يابنات انا بمصيبة وهم مايعلم فيه الاربي

[عشق المطر]

السلام عليكم






بنات انا بهم مايعلم فيه الاربي انا اجهضت من شهروعملولي عملية كحت لأن الجنين نزل والمشيمه بقت في الرحم المهم اكتشفت وبعدمامرت هالفتره شهركامل ان لازالت بقايا في رحمي من الأجهاض حتى بعدالعملية ورحت مستشفى ثاني وشافني الدكتوروعصب مره يقول بعدشهرتوك تعرفي وتجيني وقال المفروض ترجعي للي عمل لك العملية عشان يتحمل عاقبة الي سواه لوحصل فيك شي وش ممكن يابنات يحصل لي من هالبقايا كلامه بقى مثل النار داخلي وعندي أسئلة وبحثت ومالقيت لها اجابه يابنات وش ممكن يصيرلي برحمي مع بقايا هالمشيمه طبعآ الدكتوربعدمحاولات واقف يعمل لي العملية بعد5 ايام وربي ضايقة فيني الدنيا خايفه هالبقايا سببت لي شي برحمي وخايفه لاسمح الله هالشي يمنعني من الحمل في المستقبل الي عندها معلومة لاتبخل علي الله يجزاكم خير

 

[سمسمة كويتية]

حبيبتي الي صار صار و انشالله بتسوين العملية و الله بيشفيج
لا تقعدين تسإلين و تخرعين نفسج لأنه ماكو فايده من هالكلام
ادعي انه الله يسهل عليج و تنجح العملية
و بعد ما تنجح انشالله قعدي مع الدكتور و سإليه عن كل الي بخاطرج لان نفسيتج الحين لازم تكون أحسن من جذي
والله يرزقج بدرزن عيال انشالله

 

[أم حيدر]

لا تحيرين نفسج ولا تتوترين .. فوضي أمرج لرب العالمين ... وكل شي في حكمة من ربنا .. اللي صار صار .. كثري استغفار .. والله ما ينسى عبده .. وباذن الله بتييبين فريق يهال

 

[مشتطـه]

عورتي قلبي
عسى الله يكتب لج الخير وتتشافين

 

[nadoo]

الله يرزقج الحمل السليم ان شاء الله

 

[عاشقه الاسمرانى27]

حبيبتى ما تشوفين شر اولا شىء تصدقى ووكلى امرج لرب العالمين.....استغفرى باستمرار وقولى سيد الاستغفار وكل الادعيه اللى انتى تعرفينها

شربى الاشياء هدا مره مع مره وان شاء الله يجيب نتيجه وياااااج زنجبيل ودارسين ومراميه

وممكن تستشيرين خبيرة الاعشاب ام خالد تفيدج وعسا الله يطمنا عليج يارب​

 

[cute_batoota]

انةشاء الله ما فيج الا العافيه بس انتي لا تروحين حق اي دكتور روحي حق واحد فاهم والناس تمدحه وايد احسن وأخذي الكلام السليم منه واهو الله يهدأه ليش اخرعج جذيه من غير ما يشرح المهم انتي تعوذي من إبليس وتوكلي على رب العالمين وان شاء الله ما عليج شر ومافيج الا العافيه وتقومين بالسلامة وتحملين بكل سهوله يااارب ربج الي يسهل الامور والله يسهل عليج يارب ويشافيج اللهم آميييييييين

 

[عشق المطر]

تسلمون يابنات وماقصرتو ربي يسمع منكم

 

[اخت خالتهم]

انا طاح الجنين ما سويت تنظيف ولا شي
رديت عند امي واعشاااب و تدفيييييت وبس
شربي اشياء دااافية و اعشاب تنظف الرحم سئلي امج او اختج محد بيخاف عليج كثرهم ..

عسى الله يعوضنا انا وياج

 

[يا عيون سمي]

حبيبتي روحي عند دكتوره وقوليلها اللي صار معاج
استشيري دكتورته ثانيه

 

[tbola]

ياربي يااجرج في مصيبتج ويخلف لج خير منها

 

[أأأميرة الورد]

الله يزقج بالذرية الصالحه

 

[عشق المطر]

رفع

 

[تبطي عظم!]

ياحياتي ماكو الا العافيه ان شاءء الله ربي يعووضج يارب

 

[honey lust]

الله يعينج و ان شاء الله ما فيج الا العافيه

 

[ام نواف العجمي]

الله يكون بعونج يارب والله ما عندي علم ابي انصحج اشربي عشبة المدينه تنزل الوسخ الي في الرحم الي وقت الدوره جريب اشربيها من اول يوم لين خامس يوم

 

[مس لوتس]

حبيبتي حالتج نفس رفيجتي ناسين المشيمه بس رفيجتي كانت تحس بالم وكل ماراحت للدكتورها قال مافيج شي عاد امها سوتلها اعشاب وغير الاكلات الدافيه والحلبه وحبه البركه واللذي منه وطاحت المشيمه والحين اهي حامل عسي ربي يرزقج باللي تبينه

 

[beauty rose]

انا اللي يعرفه محد يسوي كحت الحين يستخدمون طريقه ثانيه للتنظيفات

شوفي دكتوره ثانيه و انصحج بماجده اليتامى شاطره وايد

الله يسهل عليج و يفرجها ان شاء الله

 

[عشق المطر]

اب اب

 

[مواصله]

ماتشوفين شر والله يعوضج خير

لاتحاتين وتوسوسين واجد ان شاءالله مافيج الا العافيه