يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

[طوق اللولو]

يابنات مصبيه نزلت علي مصيبه
زوجي تزوج علي بدون مادري الا بعد الملكه
شفتو الخيانه والغدر
والله مابيننا شئ وحياتنا الحمد الله احسن مايكون
بس حسبي الله على امه واخواته هنا السبب
يابنات هن اللي خططنا ودبرنا
وش اسوي وين اروح انا الحين ببيتي مع عيالي
وعرس بعد يومين
تذكرون قبل كتبت موضوع هذا تكفون اقروا
وشوفوا وش صار لي يابنات
http://www.q8yat.net/showthread.php?t=713206

 

[مذهلة 78]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

الله يصبر قلبج ويخفف عنج

شلون دريتي ان تزوج ؟ وحتى لو متزوج مالج الا الصبر والدعاء ان الله يخفف عنج هالمصيبه

فاتحيه بالموضوع وقوليلي انا بشنو قصرت معاك عشان تتزوج علي فهمي منه شنو السبب اللي خلاه يتصرف جذي

بعدين يا قلبي لا تحطين اللوم على امه وخواته اهو لو مو عاجبه الوضع جان ما سواها

و ويا قلبي قعدي ببيتج مع عيالج شتسوين بعد هذا بيتج لا تتركين لها الجمل بما حمل

 

[ام العبايه]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

الله يصبرج افرشي سجادتج وادعلى على من خرب بيتج ولا تنسين الدنيا دواره والله فوق كل شي ............. كلشي ولا خراب البيوت

 

[جيكره(و)تتغلى25]

يوووووو الله يعينج


الرجال دايما يجرح يارب يلين قلبه ويرجعلج

 

[Esraa.a]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

الله يصبرج انشالله .. وكثري من الاستغفار حبيبتي



استغفر الله الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون

 

[Killer^Girl]

الله يعينج ويمسح على قلبج

 

[ام العبايه]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

شرايج تروحين العمره ........... وتبردين قلبج

 

[Gourges]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

استغفر الله ياربي استغفر الله ياربي ...

اللهم اجرني في مصيبتي واخلف لي خيرا منها ..

ادعي يالغاليه مالج الا الدعاء ان الله يصبرج اولا واخيرا ...

ولاتلومين اهله اللوم عليه اهو لان الريال لي مابغا يسوي شي مايسويه لو امية راس على راسه

 

[ابله فنيه]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

الله يصبر قلبج

ضيقتي خلقي

الله يرده لج يارب و يفركش زواجه

بس نصيحه لا تطلعين من بيتج خلج انتي اقوى منها و رديه لج

بعد العشره الي بينكم لا تخلينها تاخذه منج صيري انتي الاحسن و الاذكى

بالصلاه و الدعاء و حسن التصرف و العقل بيرجعلج

 

[برياني لحم]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

الله يعينج ويصبرج والله قطعتي قلبي

 

[قاهره عذالي]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

اي والله ادعي على من خربت بيتج

ترا الدنيا يا حبيبتي

كما تدين تدان

خلج ببيتج بوسط عيالج
وان جا احقريه ومالج شغل فيه

وعادي يسوونها الرجاجيل

لا انتي اول الناس ولا اخرها

ولو هو ما يبي يتزوج عليج وبباله الفكره وعاجبته

امه وخواته ما يأثرون فيه
هو جازت له الفكره

وباجر يبي يتحسف

خليه يولي وخلج ببيتج

وان جاا احقريه عدل عدل وخلج لاهيه مع عيالج ونامي عند عيالج وخليه يولي

وتلقينه يستغرب من ردة فعلج البارده ويلزق فيج ومو بعيد من اسلوبج هذا

يقول بنفسه هذي تزوجت عليها وما انقهرت وقويه وما همها فيركض وراج
ومو بعيد يطلق هالجديده اللي مالها داعي

 

[متخصصة بالاعشاب]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

الزوجه الاولى في القانون الكويتي اهي اللي لها كامل الحقوق
اما الزوجه الثانيه ما عندها غير البطيخ


امسكي بيتج وبيت عيالجواصحي تتطلقين الحمدلله , الدنيا يومان يوم لك ويوم عليك
فان كان لك فلا تبطر , وان كان عليك فاصبر
فكلاهما سينحصر
امسكي بيتج وريلج والشرع حلل اربع
شكثر بنات اعرفهم ازواجهم تزوجو وكانت هذي الخيره عرف زوجها قيمتها

زوجج بيرجعلج باذن واحد احد
وكرري هالكلمة دائما ( زوجي يحبني مستحيل يتخلى عني ويحب غيري)
ترى انتي وحده متشائمه وانتي بعد الله جريتي هالمصيبه على نفسج وقد قال الرسول الكريم تفاءلو بالخير تجدوه
انتي تفاءلتي بالشر ويالج
حبيبتي دشي قوقل وكتبي ( نظريه السر او سيكرت ) وبتعرفين شقصد

انتي دائما كرري الفال الطيب وابعدي الشيطان وتعوذي منه واستغفري الله الف مره


يقول الشيخ د. خالد الجبير : كررو قول " استغفر الله الذي لا اله الا هو الحي القيوم واتوب اليه " وسترون عجبا من تفريج الهم وتيسير الامر.

 

[قاهره عذالي]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

متخصصه بالاعشاب

طوق اللؤلؤ ترا من السعوديه


هذا رابط موضوعج اللي من يومين

تدرين كنت عبالي خيانه

ما جت ببالي زواج مره وحده
http://www.q8yat.net/showthread.php?t=777397

سبحان الله قلبج كان دليلج

 

[خلجااات]

الله يصبر قلبج

اكثري من الاستغفار والدعاء

والله يشرح صدرج.. كل شي يبدا صغير ويكبر الا الهم يبدا كبير ويصغر

ربي يشرح صدرج .. ربي يخفف عليج

قلبي معاج ..

 

[ابله فنيه]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

الله يصبر قلبج

ضيقتي خلقي

الله يرده لج يارب و يفركش زواجه

بس نصيحه لا تطلعين من بيتج خلج انتي اقوى منها و رديه لج

بعد العشره الي بينكم لا تخلينها تاخذه منج صيري انتي الاحسن و الاذكى

بالصلاه و الدعاء و حسن التصرف و العقل بيرجعلج

 

[chanel N22]

الله يفرج همج يارب وهم كل مهموم

 

[ام شووووق]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

الله يصبر قلبج

 

[قلبي عبدالله]

الله يصبر قلبك
والظالم راح تجيه

ثقي تماما ان الله يمهل ولا يهمل

وكوني قويه ولا تكسري نفسك لأنه ما يستحق

والله ضاق خلقي ومستغربه كيف ماحسيتي انه متغير

 

[اسرار الغلا]

لاحول ولاقوة الا بالله

 

[ام علاوي وعزوز]

رد : يابنات ياحريم تكفون هم هم بفلبي وماعندي احد وانا ضايعه الله يخليكم مصيبه

خلج في بيتج وعيالج عندج ولا تتخلين عنهم
وديري بالج تقولين بروح بيت اهلي ترا محد راح يتحملج انتي وعيالج حتى اهلج
خلج في بيتج وخليه يصرف عليج انتي وعيااالج مثل اول ولا جنة شي تغير واهو ابكيفه خليه يطلع ويدخل ولا كأنه موجود احقريه
وتصبري وما بعد الضيييييق إلا الفرج انشالله