يابنات شسوي باللي معاي بالصف

[معالي السفيره]

يااااااااااااااو يابنات

عسى الله لا يقطكم مثل قطتي:0bee2e8d89:

انا نقلت روضه جديده

وحطوني مع ابله وصراحه انا ماعرف الابلات فماعترضت او قلت لا

المهم ادش الصفوف كل واحد احلى من الثاني

دشيت صفي انصدمت امبيه يفشل يفشل يفشل

وفاضيييييييييييييييييييييييييييييييييييييي


انا مكمله واهي مربيه

المهم قلت يافلانه جنه الصف ناقص اشياااااء لي راس قالت من قال لا كامل


ياحول الله قلت خلاص انتي قولي شنو ناقص وانا اجيب مارضت بنات :nocommint:


قالت لا لا مانبي شي جذي زين


قلت الشكوى لله سكت صفها مو صفي انا مكمله يعني امسك الفتره ومالي شغل

قلت يابنت شنسوي افكار لاستقبال الاطفال


قالتلي العاب بو امية فلس وتخب عليهم


اطالعها تكفون شرد عليها:eh_s(4):

انا مااحب جذي بنات انا احب اتفنتك دايما

وهذي تبيني مثلها ماسوي شي

المهم انا شسوي


انا اخاف اتعب واسوي واخر شي يطلع باسمها اهي

لانه بروضتي القديمه صار جذي

الله كله يقطني مع وحده طايحة حظ ويطلع اسمها بشغلي

المهم انا شسوي اذا حطيت شي احط اسمها؟

والله ماددري انا افتشل مااحط اسمها

والله بنات عندي افكار لاستقبال الاطفال وشاريه الاغراض ومزهبتهم بس اخاف اسويه وصير الشكر لها

لاني جديده عالروضه ومايعرفوني ومايعرفون شغلي

وهم ماحب جذي احب اليوم في نشاط احلل معاشي عالاقل

وغير جذي شسوي بالصف الفاضي اللي حتى مو راضيه احط فيه شي ادشينه كئيب حده


ياليت تفيدوني​

 

[الزين يفرض نفسه]

رد : يابنات شسوي باللي معاي بالصف

اذا الروضة تدري شنو مستوى الابله انها على طول ماسوي شي

وييتي انتي هلسنة وشافوا تغيير مفاجئ وافكار جديدة على هالصف الكئيب اكيد بيدرون ان انتي

وانا اقول كتبي اسمج على شغلج مافيها شي

 

[sunshinq8]

رد : يابنات شسوي باللي معاي بالصف

السلام عليكم قوة ابلات شخباركم :eh_s(8)::eh_s(8)::eh_s(8):
انا يديدة مني بالمنتدى توني مسجله بصراحة وايد عجبني المنتدى و قلت بسجل استفيد وافيد بعد
وبعد برد على موضوعج حبيبتي بصراحة قوليلها الكلمة اللي تستحي منها بدها والحق ماينزعل منه:eh_s(15): قوليلها وبكل صراحة بينج وبينها انه موعاجبج وان انتي تبين جذي وجذي وجذي احنا في بداية السنة وانتو بصف واحد لازم تكونون صريحين مع بعض و اهم شي انتي ما تنقهرين بعد ترتاحين وليش يطلع شي باسمها كتبي انتي اسمج على كل ورقه وكل شي تسوينه وهذا حقج انا كنت اسوي جذي بصراحه عشان مايضيع حقي وتعبي والحق مثل ماقلتلج ماينزعل منه واذا بتسكتين من بداية السنة و هذا اسلوبها ماتحط بتتعبين وايد:cxxxp: معاها لا صارحيها من البداية عشان كل وحده تعرف شنو لها وشنو اللي عليها و اذا مارضت ومالقيتي منها فايده كلمي المشرفة لا تسوين مشاكل بس قوليلي ابي اسوي جذي وجذي واكيد ماراح تقولج شي و بعدين سوين اللي تبينه من غير ما تييبين طاري لاحد ان اللي معاج مو راظيه فهمتي حبوبه و ليش يعتقدون ان شغله دام انتي تقولين ان اهي من قبلج بالروضه معناته عارفين شغلها و طبعن بيعرفون ان هالشي مو منها منج وارد اقولج كل شي كتبي عليه اسمج وصفج احسن والله ترتاحيييييين و مايضيع حقج صج وبالتوفيج كلكم يارب :tek:​

​

​

 

[معالي السفيره]

رد : يابنات شسوي باللي معاي بالصف

والله يابنات معاك حق بس والله استحي منها

المرا كبيره كبيره

ولمى كلمتها قالت سكتي لا طرين طواري على الاداره


خلينا جذي مرتاحين


تخيلوا انا ماقلت لها قطي اساسا انا بدفع واجيب

اهي اصلا ماتبيني اجيب


ولا احط شي الظاهر ماتبي احد يقارن والا شنو ماااادري شنو نيتها بالضبط

 

[معالي السفيره]

رد : يابنات شسوي باللي معاي بالصف

انزين بنات انا مسويه اصدارات وبطاقات تهنئه للعام الجديد

احط اسمها؟؟؟ والا بس اسمي ؟؟

 

[غيمه ممطره]

رد : يابنات شسوي باللي معاي بالصف

جيبي ومالج شغل فيها وكل شي توزعينه بالتهيئه خلي اسمج عليه مطبوع وان قالت قولي هذا مسويته لروضتي القديمه وحرام اقطه بعرضه اهني و،صوري اغراضج والهدايه وبعدين حطيهاا بدفتر اخر السنه لانجازاتج بالصف

 

[معالي السفيره]

رد : يابنات شسوي باللي معاي بالصف

جيبي ومالج شغل فيها وكل شي توزعينه بالتهيئه خلي اسمج عليه مطبوع وان قالت قولي هذا مسويته لروضتي القديمه وحرام اقطه بعرضه اهني و،صوري اغراضج والهدايه وبعدين حطيهاا بدفتر اخر السنه لانجازاتج بالصف

والله عجبتني اقولها من روضتي القديمه خوش طريقه

وبدون لاسوي لنفسي مشاكل بيني وبينها


لاني والله ماحب المشاكل

والواحد ويده يداوم واهو مرتاح مو يداوم وشوف ناس ماده البووز عليه

 

[كويتيه-90]

حبيبتي بيدرون انه الافكار افكارك وشغلك لانها مثل ماقلتي ماتحب التجديد