يابنات ادعولي انه يتزوجني

[ابرار الحزينه]

السلام عليكم ورحمة الله وبركاته
انا عضوه جديد بالمنتدى وياليت يابنات تواسوني شوي لان انا ماعندي غيركم وماحد يقدر سالفتي مدري ليه .. يابنات هذا صديق اخوي دايم كنت اتمناه يكون من نصيبي ويتزوجني عاقل ومحترم وموراعي بنات ماشاءالله الف بنت تتمناه بس المشكله ان قبيلتهم مايخذون من قبيلتنا ياخذون اي قبيله ثانيه الا ديرتنا اهله شافوني بعرس وانا كنت اسولف مع الولد بالمسانجر ومايعرف انا مين قالي امه شافت اخت صيدقي اللي هي انا وكانت تبي تخطبها لي وانا من عقبها فرحت وصدقت عمري واحسب بيخطبوني الا واتفاجا الاسبوع اللي راح امه خطبت له وحده وشافها ومره معجب فيها يابنات وانا ليومكم هذا ادعي ربي واستغفر وتعبت نفسيتي كل من شافني يحسبني مريضه ونقصت 10 كيلوا من الهم ومو مصدقه اللي صاير لي 4 سنين وانا اتمناه هالولد وماحصل نصيب اللحين مابعد ملك على البنت بس يكلمها قبل الملكه عشان يتعرف عليها وانا يابنات اتمنى يكون من نصيبي لان مافي احد زيه باخلاقه ودينه وكل ماشاءالله ادعولي الله يجزاكم خير يابنات عجزت انساه وش الحظ البايخ يارب والله يبنات كل يوم اصيح وما اتغدا مع اهلي من الصدمه وكل ماقلت لاحد مايعطيني وجه اكمل السالفه كله حاقريني الله يخليكم ساعدوني يابنات يارب يجعل من نصيبي

 

[ميمي..]

اول شي كم عمرك حبيبتي شكلك صغيره ؟؟!!
انا بقولك رايي ولاتزعلين
خلي عنك هالسوالف
وشنو متوقعه نقولك روحي كلميه وقولي له لاتتزوجها تعال اخطبني انا احبك وابيك
بعدين ليش تكلمينه عالمسنجر مو خايفه من ربك تكلمين واحد من ورا اهلك
الحياه فيها اشيا كثيره حلوه اشغلي نفسك فيها
دراسه شغل صديقات اهل هوايات
لايصير هالشاب اكبر همك
وبيجي اليوم اللي بتتزوجين فيه اذا تبين ربي يوفقك ويسعدك خلي نيتك زينه عشان ربي يرزقك بالزوج الصالح
ولاتسلكين هالطريق لاتقولين مجرد كلام ومادري شنو
تذكري الطيبون للطيبات والخبيثون للخبيثات
يعني لاتقعدين تكلمين شباب وتخربطين وبعدين لاتزوجتي وماصرتي سعيده تقولين ليش ياربي
الله يوفقك ويهديك

 

[__LV__]

شلون مو راعي بنات وقاعد يكلمج

اذا يكلمج معناته يكلم الف وحده غيرج


حبيبتي قال تعالى:

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}

واستغفري ربج

 

[قآنون كيفكـ!!]

وموراعي بنات ماشاءالله الف بنت تتمناه

باين عليه ماشاء الله هذي بدايتها قاعد يحاجيج بالمسن شلون مو راعي بنات اذا قبل اضافتج اكيد قابل اضافة مليون بنت غيرج ..
بعدين انتي شلون تحاجين رفيج اخوج ماخفتي من ربج او يكشف امرج ترى سهالاات يكشفون انتي مين عن طريق برنامج الاي بي اللي يخترق مسنج ويعرف انج اخت رفيجه ..

ويمكن هذا عقوبه من ربي لانج حاكيتيه لوج داعية ربي اذا فيه صالح لج يتقدم لج افضل من هالسبل الملتويه ..

ترى ماشيء يستاهل دموعج ونفسيتج ارضي بالمقسوم وفعلج خطآ واثم زود عليه ..

انسيه باينت الحلال واستغفري وكفري عن ذنبج وادعي ربج يرزقج بالصالح اللي مايشوف غيرج ويموت فيج ..

 

[๓ίşś зśŏłả..!]

شلون مو راعي بنات وقاعد يكلمج

اذا يكلمج معناته يكلم الف وحده غيرج


حبيبتي قال تعالى:

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}

واستغفري ربج

معاها

 

[شموخ وتحدي]

مع البنات

 

[SUCARA]

الله يحققلج اللي ببالج ويبرد على قلبج

 

[last-moon]

البنات ماقصروووووووووو​

 

[شذى الحب]

الله يكفينا الشر يارب

 

[sul6ana]

انا اقول شوفي حياتج ولا تتعلقين بالوهم...واللي خلقه خلق مليووووووون مثله...اصبري واحتسبي وبيجي الاحسن منه

 

[ثريا الكون]

لاتعليق​

 

[frawlah_83]

الزواج قسمه ونصيب وعسى ان تكرهوا شيئا وهو خيرلكم

 

[غلاي 89]

الله يكتب لج الي فيه الخير لج وله

 

[aloooya]

البنات ردوا عليج

 

[أم توتو]

البنات ماقصروا وانا رايي من رايهم الله يوفقج

 

[غـرامـي أنـت]

هم لا تعليق

 

[برنسس كاتي]

أبرار لا تصيرين حزينه بل كوني ابرار الصابرة السعيدة
شتسويين بعد هذا امر الله وما تدرين وين الخييره فيه
لا انتي اول ولا اخر وحده تحب وما يكون من نصيبها
خصوصا انه الحب يكون من طرف واحد
تعودي من ابليس وامسحيه من حياتج وادعي الله يرزقج بالي احسن منه
هذا الحل الوحييد

 

[قلبي عبدالله]

شلون مو راعي بنات وقاعد يكلمج

اذا يكلمج معناته يكلم الف وحده غيرج


حبيبتي قال تعالى:

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 21

واستغفري ربج

برافوووووووووووو عليج

 

[انا لحبيبي .]

الله يناولك يلي فيه الخير ، واعرفي انه هالشي من رب العالمين وانه ربنا رايدلك الخير حبيبتي

 

[عسل سل]

الله يحقق الي فبالج حبيبتي