- إنضم
- 15 سبتمبر 2009
- المشاركات
- 8,327
- مستوى التفاعل
- 25
- النقاط
- 0
قوه شلونكم :eh_s(17):
من قريب الشهر وصلني عالواتساب:
السلام عليكم!
وانا ما اعرف الرقم
فقلت منو؟؟
والا تقول انا فلانه زوجة فلان<<<((طليقي)):eh_s(10):
قلت هلا؟؟
قالت وين فلان<<ولدي تسأل عنه بما انه كان زايرني
وانتوا تدرون ولدي عند أبوه بيت اهل ابوه وكلهم ساكنين سوا
يعني يعتبر عايش عندها ..
قلت موجود
قالت ياقلبي البيت ولاشي من غيره!
والله يشهد اني احبه واعامله مثل عيالي
قلت مشكوره ياقلبي فيج الخير ماقصرتي
والا تقول
انا ودي من زماااااااان اتعرف عليج بس متردده
قلت لا عادي لا ترددين حياج الله بأي وقت
قالت اي انا والله وايد احبه كفايه انه ولد فلان<<((طليقي))
قلت مشكوره والله حتى فلان ((طليقي))وايد يمدحج عند امي ويقول انج خوش وحده معاه وطيبه
جان تقول اي وانا حابه اقولج ان لا تخافين عليه ولاتحاتينه ترى اهو مرتاح.
المهم تمت برودكاسات بينا عاديه وجذي..
عاد اليوم دشت علي وسوالف جان تقولي
انتي ماتدرين شيسون فيني لي صرخت على ولدج؟
ياكلوني زوجي وامه وانا فيني قولون واهو مايسمع كلامي وانا طبيعي اصرخ عليه
انا عيالي اطقهم.
قلت لها ياعمري ماتشوفين شر سلامات
وترى الناس كلها تاخذ موقف من مرت الابو بغض النظر عن اخلاقها وضميرها
يعني خلج واثقه من نفسج ولا تتضايقين!
جان تقول بس انا ما اخاف منهم انا اخاف من ربي!
وعقب قالت انا اسفه خذيت من وقتج اعتذر
قلت لا عادي والله حياج!!
ملاحظه :ولدي عندي كل عصر انا ادرسه.
سؤال يسدح نفسه بنات انا حسيتها حبوبه
انتوا شرايكم؟؟
شنو الدوافع يعني؟؟؟
علما بأن طليقي تزوج بعدي شكثر يعني معقوله تتعرف عليهم كلهم؟؟
والا انا بس عشان اتطمني على ولدي؟؟؟
وكلامها حيل طيب وذوق
مره قلت لها بليز خلي ابوه يروحله باجر المدرسه ماعندي سياره
جان تقولي من عيوني افا عليج اذا ماراح ابوه انا اروح ولا يهمج..
شرايكم ؟؟
