يابنات فهموني هذي طيبه والا سذاجه

[ابلة لولوة]

بنات بليييز ابي حل لمشكلتي ,

مشكلتي اني وايد طيبه مع خداماتي يعني الوحده اييبها من المكتب براتب 45 بعد شهر ازيدها 50 دينار

احب اسولف معاهم وعمري ماصرخت عليهم ولا طقيتهم وسخيه معاهم

اخذهم معاي الجمعيه واقولها اللي تبينه اخذيه

ودايم اقولها انتي اختي موخدامه ويشهد الله انه بالعيد اشتريلهم هدوم وعطور وجواتي كرمكم الله قبل لاشتري لنفسي

احب ادلع الخدم لان عندي اعيال صغار الله يحفظهم ودايم اقول ماينخدم بخيل

المشكله انه خدامتي قالت لي بسافر بشوف اعيالي قلت لها اوكي خل اعطل واخليج تسافرين بس قلت لها حبيبتي بتردين والا اطلب وحده يديده جان تقولي نطريني انا بيي

المهم لما سافرت دقت علي من موبايلها وقالت لي خزني رقمي وانا بصراحه استانست انها دقت بس حشاكم كلت تبن بسفرتها تدرون عيالي معطلين وقاعدين وماكان عندي وحده تساعدني لليهال وخصوصا عندي ياهل بو 7 شهوور

وكنت كل اسبوع احاجيها واسال عن اهلها واقولها ها حبيبتي على موعدنا انشالله بتردين تقولي اي ماما انشالله برد

بيوم ييتها الكويت دقيت عليها عشان اذكرها ترووح المطار جان تصرخ علي وتقولي لاتدقين بعد انا مابيج شوفي وحده ثانيه لايسوي كلام وايد وتسكره بويهي طبعا قبل لاتسافر بربع شهوور خليت معاشها 60 دينار تخيلو من 45 الى 60 وهي ماقعدت عندي الا سنتين بس يعني عشان انا طيبه وعلى نياتي جذيه يصير فيني

ابفهم شنو الغلط اللي سويته ؟

 

[@ام ضاري@]

رد : يابنات فهموني هذي طيبه والا سذاجه

ماسويتي شي غلط حبوبه بس هذوول الخدم مستحييييييييييل يطهرون

جنج قاعده تقولين سالفت رفيجتي بخدامتها وهقتهاا وقبل موعدها بيومين سكري التيلفون

حبيبتي مهما نسوي فيهم ونعطي ماينفع ابد

انسيهاا ختولي بدالها عشر

 

[روح مغليها]

خخخخخخخخخخخخخخ
حليها توولي الخدم لا تعطينهم اكثر من حقهم
هنووعيه على بالج نفسج تقوول لا هذي طيبه لازم اصير نفسهاا
لالا هذوول على غييييييير
بالعكس لما تصيرين طيبه يدسوون عليييج
خليها تولي كلها خدامه
الله يعووضج

 

[منورة العتيبي]

الخدم معروفه لا تطيحين معاهم الميانه ولا تزيدينها من كيفج عطيها حقها وبس وهذي اسمها طيبه بس اخذي درس لا تصيرين معاهم طيبه زيادة عن اللزوم مع الخدم واتمنى تقبلين ردي :balo:

 

[cat^q8]

وي الله يهديج خليها تولي

الوحده يالله تتحمل زعل ريلها ولا حمولتها

تشيلين هم خدامة

انتي ماتدرين شنو ظروفها بديرتها خو اهمه هناك نكد مساكين الله يكون بعونهم

يقطون سنتين وايمعون بهالفلسين

اذا راحوا يا اما منباقين من اهلهم و لا على راسهم ستين مصيبه

انا ماقوللج اللي فيج سذاجه بالعكس الخدم من حمام الدار حرام تصيرين قاسيه معاهم

بس بنفس الوقت ماتصيرين كلش يادهينه لا تنكتين

يعني عطيها حقها وبس موو اكثر


وان شالله بتلقين احسن منها

الخدم يرووحوون وايون الحمدلله عالنعمه

 

[سكرتيرةالمستقبل]

يا معوده خلج جذي بالطقاق الفلوس الي تنقط على هللاشكال المهم سلامتج و سلامت عيالج
فدوه عن اعماركم
انا عن نفسي كل ما اذكر انه عيابي عندها طخيت ويزيد الكرم
ياربي هالخدم شر لابد منه

 

[سكرتيرةالمستقبل]

عيالي**

 

[رغوووده]

اذا اكرمت الكريم ملكته واذا اكرمت اللئيم تمرده


حبيبتي هذي طيبه زايده ومعروف الخدم لاتكونين قاسيه عليهم وبنفس الوقت لاتكونين طيبه حييييييييييييييييييل معاهم يعني عامليهم صح بس لاتكونين كريمه زياده عن اللازم لانهم جذي يطمعون فيج ويستضعفونج وهي لما شافتج تتصلين وتساحلينها عشان ترد شافت نفسها عليج وحستج منحده عليها

انتي اخذيها درس لج انج ماتمونين نفسج ولا تمونين الخدم عليج حيييييييل خلي في حدود بينكم وعطيها حقها وبس واذا بتزيديها كرم منج مو اول الايام لا بعد ماتكمل سنه ومو واجد

