يابنات تكفون ابي شوركم

[وافية*]

السلام عليكم
شخباركم انشاللة بخير
بنات ابي مساعدتكم اللة يخليكم
انا بسافر انشاللة ب20/7 لالمانيا ومعاي عيالي 6سنوات و4سنوات وبنتي سنة ونص:tomato2:وبدون خدامة مارضو يطلعولها فيزا:krkrkr:
الاثنين الكبار شايلين عمرهم اسم اللة عليهم بس الحجي كلة على هالنتفة اللي عمرها سنة ونص واللة خايفة تضيق خلقي هناك ومااستانس
ابي اللي سافرت وخذت عيالها بهالعمر تعطيني نصايحها واللي يعافيكم وشلون على الطيارة واغراضها وترتيبها مع العلم اني هناك راح ناخذ سيارة يعني ارحم شوي من شيلة الاغراض والدراجة وهالوالف بس هم بعد لازلت متخوفة.
علما باني مااقدر اخليها مضطرة اخذها اهلي كلهم مسافرين​

 

[الصابرة المحتسبة]

الله يسهل عليكم بالسفر والصغيرة عادي ياقلبي اخذي معاج العابها اللي تحبهم حيل وكراسة رسم وألوان للطيارة وراح تستانس هناك لاتحاتين تفاؤلوا خير تجدوه وزين سويتوا اجرتوا سيارة بس ديروا بالكم من قواعد المرور هناك ماعندهم بيع برد والله يحفظكم.

 

[وافية*]

تسلمين يالغالية على ردج واللة يسهل انشاللة

 

[وافية*]

شدعوى بنات 14 مشاهدة ورد واحد بس؟؟؟
ابي ارائكم وشنو اهم النصايح

 

[مفرفشة]

السلام عليكم​

​

لو كنت بمكانج واهلي بيسافروون اكيد باخذها وانشالله بتستانسين ومافي خوف بإذن الله بعدين الصراحه فترة الواحد يفتك من الخدامة ويحس بالخصوصية وآآآآآآآآآآسفة على الطوالة وتروحين وتردين بالسلامة يالغلا :eh_s(6):​

 

[وافية*]

اي واللة صاجة نفتك من الخدم شوي بس اللة يستر اخاف كل السفرة تصير حوسةوراهم اللة يصلحهم

 

[غلاي غير]

الله يعينج اسم الله عليهم عيالج بالضبط كبر عيالي
والصغيره لازم يكون لها يكرسي بالسياره ويكون باب السياره اثنينهم الي ورا فيهم قفل حمايه

واخذيلها جنطه فيها اكل تحبه ومميتها وشنو تحب تشوف

وانا اتوقع راح تنام بالطياره روحوا مبجر وقولولهم معانا بيبي ويحطونكم جدام بالمكان الي مافي احد قبالكم
واذا تمشيتم البنت بالعربانه واربطيها
وسهاله لاتحاتين سفره حلوه وموفقه

 

[البرنسيسه77]

اهم شى اخذى لها ملابس دافيه لان الديره بارده بالليل بس عندج جبال الالب ثلج ويبيلج 3 تليفريكات على ما توصلينه شراح تسووووين فى بنتج لان صراحه الجبال ما تتطوف والله يسهل اموركم

 

[الزمردهA]

الله يسهل عليج
اهم شي اخذي عرباااانه لبنتج لاتنسين
وانتي لاتفكرين بالتعب لان جذي يضيق خلقج
وشدي حيلج

 

[وافية*]

مشكورين ماقصرتو انا باخذ انشاللة عربانة واللة يعين بس سمعت هناك لازم يكون البيبي قاعد بكرسي السيارة ولامخالفة على طول صج هالكلام

 

[ريماا]

اتوقع عدل لا زم كرسى سيارة للطفل هناك قواننهم صااارمة
واذا عن الخداامة احسن ارتاااحى منها ..وتأكدى انة كل اغراض بنتج موجودة وتكفى خصوصا الحليب
وبالطيارة قبل لاتدخلين وكليها وجبة وحطيلها عصاير بالممية بدل الحليب اسهلج
غيريلها البامبرز قبل لاتدخلين الطيارة ويستحسن اذا قدرتى سهريها لحد وقت الاقلاع عشان تنام عليج
انا مثلج عيالى 6سنوات ونص و5 سنوات والصغير 3 سنوات بس الحمدالله مااحاتى حليب وبامبرز الان كبير على هالامور
تروحين وتردين بالسلامة ان شالله

 

[احساس طفلة 2]

شوووفي لازم تاخذين كرسي لان قوانينها نفس قوانين امريكا
ويبيلها كل شي تحبه واهم شي الممية والبامبرز
وسهلات
وتروحين وتردين في السلامة

 

[وافية*]

مشكوريييييييييييييين عالردود واللة شجعتوني وعسى اللة يسهل امورنا واموركم امييييييييين يارب

 

[عسل قمر14]

اهم شي الوان و الكراسه لاالعاب ولاتكثرين من الوانها وخرابيطهم لانها بتثقل عليكم
ولا تاخذين خدامه مثل ماقالو خواتنا

وانشاءالله تروحون وتردون السلامه ودرب سهل يارب


تحيااتي

 

[وافية*]

مشكوريييييييييييين
حبيبتي عسل قمر14 الخدامة بخليها بس موبكيفي اوربا مانعة الخدم هالسنة موراضين يفيزولها شنسوي بعد اللة يسهل الامور انشاللة

 

[وردي وفوشي]

مرحبا بنات اشصار علي الفونزا الخنازير مو خايفين منها انا كنت بسافر وكنسلت

 

[وافية*]

لاانشاللة ماكو الاالعافية واللة الحافظ بس بعدي عن التجمعات واتبعي شروط منظمة الصحة وباذن اللة مايصير الاالخير