يابنات الحلال ماطلعتوا الشتوى !!

[DooNy]

والله آنا من الأربعاء أول يوم حاشنا البرد الصبح طلعت جاكيتات عيالي ملوت المدرسه ولبستهم وراحو المدرسه من غير شر
ومن صار العصر جان أسوي إستنفار مع الخدم وحده تطلع الصيفي الي بالكبت وحده تصفط وآنا أصف بالجنطه الله وكيلكم 3 كبتات مره وحده
وبعدها طلعت الشتوي وصفيته بالكبت والحمدلله إرتحت
ألحين ما عندي إلا كبتي لاحقه عليه :eh_s(6):

 

[Ga6waah83]

بصراحه بردددددد
مادري يمكن عشان انا مافيني لحم ايد كلي عظام ههههههههههههههه
س حرام بعد برد على اليهال اقول طلعو الشتوووي هياااا بنا

 

[جبنة بيضة]

اممممممممممم أمس كان حر أنا الصراحة أنطر شوي

 

[الغاليه نونو]

انا اليوم الصبح ناديت الخدامه قلت لها اليوم عندنا يوم الكبت العالمي وسويت كبت بنتي وولدي وطلعت الهدوم اللي تصلح لهم حطيتها بالكبت واللي شفتها صغيره شويه عليهم حطيتهم بالجنطه بعطيهم لجنة مسلمين افريقيا وكتبت شنهي النواقص اللي يبونها علشان اروح اشتريلهم هاليومين انشالله وكبتي انا بسوي له جرد يوم الخميس الصبح بإذن الله

العجيري قايل اخر اسبوع من هالشهر بيدش علينا البرد الصجي ديروابالكم يابنات والله اعلم

 

[طير الحب]

والله طلعت الجمعه ... لين نضيت ما عندى خدامه وغصب طلعته جونا ما ينعرفله

 

[أغلى حبيبه]

لا والله طلعته اليوم حرام برد على اليهال

وانا ماالبس الشتوي الا بالطلعه والبيت صيفي على طول مااحب اشتي وايد