ياترى شنو رح شعورج و شنو رح تختارين !!!!

[شعولة العسولة]

السلام عليكم خواتي العضوات


حبيت أسألكم سؤال ..........

لو طلبو منكم في يوم إنكم تغيرون جنسياتكم الكويتية لجنسية ثانية (بس لمدة سنة وحدة )


شنو أهي الجنسية إلي رح تختارون ها و ليش ؟؟

وشنو رح يكون شعوركم وأنتم تغيرون جوازاتكم من (كويتية ) لأي جنسية ثانية ؟؟؟


أتنمى إنكم تجاوبون على سؤالي

أبي منكم تفاعل (الموضوع مو تسلية لكن وراه مغزى رح أوضحه لكم بعدين )


تحياتي لكم

مشاعل لكويت

 

[Mariahh]

هلا حبوبة

أنا بالنسبة لي مستحيل أغير جنسيتي لو شنو يكووووووون

حبي وانتمائي لوطني الغالي بس

وتسلمين يا الغالية على الموضوع

سلامي لج

 

[brettey]

في اغنيه اسمها الله امر احبك واعشك يا قمر
فيها مقطع يقول( لو عادلوك بالذهب مابدلك ثاني )
هالمقطع راح ينطبق عليي حزتها لو قالوا لي شنو تختارين لو بتغيرين جنسيتج راح اغني هالاغنيه حق الجنسيه الكويتيه
روحي وحياتي الكويت
اقول لج شغله انا صج احب السفر بس حدي اسبوعين اكثر من جذيه ما احب لان بسرعه احن لديرتي الغاليه الكويت
ما انسى سفرتي لماليزيا كنا رايحين على طيران سيلان وكان ترانزيت بدبي ساعه بالطياره وعقبها ترانزيت سيلان ساعتين بالمطار وعقبها ماليزيا وقعدت اسبوعين ويوم بغينا نرجع الطياره تاخرت 6 او 7 ساعات واحنا كنا رايحين المطار من الساعه 7 الصبح لانه ياخذ ساعه وكانت طيارتنا على اساس الساعه 11 قبل الظهر وماطرنا الا 6 المغرب وقعدنا ليله بسيلان وتبهدلنا ورحنا المطار الساعه 5 الفير وطرنا من سيلان الساعه 7 ووصلنا دبي قعدنا ساعه بالطياره كان حزتها تقريبا بدبي الساعه 12 وعقب طرنا الكويت وصلنا وكانت الساعه 11 امبيه الكويتين الي على الطياره كلنا قمنا انقول هييييييييييي ونصفق وعيونا دمعت من الفرحه
صج كانت سفرتي لماليزيا ممتعه ووناسه بس الكويت ديرتي الي مالي غناه عنها

 

[Sallo0oma]

يسلموو عالموضوع

وانا بعد من سابع المستحيلات اغير جنسيتي باي جنسيه ثانيه الناس اتمنون الجنسيه الكويتيه وانا اروح اغير جنسيتي لا طبعن ولا حتى ارضى اغيرها لمده دقيقه مو بس سنه

 

[alb7ranya17]

اي شي نغير الكويتيه لجنسيه ثانيه ماكو شغل والله لو تختفي الكويت عن الكره الارضيه بتم كويتيه كفايه ترابها موجود

 

[دقدوقه]

لو لم اكوون كويتيه لتمنيت ان اكون كويتيه


ماابدلها لو شيصيييير

 

[$حبيبة عبودي$]

كلش كلش اختار الصومال ..<<<ماكو شغل
انا روحي معلقه اهني ولوغصبوني وذبحوني ما اغير اصير شهيده بترابها .....

 

[a7La_3eMeYa]

اختاار الجنسية المرييخييه هيهيهيهيهيهيهي<<بررااا
لوول لا اتغشمر لووووووووو شنوووووووووو ماغيرها ان شاءالله مو سنة يووم و لا حتى ثاااااااااااااانيه مابدلها فديييييت الكويت و ترااب الكويت و بحر الكويت و هوااها

 

[الاسطورة]

انا كويتي انا
لو شنو ما ابدل جنسيتي
الناس تتمنى الجنسيه الكويتيه
وتبيني انا اغيرها؟؟؟؟

والله تأبى المروئه

العشق الابدي لكويتنا الغاليه
حلوه بحرها وغبارها وبرطوبتها الي تخنق
كل شي فيها
يفووووووووووووووووووووووووووووق الوصف حبي لك
يفووووق الوصف

 

[أم حمد =)]

مااغير

 

[شعولة العسولة]

خواتي العزيزات

روحكم الوطنية تشرح الصدر

وتنعش الروح
بس كلش كلش مافهمتو قصدي


أكيد ماحد منا عاقل ممكن أنه يغير ديرته فمابالكم لو كانت أرض الخير كله و الطيبة و الكرامة (الكويت )

بس آنا كان قصدي لو كان الأمر إلزامي

يعني مثلا مفروض على واحد فيكم فرض من الدولة أو جهات عليا .....ألخ

هني أشلون الواحد فينا ممكن يتصرف إذا كان لازم يختار بين الأمرين كل واحد فيهم أمر من الثاني

مابي كلام عاطفي و رومانسي أبي ردود عملية (بليييييييز ):eh_s(1):



الله لا يحط أحد في هالموقف (آآآآآآآآآآآآآآآآآآآآآآمين )

تحياتي لكم

مشاعل

 

[ii DareeN ii]

الموضوع مغلق

السبب غير هادف