يابنات بليز محتاره بشتري تلفون يديد ,,ومفكره بالسوني اريكسون ,,شرايكم فيه؟؟؟

[جوجو.]

انا مثلج مادري شنو اخذ

 

['Basma']

انا حاطه على نوكيا x من زمااااااااااااااااااان

ماكو احلى من اريكسون

 

[)(MoOoNy)(]

حيييل عجبني اركسون 905

بس منو عندها فكره عن سعره ؟

 

[سمسمه Q8]

انا وحده بعد ما استخدمت سوني اريكسون مستحيل التفت على نوكيا مره ثانيه
لأنه الاريكسون استخدامه حلو وحده سهل
يمكن مكان الاحرف بس غير
جم حرف بعد مو كلهم
وتتعودين بسرعه
انا الحين اذا مسكت النوكيا مااعرف اكتب فيه مسج

وفوق هذا كله الاريكسون كامرته روعه
بس اختاري اللي يكون سايبر شوت تكون كامرته سوني واضحه بشكل مو طبيعي

وانا الحين ناطره c903
لأني حبيته مافيه وايد مميزات بس عاجبني

واذا استخدمتي الاريكسووووون راح يكون النوكيا ماضي وراح تغنين له عافك الخاطر لول

 

[ريووم]

حيييل عجبني اركسون 905

بس منو عندها فكره عن سعره ؟

ايي اهو عجييب بس ان شاء الله يطيح عليج واحد ماكو عيووب لوول

انا شريته شهر 11 200 دينار
الحين الحين اتوقع 130 او اقل

 

[دراما كوين]

شجعتوني فديتكم


انزين ماتعرفون تلفون نانسي عجرم w595iشلووونه؟؟؟ زين والا لا ؟؟؟ وتصويره حلو والا لا؟؟؟؟
بالمواصفات مكتوب الكاميرا 2و3 بكسل ,,تقريب رقمي 2,5x

 

[grumpy22]

:eh_s(1):






فيا بنات اللي جربوا الاريكسون بسالكم جم سؤال :


1-هل يعلق وايد نفس النوكيا؟؟؟؟؟؟؟؟؟

لا ابد مايعلق بس اهم شي لا شريتيه لا تشغلينه على طول خليه يشحن يوم كامل وبعدين شغليه
2- شلون استعماله ؟؟؟:080402ask_prv: صج يقولون معقد وينرفز ؟؟ واللي متعود طول عمر على النوكيا صعب يتاقلم مع الاريكسون ؟؟؟:080402ask_prv:؟؟؟
استعماااله وااايد سهل وحلو وبالعكس وايد ذكي وماله شغل الي مستخدم نوكيا مايقدر يتاقلم مع السوني بالعكس عادي انا كان عندي نوكيا وخذيت سوني بسرعه تعودت عليه وبالعكس استخدامه وايد حلو ولا فيه تعقيد ولا شي وبالعكس اصلا في وايد مميزات حلوه


3- لما اشتريه ايي معاه الهيدفون ؟ نفس النوكيا ؟ لمن نشتريه الهيدفون فري معاه

اي ياقلبي اي معاه هيدفون وشاحن ووصله الكمبيوتر وفي بعضهم اي معاهم فلاش ميموري والميموري هم تكون معاه

4 - صراحه وحده من رفيجاتي قالت لي هالمعلومه وخوفتني


تقولي تدرين ليش الاريكسون واايد ارخص من النوكيا ؟؟؟؟؟؟؟؟؟ لان اشعاعاته وااايد
خطره اخطر من النوكيا بسالكم هل في وحده سمعت هالحجي من قبل؟؟؟؟؟؟ وتقول الدليل لو سولفتي مدة طويله بالاركسون تعورج اذنج عكس النوكيا تسولفين ما تعورج صراحه خوفتني
مادري شرايكم ؟؟؟؟؟؟؟؟؟؟؟؟



لا منو قال عادي مافيه شي بس اهو السوني لمن ينزل تلفونه خلاص هذا سعره يعني مو نفس النوكيا اول ماينزل غالي وبعدها بفتره يرخص لا السوني ينزل بسعر ثابت وحتى لو نزل بعد فتره ينزل مبلغ بسيط مو نفس النوكيا يفرق وايد