صدقيني مو بخل بس لان جربنا جذي كنا كريمين حيييييل معاهم وانقلب كل شي علينا

انتي دوري غيرها والله يعطيج ع قد نيتج

 

[صباح الليل]

انتي غلطانه
صيري طيبه معاها صح بس مو لهالدرجه
لانهم ماينعطون وجه

 

[( المـلاك )]

حبيبتي
عاملي الناس كلللللهم باخلاقج و طبعج وخليج طيبة مع الكل

الا الخددددم

الخدم ما يدش بعينهم شي كلللش
انا امي تسوي بالخدامات مثلج و زود بعد
اخر شي باقوا جم شغله بالبيت و انحااااشووو

الخدم ما ايوون الا بالزف و السب
بس احنا نخاف ربنا و ما نسوي فيهم جذي

بس هم الخدم ما ينعطون ويه
ولا كفوو شي

عامليها برسميه
و لا تاخذ الا حقها
جذي تصير ادميه

اعوذ بالله من هالخدم :/

 

[حجيه هيونه]

الله يكون بعونج والحمدالله يت على جذي


خلاص عاد الحين انتي صار عندج خبره بالتعامل معاهم مره ثانيه لا تصيرين جذي وغيري شوي من اطباعج

 

[ساندريلا]

حبييبتي انتي وايد دلعتيها انا مااقول صيري لئيمه بس مو طيبه لهدرجه يعني اشدعوا بس قاعده عندج سنتين معاشها من 45 وصلتيه لي 60
يعني خدامه امي بنعطيها نفس الشي بس شنو لمن خلصت مدتها قلنالها لاتسافرين وراح نخلي معاشج 60

خليها تولي وطلبي ثانيه احسنلج لو انها ملاك من تسافر ديرتها تردلج حشاج زفت بسرعه يتغيرون

 

[miss-winter]

والله كسرتي خاطري بس شوفي يعني فقرااانه وفجاءه عاشت بنعمه ودلع ودلال واهيا الي رفست النعمه

 

[ريماس21]

الخدم لووووووووووووووووووو شنو مااينعطووون وجهه والله اخذيهاا من مجربه


وخليهاا تولي وجيبي لج وحده ثاانيه بس نصيحه لاتعطينه وجهه وتمادى معااج

 

[يوآش يوآش]

رد : يابنات فهموني هذي طيبه والا سذاجه

حبيبتي موضوعج نازل مرتين

ورديت عليج بموضوعج الثاني ,, بس

همن برد اقوله ..

خدامتج اهيا ناكرة حسنه

والعيب مو فيج ..لان

امي تسوي مثلج مع الخدم

بس ولا وحده سوت مثل خدامتج

وهذي طيبه مو سذاجه


والله يسامحها ..

 

[om_dodo]

الله يعوضج باللى احسن منها

 

[فطفط نجد]

الخدم معروفه لا تطيحين معاهم الميانه ولا تزيدينها من كيفج عطيها حقها وبس وهذي اسمها طيبه بس اخذي درس لا تصيرين معاهم طيبه زيادة عن اللزوم مع الخدم واتمنى تقبلين ردي :balo:

انا اوافق بنت عمي بالرد

 

[صدى الوحدانية]

ماينعطوـون وجه كلش لآزم تصيرين عادية معاهم ماتعطينهم أكبر من حجمهمـ


صيري طيبة أحيـأنـأ وصيري جامدة أحيـأنـأأ والخدمممم محد يكثر الكلام معأهم بس جاية خدامة تخدمج مو تسولف معاج



أسمحيلي حبيبتي لآن كذا مرة صارت سوااالف خدم مع امي وخلآص حطيت عليهممم اكـس ماعاد أكلمهم ولآ أسولف معاهمممم



بس خدامة من اسمها خدااااامة * وسخات *

 

[ابلة لولوة]

بنات بعد قلبي مشكورين على ردودكم بس المشكله دوامي ماباجي له شئ وعندي ياهل عمره سبع شهوور وين اوديه

وضع اهلي وحمولتي مايسمح اني اوديه عندهم والله خانقتني العبرة على نفسي

والله العظيم اعرف وحده تكفخ خدامتها جدامي , وقعدت عندها 10 سنين اشلون مادري ؟

 

[‏ڝڋٸ ٵڸڪٿہـآڻ]

ما ادري صراااحة بس يمكن اهلها منعوها ترجع ولا ليش عطتك رقمها غريبة
خليكـ وسط لاتكوني مرة طيبة معها ولا تظلمينها لأن الظلم ظلمات يوم القيامة
ومالكـ إلا تدورين وحدة بدلها لإن الخدمات اذا راحو بلادهم مايرجعون واذا رجعو رجعو معاهم بسحر وشعوذة
أنا أعرف وحدة كانت طيبة مع خدامتها وسحرتها الخدامة تقول عشان خايفة يجي يوم ماتحبها وتسفرها
الخدم مشاكل بس الوحدة تحصن نفسها وماتظلم وربي نجيها ان شاء
ناس من جماعتنا كان عندهم خدامة صح طلباتهم كثير بس ماشاء الله مغرقينها بالفلوس
اخر مرة جونا وهي بتسافر لأهلها وبترجع الموهم وكانت جالسة معانا وجلست تورينا إنها اشترت بلاك بيري انا أول ماشفت البلاك بيري
وأنا غاسلة إيدي منها وبالفعل راحت بلدها ولين الحين مارجعت وكله بسبة البلاك بيري هع