااره صج الدنيا ماافيها خير

خلاص دام قطعتج قاااطعيها وخلاص !!!!!


لاتنقهرين بنجوفين اكثر من جذي


عندج خير وعندنا خير

 

[مصدومه جداا]

رد : ياااخساااره صج الدنيا ماافيها خير

فديييييييييييييييييييييييتكم قسماا بالله كلااامكم ريحني حيييييييييييييييييييييييييييييل

ايييييييييييييييه
والله الكلااام سهل
بس الفعل صعب
الله يسامحهااا هانت عليهااا العشره
وعشاان شنوو
عشاان كم واااحد بالفيس بووك
قصوو عليهاا بكلمتيييييييين!!!
ترى آخرتهم شباااب تافه لاشغل ولامشغله وقااعدين مقابلين بروفايلهاا
وحسبالها انهاا ملكة زماانهااا
الله يعين بس
خلااص الدنياا ماعاد فيهاا احد صااااحي وربي
المشكله اني انا ساابقتهاا بالهالمجاال بوواجد
يعني من قبل اعرف الفيس والسوالف هذي
بس ماخذاني من رفيجاتي واهلي واولويااتي
بس الشكوى لله

 

[Iontach]

رد : ياااخساااره صج الدنيا ماافيها خير

اول شي صلي على النبي ,
رقم اثنين كل واحد يسوي باصله وقبل لاتقولين كرامتي وخلها تولي
تذكري السنتين اللي عشتيهم وياها
تذكري ان اسمها "اختج"
تذكري لو دقيقه وحده استانستي وياها ,,

رقم ثلاثه التمسي العذر لصابحتج ومب واحد ولا اثنين لا التمسي 70 عذر ,,
وبعدين فكري شلون هي تقدر تقتنع يعني شنو الاحسن تكتبين مسج ولا تكلمينها على البي بي ولا تروحين لها
عشان انتي ترتاحين روحي لها البيت حاجيها قولي لها انج مب مرتاحه ومابي اخسر ولو مب غلاتج ولا معزتج جان مايت لج بنفسي بتردين وياي نفس قبل ولالا , ولا قالت لا هني خلاص خليها وتوكلي
, والحلو في هالحركه انج انتي بترتاحين شوي اما لو خليتيها جي بتمين تفكرين طول الوقت ,,

والله يريح قلبج حبوبه ^^

 

[eng.zainab]

رد : ياااخساااره صج الدنيا ماافيها خير

كلام اختي lontach عين العقل والحكمه انا معاها بكل كلمه قالتها

 

[Q8yaaaa]

خلاص دام قطعتج قاااطعيها وخلاص !!!!!

 

[Q8yaaaa]

خلتروووح ماتشوف شر قاطعيها انتي بعد

 

[&& دعاء &&]

ع قولتج انشغلت بصداقات ثانيه
اهي فتره وتعدي وترد لج

 

[مهوسة بالزين]

رد : ياااخساااره صج الدنيا ماافيها خير

حبيبتى انا لو منج اروح لها بالبيت أو اكلمها واقول لها كل اللى بخاطرى انت بعتينى علشان هالفيس ومن هالكلام وامشي واتركها ومصيرها بتراجع حسابتها وبترد لج اذا هى تحبج

 

[ســكره ورديه]

حبيبتي انتي

هي الحين بمرحلة الأدمان والتعلق >>احس انس استشاريه نفسيه على هالجمله :eh_s(22):

بس حقيقه

يعني خلاص صار عالمها وشغلها الشاغل

بس بيجي اليوم اللي راح تمل منه وتلفت وماتحصلك

يعني بتخسر وجودك وتعرف قيمتك وقتها

انا اقدر الصداقه لانها نادره وربي بهالزمن
الحمد لله كل صديقاتي من زمن يعني اللي من 8 سنوات واللي من 12 سنه واللي من الطفوله
بس وحده منهم خلتني امر بنفس موقفك تماما

زعلت وتنرفزت تخيلي مرات كنت اتصل وترد علي اسولف الا وهي بعالم ثاني يعني مااسمع غير طقطقت الكيبورد وحتى لو اقول لها يافلانه اش قلت ردها راح يكون هاه؟

مشيت لها الحركه مرتين ثلاثه ومره سوتها على طول قلت اقول الشرهه مو عليك الشرهه علي انا اللي مكلفه عمري واتصل واذا مشغوله لها الدرجه لاتردين وقفلت الخط

تدق وتدق وتدق وترسل وطنننننش مثل ماهي وارسلت وحده من صديقاتي علي وكانت معها على الخط الثاني وتدخلها علي مكالمه جماعيه وانا ارفض اني اكلمها خليتها اسبوووووع وهي بس ترسل

رجعت صدقتنا طبعا بس حركتها الماصخه مستحيل تسويها يعني مثل ماقلتي مو صداقه اخوات وربي

انتي لاتسكتين طنشيها لاترسلين ولاتدقين واذا هي تعرف قيمتك وغلاتك راح تدق وتتعذر

واذا تقابلتوا لاتكلميها اذا جت عندك وحاولت تعرف اش فيك عاتبيها وقوليلها

وموفقه ياغلا :eh_s(17):

 

[ملامح حلوه]

رد : ياااخساااره صج الدنيا ماافيها خير

نصيحتي لج حبوبة تحاشينها واايد وماتبين لها انج مهتمه فيها ولا حتى تعاتبينها عامليها معاملة عاادي مو اقصد خلاص اتركيها

الين اهي تحس انها غلطانه

وان شالله ترجع المحبه بينكم

 

[lulwa-q8]

نصييحه قاطعيها وفكي عمرج

=)

 

[ToOja-_-]

شووفي حبيبي نصيحتي لج
حراام كل وحده منكم تروح بصوب بسبه الفيس بوك و تنسون السنين الي مضت ع الحلوه و المره
انتي حاجيها فيس تو فيس مو بالفون
كلميها قووليلها انا محتاجتلج تكونين معاي ليش تغيرتي و تنسين عشره العمر ما يصير جذي و كلميها بجد ترا يمكن تحس
و قوليلها قعدي مع نفسج و شووفي الي قااعد تسوينه
و الله راح تردلج وانتي ما عليج الي الدعاء و الي قلته
و عسى ربي يخليكم مع بعض و لا يفرقكم و يهديها انشا الله

 

[خالده الفارس]

والله أنا أقول نطري عليها ,,,
آخرتها بتمل من النت وبترد .. أو إذا تبين بس حاولي تذكرينها انها دشت النت عشان شخص معين ...
أو تقدرين تقولين لها ان أنتي تبين تكلمين الشخص اللي اهيه كانت مهتمه فيه ... ومن رد فعلها راح تقررين