ياجماعة الخير..

[هياني المزيونه]

السلام عليكم ورحمة الله وبركاته..

ومبارك عليكم الشهر..

بناتي وخواتي.. كلنا هزتنا حادثة حريق الجهراء

وهذا قضاءالله وقدره .. وإنا لله وإنا اليه راجعون..

بس اللي بغيت أقوله إن احنا داخل علينا شهر فضيل يتطلب منا عبادات وطاعات وإخلاص.. واللي اشوفه ان البنات مو مخلين حد في حاله

صحيح كلنا حزنا على اهلنا اللي ماتوا والله انشاءالله يرحمهم ويغفر لهم.. وكلنا انصدمنا من ما فعلته الزوجه الثانيه..

لكن يابنات احنا قاعدين ناخذ إثم بهالكلام اللي نقوله ونردده بدون دليل وهالإشاعات اللي نرددها نستاثم عليها

ماحد يدري وش اللي صار... دعوا الخلق للخالق.. ودعوا القضيه للقضاء

وقولوا لاحول ولا قوة إلا بالله العلي العظيم وبه نستعين

وإدعوا لبنات المسلمين ولنصره بالهدايه.. وصدقوني لكم الأجر بدال الأثم .. واتركوا الكلام في اعراض الناس والتخمين والتحقيق
واهل المعرس واهل العروس

الله يعينهم في مصيبتهم ويخلفهم خير انشاءالله

ونصره لها رب يحاسبها ..... الله يرحم موتانا وموتى المؤمنين

بدلوا سيئاتكم حسنات واستغفروا ربكم...... ومبروك عليكم هذا الشهر الفضيل

 

[rawan22]

عين العقل

دام فينا الكلام نتكلم بشي يفيد مو شي ينحسب ضدنا ونحاسب عليه