5 - وياريت تقولولوي شنو عيوب الاريكسون


بصراحه انا الحين استخدمت كذا جهاز سوني ماشفت فيه عيوب بالعكس مميزاته اكثر من عيوبه وانا الحين عندي سوني اريكسون مال نانسي واايد حلو وذرب ومرتاحه فيه واايد


ناطرتكم بنااات بليييييييييييز محتاااره محتاجتكم فديتكم لا تحرموني من ارائكم وتجاربكم
:edbf4317b9::edbf4317b9::edbf4317b9:

عن تجربه انصحج فيه لان واايد زين وانتي فكري والله يوفقج :eh_s(6

 

[خجل]

صبااااااااح الخير شلوونكم شخبااركم

بنسبه لسوني اريكسون انا جربته شريت 905c

استعماله حلو وااايد وتصوورة اروع تقريب شريت شهر 10 او 11 ماني ذاكر

بس عيبه الوحيدة السماعه الاذن لما يدق عليج احد ماتسمعينه طبع انا كل وشوي

مسويته لالالالالالاعت جبدي وانا سوي والحين طالعه الشاشه ماتشتغل والله مليت منه

وحتي المشكله عند اختي عندها سوني اريکسون w595 واهم السماعه خربانه

يعني هذا عيب سوني اريكسون السماعه


بنسبه ان يعلق مافي تلفون مايعق

وانا الحين برد حق نوكيا احسن وفضل وشتري 86n بشووفه نزل ولا

 

[ام سويرة]

هو حلو والتعليق فيه بس مو كثر النوكيا اتوقع لان جهازي اللي
يجي طبقتين عشان جذي يعلق السماعه تعلق نوعا ما بكثره اللي عندي W بس نسيت الموديل يشابه اللي دعايته نانسي
الاحرف العربيه مكانها غير عن النوكيا بس بسرعه تتعودين
بالنسبه للاشعاع اتوقع صج
لان انا معاي صداع نصفي لمن استخدمت السوني قام يزيد بشكل مو طبيعي واذني تعورني بقوه مرات ابجي منها
وارجع وانتم بكرامه
والصج فيه مميزات اكثر من نوكيا الكاميرا وتخزين الصور اللي تجي بلوتوث وبطاقات الاعمال
يخزن دايركت مو مثل النوكيا كل شوي يشاور
بس رديت للنوكيا جاني هديه وحلو ومريح e66
والله يعطيج خيره ويكفيج شره

 

[Black Dawn]

لووووووول

والله عندي سوني أألف مره احسن من نوكياا لول

انا موبايلي سوني اركسون 905 c
بس الحين خليته فترة نقاها قام استعمل نوكيا التج لووول

والله هذا نوكيا مافي شي زيين يعني

بس احلى ما في السوني اذا احد دزلج مسج تدرين منو دازلج لووول

وعيب السووني اذا بدزين حق وحدا صور ماكو mark يعني تحدييد الكل لازم صوره صوره بس هذا عيب اعتقد

ولوحة المفااتييح !! نفس الشي ماكو فرق عاادي

لايخرعونج مو معقد ترا

لا :ggdw: أنا تلفوني سوني و موجود فيه تحديد mark.. و أعتقد كل السوني جذي ..
توكلي على الله و اشتريه .. السوني يهبل و استخدامه وااايد سهل .. كل شي على التعود.. و ماشاءالله 4 او 5 مرات يطيح مني ما صار فيه شي و الشحن بسرعة يشحن .. لكن يخلص هم بسرعة اذا 24 ساعة بايدج :dddds: بس تقريبا يشتغل 400 ساعة اذا ما استعملتيه .. هذا موجود بموقع سوني و معروف السوني أحلى تصوير اهو .. و موجود الهيدفون و الشحن معاه ..بس الهاند فري يمكن يعطونج اذا على الجهاز عرض

 

[فزهةّ خٌفوق]

شوفي حبيبتي

سوني اريكسون ما انصحج فيه

لانه شكل بس اما من ناحية الاستعمال

انسي كله يعلق

 

[دراما كوين]

upp

 

[ّ مغــــتربـــة **shosho]

انا كنت كله سوني وصرت بس اغير وجيي

والحين لايعه جبدي من كل الفونات وبرد على السووني
قاعده اشوف شنو اخذ

السوني عجييب

 

[MiSs P!nK]

1-هل يعلق وايد نفس النوكيا؟؟؟؟؟؟؟؟؟

شوفي انا من شريته لي الحين تقريباً صارلي 9 اشهر ما شاء الله ما علق الا يمكن مره او مرتين اذا كان ما فيه شحن بس




2- شلون استعماله ؟؟؟ صج يقولون معقد وينرفز ؟؟ واللي متعود طول عمر على النوكيا صعب يتاقلم مع الاريكسون ؟؟؟؟؟؟

لا عادي مو معقد ولا شي بس يمكن لأني متعوده كل تلفوناتي سوني بس حتى لو كنتي متعوده على نوكيا يمكن اول اسبوع تحسين انه معقد بعدين عادي تتعودين عليه




3- لما اشتريه ايي معاه الهيدفون ؟ نفس النوكيا ؟ لمن نشتريه الهيدفون فري معاه

اي معاه حبيبتي



4 - صراحه وحده من رفيجاتي قالت لي هالمعلومه وخوفتني

تقولي تدرين ليش الاريكسون واايد ارخص من النوكيا ؟؟؟؟؟؟؟؟؟ لان اشعاعاته وااايد
خطره اخطر من النوكيا بسالكم هل في وحده سمعت هالحجي من قبل؟؟؟؟؟؟ وتقول الدليل لو سولفتي مدة طويله بالاركسون تعورج اذنج عكس النوكيا تسولفين ما تعورج صراحه خوفتني
مادري شرايكم ؟؟؟؟؟؟؟؟؟؟؟؟

مادري والله اول مره اسمع هالكلام .. ما احس بعوار باذني اذا تكلمت فيه وايد



5 - وياريت تقولولوي شنو عيوب الاريكسون؟

بصراحه مادري انا ما جربت غيره فما اقدر اقولج شنو عيوبه ..

 

[دراما كوين]

MiSs P!nK مشكوووووووووووووووره على مروورج يا قلبي

 

[music_teacher88]

انا كنت كله اشتري نوكيا

بس من بدله بسوني اركسووون عفت النوكيا والله
صج ان الاستعمال غييير نهائيا بس مردج بتتعودين
والسووووني ماااايعلق مو نفس النوكيا مايصيرله اسبوعين يطفي ويشتغل بروحه
انا جهازي الي نصه وردي ونصه ذهب t650i
عيبه الوحيد انه مافي قفل بسسسس
استعمال وصوت ولون وكاميرا عجيب

 

[حلوه و محد قدي]

انا ما ايد بسوني
لان توني شاريه يعلق وايد
تسمعين موسيقى يعلق
تتكلمين وايد
هم يعلق مو بس يعلق يطفي الجاهاز بكبره

يا حسافه عليك يا نوكيا و الله
و ترا سامسونج حلو

 

[دراما كوين]

مشكوووورين بناااات
وان شاء الله ناويه اشتري جهاز مال نانسي عجرم الوردي
شرايكم فيه؟؟؟؟؟؟؟؟؟؟؟

 

[دراما كوين]

ابب

 

[*نوفه*]

حيــــــــــــــــــــــــل حلو

يهبل


مو طبيعي صج مكان الاحرف غير بس فتره وتعودين


وتعوفين النوكيا وسنينه

بس حساس اشوي ديري بالج عليه

عندج السامسونج بعد يهبل عجيــــــب ومو غالي ومايعلق

وذرب

انا عندي 2 سوني اريكسون وسامسونج

جد من كثر مو حلو خواتي غيرزا كلهم سامسونج

النوكيا التلفونات القديمه كانت تكد اما اليديده اسبوعين وخلاص يغثج

وترى كامل وع الهاند فري ومرات ميموري